Zems 2:15 - Fhe Bakɨmen Kaman Kameŋ

^15-16 Maaŋ muuŋgip, guigira nde phorgap Zisas khothɨgi guma o mbik, ana shaa mbatɨgeŋ kav, ana mba ki fhu, nde the ana gangip khaŋ ana suanga, “Ndu ŋgɨp, ndav mbɨrav kɨri. Ndu ŋgɨp, shaa shɨrav, fhav gurgurgip kɨri. Ndu ŋgɨp, mban mbegɨp, ndav givari.” Ndu maaŋ ana suanga, ndu ana kurkurarga bigɨn thueŋ mbui fhu, ndu mba nzuai kameŋ ram muuŋgip ana kurarie?

Zems 2:15 Iomraidhean Croise

Mak Khergi Kaman Vhuuŋ 14:7

Nde khueŋ kaŋgiri, mba bigi sosuagi gumgi, mbe zazera nde phorgɨ kɨrga. Nde rambui tugar mben kurkura saŋv, nde mbe kurkurarga. Gu fhuvara, gu khara muuŋgip nde phorgɨ kegɨrga tuktɨgi fhuvara.

Ruk Khergi Kaman Vhuuŋ 3:11

Mbe mba nzambareŋ ga muuŋgim, Zon Gumgi Ruai Guma mbe ŋgarkarav khaŋ mbe nzuai, “Guma fhava shaara phunini kɨv, ana then mba fhava shaar ki fhuv guma then nɨɨŋgiri. Guma mba ki, ana vhɨra mba tɨvara muuŋgiri. Ana mban mba mba ki fhuv guman nɨɨŋgiri.”

Farasegi Gumgi 9:29

Ana vhɨra khaŋ tɨgap mba Grik kama kaŋgiap ana nzuai Zudaiŋ phorga nzuav khaŋ tɨgap mbe nzuav mbe dai. Ana maaŋ mbe mbuim, mbe ana shogirim, ana rimgirga tuavi ndi gari.

Hibru 11:37

Mben pana gumgi ŋkɨɨar mbe si. Mbe khira gori sho ndiav, rɨgɨra mbe gora suim, mben tɨvi ri. Mbe ntari ga mbui kozir mbe shogim, mbe vhɨzi. Mba Fhe Bakɨme khothɨgi gumgi mbari, mbe sipsivi gu memeiŋ ndira, mbe shagi fara muuŋgiap, nta sharav wari rui. Mbe wari wo fhavi ganɨnga bigi, mbe guigira nta sosuagi. Mba gumgi simtɨgir mbe ndɨɨv, guigira tɨv mbatɨgi guarira mbe mbui.

Zems 2:5

Nde na phorgap guigira Zisas khothɨgi gumgi, nde mbarara. Kha nuianan ki gumgi nɨman bigi sosuagi gumgi, mba gumgira Fhe Bakɨme mben farasegi, mbe guigira Zisas khothɨgi tɨva zɨn ŋgɨrga. Ana fhum mba kameŋ suaŋgi, ana khaŋ nzuai, mba guigira wari won ndavir ana nɨɨŋgi gumgi gu mbigi, ana mbe ndim, ana won gumgi gu mbigi garim, mbe ana piin ki ntɨɨri phorga khɨngirga.

1 Zon 3:17

Maaŋ muuŋgip, guma the kha nuiana bigi kɨv, ana wo phorgap guigira Zisas khothɨgi guma the ganɨrim, ana kha nuianan bigi sosuagirga, ana ana gangip, ana korar muuŋgirga fhu, mba guma Fhe Bakɨme guigira won ndavar gumgi ga nɨɨŋgi tɨv anan ki fhu.