Zems 5:16 - Fhe Bakɨmen Kaman Kameŋ

¹⁶ Maaŋ muuŋgiap, nde bevbevira, nde wari wo mbui tɨvi mbatɨgi bun, guigira Zisas khothɨgi gumgi gu mbigi, nde wari ga suaŋri. Nde mbe suaŋv, nde bevbevira nde warir kurkura saŋv Fhe Bakɨme phorgɨv suaŋrim, Fhe Bakɨme nden muuŋrim, nden rɨmrɨɨ vhɨzɨri. Maaŋ muuŋgiap, tɨvir vhuuiaŋ mbui guma, ana Fhe Bakɨme phorgɨp suanga, ana nzuai kameŋ ŋkasŋka bakɨme ki, ana harigi guman kurarga.

Zems 5:16 Iomraidhean Croise

Matiu 21:22

Nde guigira na khothɨgɨp, nde bigɨn the suaŋv Fhe Bakɨme phorgɨ suanga, nde mba nzuai bigɨna ndirga.”

Matiu 3:6

Mbe ana han zav, wari wo muuŋgi tɨvi mbatɨgi bun ana nzuaim, Zon Zordan mbɨn mbe ruai.

Mak Khergi Kaman Vhuuŋ 1:5

Ana mba kamen mbe nzuaim, mba Zudian fhain ki ŋgui gum mba Zerusareman ki gumgi gu mbigi, mbe zam ana han zav, wari wo muuŋgi tɨvi mbatɨgi bun ana nzuaim, ana Zordan mbɨn mbe ruai.

Ruk Khergi Kaman Vhuuŋ 9:6

Ana maaŋ mbe suaŋgiap, mbe sarigim, mbe vui. Mbe vov, ŋgu mben vugap, Fhe Bakɨmen buni vhuuin mbe suaŋgiap, khavgiap, harigi nen vui. Mbe maaŋ mbua ruav, za mba rui ŋguir gumgi gu mbigi vhɨrver kurkurav mbe mbuim, mbe rɨmrɨɨ vhɨzgi.

Zon Khergi Kaman Vhuuŋ 9:31

Nza khueŋ kaŋgi, Fhe Bakɨme tɨvi mbatɨgi ga mbui gumgi nzuai buni mbararagi fhu. Guma, ana Fhe Bakɨme rotu mbuav, ana piin kav, ana ana vuzvugi zɨn vui, Fhe Bakɨme mba guma buni mbararagi.

Farasegi Gumgi 10:38

Nde kaŋgi, Fhe Bakɨme Nasaret guma Zisas farasarav, won Ŋina Ŋaarar ana ndɨɨav, vhɨra ŋkasŋka bakɨmen ana nɨɨŋgim, Zisas za tamtam kha ŋguia ruav, gumgi gu mbigir kurkurigi. Ana maaŋ mbuim, Fhe Bakɨme, ana ana phorga kav, anan kurkurigim, ana mba Satan farfagi gumgi gu mbigi, ana mbe mbuim, mbe taagia nzerigi.

Farasegi Gumgi 19:18

Mbe maaŋ mbuav, gumgi gu mbigi vhɨrve mbe Zisas khothɨgap, mbe zav, mba harigi gumgi gu mbigi vhɨrve nɨman, mbe fhum muuŋgi tɨvi mbatɨgi, mbe nta bun nzuai.

Farasegi Gumgi 8:24

Pita maaŋ ana suaŋgim, Saimon ana ŋgarkarav khaŋ nzuai, “Maaŋgi, nde na suaŋv Fhe Bakɨme phorgɨp suaŋrim, ana na korar muuŋgip, mba nde na suaŋgi bigi, nta nan hɨ tharga.”

Khe Por Romiŋ Ndi Khergi Gap 3:10

Fhe Bakɨmen buni vhuuiŋ ki gap ne nzuav khaŋ suaŋgi, “Tɨvir vhuuiaŋ mbui guma the ki fhu. Zakɨra fhuvara!

Khe Por Romiŋ Ndi Khergi Gap 5:19

Guma bavira Fhe Bakɨme suaŋgi buneŋ kaadogi. Ana mba muuŋgi tɨva mbatɨgeŋra, gumgi gu mbigi zam tɨvi mbatɨgi ga mbui gumgi gu mbigi ki. Mba tɨvara, guma bavira, ana buni mbararav nta zɨn vugi. Mba guma buni mbararagim, anan panan gumgi gu mbigi zam tɨvir vhuuiaŋ mbui gumgi gu mbigi kɨrga.

Korosi 1:9

Nza fharigi raar, nza nde mbui tɨva vhuun kameŋ mbararagiap, nza zazera nden kurkura zav Fhe Bakɨme phorga nzuai. Ana nden kurkurarim, nde tuituigip ana vuzvuk kaŋgirga. Fhe Bakɨmen Ŋina Ŋaar ndɨkndɨgi vhuuiŋ kaŋgirga, ndɨkndɨgi gum ndɨkndɨgi vhuuin za nden nɨɨŋrim, nta guigira nden kɨrga.

1 Tesaronaika 5:23

Fhe Bakɨme, ana ndava mɨɨtɨgar nɨɨŋge ma. Ana nden muuŋgirim, nde guigira wari wo ndavir zam ana nɨɨŋgirga, ana nden muuŋgirim, nde guigira ŋgararga. Ana nden vherir ki gumgi, nden ntuu, nden fhavi, ana nta ganɨnga, guma bigɨn thueŋ suaŋv fharar nde sɨrga fhu, nde za nzerara kɨrga. Nde nzerara kɨrim, nza Bakɨme Zisas Krais taagi zirɨrga tuk hɨgɨrga.

1 Tesaronaika 5:25

Nde nza phorgap guigira Zisas khothɨgi gumgi, nde nza suaŋv Fhe Bakɨme phorgɨv suaŋrim, ana nzan kurkurarga.

Hibru 11:4

Aber Fhe Bakɨme khothɨgi. Ana maaŋ muuŋgiap, ana nzuav muuŋgi ofa, ana guigira Kein Fhe Bakɨme nzuav muuŋgi ofa kambarigi. Aber, ana Fhe Bakɨme khothɨgap, mba ofa muuŋgim, Fhe Bakɨme ana ofa vuzvugiap, ana ana khothɨgi, ne nzuav, ana tɨvir vhuuiaŋ mbui guman ana kaav anan ndikndigi. Aber, ana rimgim, ana mba muuŋgi bigi, gum ana Fhe Bakɨme khothɨgi tɨv, nta nza nzuavra ki.

Hibru 11:7

Noa Fhe Bakɨme khothɨgim, Fhe Bakɨme zumgum hɨrga bigen ana gori ruav, ana suaŋgi. Noa mba bigeŋ gangi fhuvara. Ana Fhe Bakɨme kameŋ khothɨgap, ana kema bakɨme muuŋgi. Ana mba kema bakɨme muuŋgiap, ana won muuŋ gu tarir kov, mbe mba keman vergap, mbe nzerara kegi. Ana Fhe Bakɨme khothɨgi tɨv, Noa mba nuianan ki gumgi gu mbigi muuŋgi tɨvi mbatɨgi ndi hiaŋ tɨgi. Noa Fhe Bakɨme khothɨgim, Fhe Bakɨme tɨvir vhuuiaŋ mbui guman anan kamgi.

Hibru 12:13

Nde ntan thivgip, tuavi vhuuiŋra ŋgɨri. Nde maaŋ muunga, nden suira za mbatɨgirga tuktɨgi fhuvara, nta taagi nzerarga.

Hibru 13:18

Nde nza suaŋv Fhe Bakɨme phorgɨ suaŋv, nzan kurkurar saŋv ana nzaŋrim, ana nzan kurkurarga. Nza kaŋgi, nzan ndɨkndɨgi gum nzan ndavi vheri, nta Fhe Bakɨme rɨmani nɨman nzerara ki. Ne khaŋ muuŋgi, nza zazera tuituigip rurgeŋ vuzvugi.

1 Pita 2:24

Krais, ana khanarareŋ ga ntorgap, ana nza muuŋgi tɨvi mbatɨgi, ana za ntan wo fhava phorgi. Ana maaŋ muuŋgim, nza mba tɨvi mbatɨgi, nza za nta tharga. Nza nta thav, nza kɨrɨ tɨva vhuun muuŋv, nza tɨvir vhuuiŋra zɨn ŋgɨrga. Mbe hor mbatɨgar ana muuŋgim, ana zaagi mbatɨgi ndigim, nza taagia nzerigi.

1 Zon 3:22

Nza maaŋ muuŋgip bigɨn the suaŋv ana phorgɨ suanga, ana mba bigɨnan nzan nɨɨnga. Ana khaŋ muuŋgiap, nza ana nzuai tɨvi, nza nta zɨn vuav, nza ana vuzvugi tɨvi, nza nta mbui.