Wafilipi 1:11 - Kishambala New Testament 2005

¹¹ mwiγenyeze kuwo ja utana mwinkiγwewo ni Kilisito Yesu, kangwe Mulungu agimbikwe, atogolwe.

Wafilipi 1:11 Iomraidhean Croise

Mateyo 5:16

Vivyoho lekai, hata langaila jenyu jimulikile wantu, waone ndima zenyu ntana, wakamtogole ishe ywenyu mweikala mwe lwingu!

Yohana 15:16

Si nywiyo munishaγulewo, ni miyo nimishaγulewo, nizamiika, muhite, mulavye kuwo jingi, kuwo jenyu jiikale, kangwe ndivyo mumlombeze Tate mwe zina jangu, aviminke.

Yohana 15:2

Kila tambi jangu jishijovyala ajiusha, kangi kila tambi jevyala ajishengela, jiisiize kuvyala.

Yohana 15:8

Na inu mbuli Tate agimbikwa, mkilavya kuwo jingi, mkiniγalukila wahina.

Waloma 15:28

Nikibinda inu mbuli na kuwalongela ijo kuwo jawe uwona, nezenizinke kwenyu nikihita Sipaniya.

Waloma 6:22

Miya mishi inu, viya muvyokombolwa mwe uhuza, muvyomtumikila Mulungu, muna kuwo mkikiṅaza, bontokelo jakwe ni nkalamo ya kale na kale.

1. Wakolinto 10:31

Lushe ati mwaja, ati mwanywa, ati mwaγoshola mbwai vituhu, vyoshe viγosholei na kumgimbika Mulungu!

2. Wakolinto 9:10

Yuja mwemlaviliza mtakuhanda mbeyu na nkande za kuja, yohe neamilavilize, neamiγenyezeze mbeyu, neakuze viya vya utanda wenyu, kangwe na viya vyoshe mγaluke wazuli,

Waefeso 1:12

Kwa izi mbuli ishwi temwalila Kilisito mishi inu titazatogola uko utana wakwe.

Waefeso 1:14

uyu ni mulimbulo wa chiya kifu, titaile kuti: Tiikombolwe, ti wakwe, kangwe nezetitogole utana wakwe.

Waefeso 2:10

Hambu ishwi ti ndima yakwe; Kilisito Yesu azaleka, tikiumbiγwa, kangwe tizifye ndima, Mulungu atifanyanyizezo, tiange nazo.

Waefeso 5:9

Hambu kitende cha langaila ni utana na utanda na ukweli woshe.

Wafilipi 4:17

Sitalonda, niinkwe imi, miya nilonda vyekuza kuwo jenyu.

Wakolose 1:10

mtende myangile yedaha kumtamila Zumbe vitana, mtende kuwo ja kuγoshola ndima zoshe ntana, mwisiize kumtaila Mulungu.

Wakolose 1:6

Sa ivyoγenda mwe ngulu ngima ikivyala kuwo, kangi ikikula, vivyoho izatenda hata kwenyu, izaandiila uja mushi mwandiilewo kuiva na kutaila mbazi za Mulungu,

2. Watesalonike 1:12

kangwe zina ja Zumbe ywetu Yesu jigimbikwe kwenyu, kangi inywi mgimbikwe ndijo kwa mbazi ya Mulungu ywetu na ya Zumbe Yesu Kilisito.

Tito 3:14

Wantu wetu wohena shuti wakizweze kuγoshola ndima ntana kuzinka watuhu, waonele navyo viya vyewaagiza, kangwe washezafanana na miti ishiyovyala!

Waebuleyo 12:11

Kweli shundwe zoshe aho, tihokaziona, nkatizifanyanya kuti: Ni nyeml, miya tiγamba: Ni ukiwa, miya mishi ya nyuma waja weshundiγwa ndizo watazaona, zivyowavyaila kuwo ja utanda mpalahole.

1. Petelo 2:12

Tendai myangile mitana kwa wamzimu, kangwe waja wemishinga kuti: Mu wahambanyi, waone na mesho yawe ndima zenyu ntana, kangwe nezewamtogole Mulungu mushi uja, ahozalawila.

1. Petelo 2:5

Mkimubwila lekai, hata inywi mzengwe vikilo ja kimpeho, viya mu mawe ye moyo, wenye mγaluke wavikizi waṅazi weiγala ṅombe za mviko za kimpeho zemtamila Mulungu kwa mbuli ya Yesu Kilisito!

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

1. Petelo 4:14

Mkikankwa, kwa kuti muna zina ja Kilisito, tamilwai! Hambu mpehongwa ya utana na ya Mulungu yamiikaila; kwa waja yabelwa, kwenyu yagimbikwa.