Wafilipi 1:27 - Kishambala New Testament 2005

²⁷ Ntoγo mtende myangile yeivana na ulau wedi wa Kilisito, kangwe ati nazaiza, nimione, ati ni kunu hale, nimiive kuti: Mwaγolokelana na mpeho ṅwenga, kuti: Mwaambizanya nkondo na moyo muṅwe kwa mbuli ya kutozesha ulaungwa wedi.

Wafilipi 1:27 Iomraidhean Croise

Mateyo 12:25

Miya azataila ntongonyezi zawe, azawati: Kila uzumbe ukipangana ṅwenye wachakuka. Kila muzi, hata nyumba du ikipangana ṅwenye nkaiikala.

Ntuṅwa 2:46

Kwa kuti ne wai moyo muṅwe, nkawadizile kuunganana kila mushi mwe vikilongwa, hata kwe nyumba zawe wazabendwilana migate,

Ntuṅwa 24:24

Mishi miγeke ikizinka, Feliki azaiza na muke Dilusila, ni Muyuda, azamtumiza Paulo, azamteγeleza, akimwonyesha mbuli ya Kilisito Yesu.

Ntuṅwa 4:32

Jiya bumba joshe ja waja wetozesha jizatenda moyo muṅwe na mpeho ṅwenga; nkakuna hata muṅwe mweγamba viya, avyona navyo, kuti ni vyakwe ṅwenye, miya vyashe ne vii vya bumbangwa.

Waloma 1:16

kwa kuti una nguvu ya Kimulungu kuhonya kila muntu, ndiye atozeshe, bosi Wayuda, vikibinda Wagiliki wohena.

Waloma 1:5

Uyu ne atifileye mbazi, akitigimbika ntuṅwa, kuunga tihinye wamzimu wosheni kuitika na kutozesha, kangwe zina jakwe jigimbikwe.

Waloma 1:9

Mulungu, niyemγoshwela ndima mwe moyo wangu nikibilikila ulau wa ṅwanae, uyu Mulungu ni mwona ywangu kuti:

Waloma 10:8

Lushe vya kweli ni vihi? Ni kuja kuγamba: Mbulingwa i hehi na iwe, i mwe kanwa chako, kangi i mwe moyo wako, inu ni mbuli ya kutozesha, tiyobilikila.

Waloma 15:16

kangwe nimtumikile Kilisito Yesu ndima ya wamzimu nikibilikila kiṅazi ulaungwa wedi wa Mulungu, kangwe tulo, wamzimu wajomwiγaila, jimtamile Mulungu jikiṅazwa ni mpeho ṅazi.

Waloma 15:29

Miya nataila kuti: Aho ndiho nezeniizile kwenyu, nitaiza na uja ungi wa vitana vya Kilisito, awokatiṅaziza mesho nawo.

1. Wakolinto 1:10

Namihimila, wanduγu, kwa mbuli ya zina ja Zumbe ywetu Yesu Kilisito, mulonge nyoshe mbuli ṅwenga du, kwenyu kusheoneke mipangano, nguvu yenyu iγaluke ija ya kufanyanya na kutaila iyo mbuli ṅwenga du.

1. Wakolinto 15:58

Kwa ivyoho, wanduγu wangu, niwokundisha, toγai vitana, mshevuwanike! Isiizai kukihima ndimaugwa ya Zumbe mishi yoshe! Hambu mwataila kuti: Lulah, muloona kwa mbuli ya Zumbe, so lwa bule.

2. Wakolinto 13:11

Lushe wanduγu, onal nyemi! Tamizanyai! Shundanai! Tendai moyo muṅwe! Ivanai! Mulungu aange na inywi mwe lukundisho na mpolele!

2. Wakolinto 4:4

hambu Mulungu ywa inu shi azachusha myoyo ya waja washiwotozesha, kangwe washemuhilikilwe ni langaila jelawa kwe uja ulau wedi wa Kilisito mwefahana na Mulungu.

2. Wakolinto 9:13

Inu ndima mkiiγoshola kweli kwa mbazi du mwamgimbika Mulungu nayo, hambu ivyoho mwitika viya, muvyolonga vya ulau wedi wa Kilisito, kuti mzaukunda, kangi ne muvyotenda kishe cha kupangila waja na woshe watuhu.

Wagalatiya 1:7

kangi nkakuna utuhu, kuna du wemiazaγanya, wekunda kubana ulau wa Kilisito.

Waefeso 1:13

Hata inywi mzaiva mbulingwa ye kweli, ni uja ulau wa uvunizi wenyu; aho mkitozesha mzainkwa ndiye lwitangilo, ni Mpeho mṅazi mwebontola kilaγa;

Waefeso 1:15

Lushe ivyo niivilevyo, muvyomtozesha Zumbe Yesu, muvyokundisha waṅazi woshe,

Waefeso 4:1

Imi nishungiγweye kwa mbuli ya Zumbe namihimila, mtende myangile yeivana na uja mwitango, mwitangwewo nawo,

Wafilipi 1:5

kwa kuti mwaangilana na ulaungwa wedi aho mwandiileho mpaka ivi lushe.

Wafilipi 2:12

Lushe weyangu niwokundisha, sa muvyoniitika mishiyoshe, ati niγuko, hata siko sa ivi lushe, pikilai uvunizi wenyuwenye na kuogoha na kudidima!

Wafilipi 2:24

Miya naalila kwa Zumbe kuti: Nami nezenifikeiza.

Wafilipi 3:18

Hambu wangi waanga, sa nivyomiγambila kangi muno, miya lushe nalonga na kulila kuti: Niwankuluwa muti Kilisito akomiγwewo nawo.

Wafilipi 3:20

Kangi kaya kwetu ni mwe lwingu, tikomwafiza mhonya ywetu Yesu Kilisito,

Wafilipi 4:1

Lushe inywi wanduγu wangu, namikundisha, mwanibuza luzwi, mu nyemi yangu na linga jangu; kwa ivyoho, weyangu, γolokai mwina Zumbe!

Wakolose 1:10

mtende myangile yedaha kumtamila Zumbe vitana, mtende kuwo ja kuγoshola ndima zoshe ntana, mwisiize kumtaila Mulungu.

Wakolose 1:4

Hambu tizaiva, muvyomtozesha Kilisito Yesu, kangi muvyokundisha waṅazi woshe.

1. Watesalonike 3:6

Miya Timoteyo azauya akilawa kwenyu, azatitamwila na nyemi, muvyotozesha, muvyokundishana, kangi muvyotitonga vitana mishi yoshe, muvyotendwa ni luzwi lwa kuonana na ishwi, sa ishwi na inywi.

1. Watesalonike 4:1

Kwashiγala, wanduγu, tikimihembeleza, tikimihimila, kwa kuti mwamkunda Zumbe Yesu, mzifye vivyoho, kangi mzinke ha mishi yoshe, sa viyaho mwivilevyo kwetu, myangile yetiagiza, kangi yemtamila Mulungu ilivyo.

1. Timoteyo 1:11

Ne tivyoonyeshiγwa ni ulau wedi wa utana wa Mulungu, ṅwenye nyemi; kangi ni uja nilaγiliziγwewo imi.

1. Timoteyo 1:19

utozeshe ukitenda moyo ushiwokipanga; kuṅwe wazaasha uja moyo we ivyoho, ne vilekilevyo, mitozesheze yawe ikibanika yohe,

2. Timoteyo 4:7

Nizaomana nkondo ntana, nizabontoleza mhotwe, nizatozesha mbulingwa.

Tito 2:10

washelandule na nkani, washehakiγwila vyaugwa, miya wamanyike, kuti waγolokela viya vyangwa vitana, kangwe mwe mbuli zoshe wagimbike mbulingwa ya mhonya ywetu Mulungu, wafuziγweyo.

Filemoni 1:5

hambu nizaiva, uvyomkundisha na kumtozesha Zumbe Yesu na waṅazi woshe.

Yakobo 3:18

Miya kuwo ja utanda jihandwa mishi ya mpolele kwa waja wetenda mpolele.

2. Petelo 3:11

Ivi vyoshe vikibanika ivyoho, lushe nkavimiagiza kutenda myangile miṅazi yemtamila Mulungu?

2. Petelo 3:14

Lushe wanduγu, ati mwaalila ivyoho, kihimei, kangwe nezemumumanyikile, kuti mwaanga kishiuhuza na kishimasa, kuti muna utondolo!

Yuda 1:3

Wambuyangu, nizakihimisha, nimigondele mbuli za uhonya wetitala toshe, kwa ivyoho shuli nimigondele na kumihimila, mwomane nkondo kwa mbuli ya mtozesho, waṅazi wainkiγwewo haho.