Zems 2:14 - Fhe Bakɨmen Kaman Kameŋ

¹⁴ Nde na phorgap guigira Zisas khothɨgi gumgi, nde the maaŋ muuŋgip khaŋ suanga, “Gu guigira Krais khothɨgi.” Ana maaŋ nzuav, ana vhɨra tɨvir vhuuiaŋ mbui fhu, mba khesharigi tɨva mbuav Zisas khothɨgi tɨv, mba tɨv taagip mba guma ndigirie? Zakɨra fhuvara!

Zems 2:14 Iomraidhean Croise

Matiu 5:20

Gu nde nzuai, nde guigira Fhe Bakɨme vuzvugi zɨn vui fhu. Nden tɨvi vhuuiŋ, nta Zudaiŋ tɨvi vhuuiŋ kaŋgi gumgi gum Fherasiŋ gumgi tɨvi kambarigi fhuvara, nde maaŋ muuŋgip, Hevenan Fhe Bakɨme piin kegɨrga tuktɨgi fhuvara.”

Ruk Khergi Kaman Vhuuŋ 3:11

Mbe mba nzambareŋ ga muuŋgim, Zon Gumgi Ruai Guma mbe ŋgarkarav khaŋ mbe nzuai, “Guma fhava shaara phunini kɨv, ana then mba fhava shaar ki fhuv guma then nɨɨŋgiri. Guma mba ki, ana vhɨra mba tɨvara muuŋgiri. Ana mban mba mba ki fhuv guman nɨɨŋgiri.”

Ruk Khergi Kaman Vhuuŋ 6:49

Mba na buni mbararav nta zɨn vui fhuv guma, ana khaŋ muuŋgi guma fara muuŋgi. Mba guma vov khɨɨn ki nuianeŋ gangiap, mbaram wo phena mbui. Ana wo phena mbogi korav, khɨnan vera vov, ŋkɨɨr hɨgi fhuvara. Ana phena mbogi thɨɨŋra ki. Ana wo phena muuŋgim, zumgum mbok bakɨme nzi. Mbok zim, mpi bakɨme zeri. Mpi zerav, mba phena dagim, ana fhura hɨmgia vov mbur ndarav, za phɨra koreregi.”

Farasegi Gumgi 15:9

Ana vhɨra, ana tɨva then nza mbuav, ana harigi tɨvar mbe mbui fhuvara. Zakɨra fhuvara! Mbe ana khothɨgim, mba tuavra ana mbe muuŋgim, mbe ana nɨman ŋgarigi.

Farasegi Gumgi 8:13

Mbe ruaim, Saimon vhɨra Firip nzuai buni khothɨgap, ana vhɨra Zisas zɨn panan ruagi. Saimon ruagiap mbaram, Firip phorgap ana mba rui ŋani, ana za nta ruav, ana garim, ana mbarkɨrga mirikori, ana nta mbuim, ana ana garav, ndɨkndɨgi vhɨrve ga mbui.

Farasegi Gumgi 8:21

Ndun ndava vhee Fhe Bakɨme nɨman nzerigi fhuvara. Ndu maaŋ muuŋgip nza phorgɨv Fhe Bakɨmen ŋaarar muuŋgirga tuktɨgi. Zakɨra fhuvara!

Khe Por Romiŋ Ndi Khergi Gap 2:25

Nza Zudaiŋ nza Fhe Bakɨme suaŋgi tɨvi zɨn ŋgɨrga, mbe nzan fooŋgirga ne nzerara. Nza maaŋ muuŋgiap, nza Fhe Bakɨme suaŋgi tɨva zɨn vui. Nza maaŋ muuŋgip, nza Fhe Bakɨme suaŋgi tɨva mueŋ khiŋgia thɨgi, nza warir fooŋgi fhuv gumgi fara muuŋgiap ki.

1 Korin 15:2

Nde maaŋ muuŋgip gu nde suaŋgi buna vhuueŋ suira havhargirga, mba buna vhuueŋra suaŋv Fhe Bakɨme taagip nde ndigirga. Ne khaŋ muuŋgi, nde fhura ne mbararagi fhu, nde ne khothɨgi.

1 Korin 16:22

Guma the maaŋ muuŋgip won ndavar Guma Bakɨmen nɨɨŋ thagi, ana mbar mbatɨik. Guma Bakɨme, ndu zɨ!

Garesia 5:13

Nde nan phorgav Zisas khothɨgap ana zɨn vui gumgi, Fhe Bakɨme nden kamgi, nde bɨkbɨɨgip kɨri. Nde bɨkbɨɨgi, kɨv khueŋ ndɨkndɨgɨ thari, “Nza ntige bɨkbɨɨgi, nza wari won ndava vhura tɨvi zɨn ŋgɨrga.” Zakɨra fhuvara! Nde mba ndɨkndɨgar muuŋ thari. Nde bevbevira, nde Fhe Bakɨmen gumgi gu mbigi, nde fhura mben ŋaara gumgi kɨv, nde wari won ndavir mben nɨɨŋgiri.

Garesia 5:6

Guma maaŋ muuŋgip, Krais Zisas phorgɨp kɨrga, mba fooi tɨv, ana fhura ki tɨv ma. Mba gumgi warir fooi fhuv ne, ne vhɨra fhura ki ne ma. Kha tɨv, guma guigira Krais khothɨgap, ana guigira won davar harigi gumgi ga ndɨɨi, mba tɨv ana guigira tɨva guar ma.

1 Tesaronaika 1:3

Nde guigira Zisas khothɨgi ndɨkndɨk nde ndavi khavim, nde tɨvir vhuuiaŋ mbuav, nde ŋaarir vhuuiŋra mbuav, wari won ndavi ndiv harigi gumgi ga ndɨɨi. Nde vhɨra wari wo ndavi havhargiap, nza wo Bakɨme Zisas Krais taagia zirɨrga tugar rargap wari ki. Nza ne nzuav, nza wo Ndia Fhe Bakɨme phorga ndavar ana ndikndigi.

1 Timoti 1:5

Fhe Bakɨme muun zav nza suaŋgi ŋaar, ana khaŋ muuŋgi. Ndu guigira kha gumgi gu mbigi ga suaŋrim, mbe guigira Zisas khothivɨv, mbe Fhe Bakɨme nɨman guigira ŋgarɨv kɨv, khueŋ kaŋgirga, tɨvir vhuuiŋ gu tɨvi mbatɨgi. Mba tɨvi mbe ndɨkndɨgi khavɨrim, mbe guigira ndavir warir nɨɨnga.

1 Timoti 4:8

Ndu kaŋgi, nza maaŋ muuŋgip wari wo fhavir muuŋgirim, nta ŋkasŋkagir saŋv, nza zazera wari won fhavir muuŋrim, nta zazera mba tɨvar muunga, mba tɨv thaneŋ nzan kurarga. Nza tuituigira Fhe Bakɨme tɨvi kaŋgip, nza ntan muunga. Mba tɨvi khaŋ tɨgɨp havhargip nzan kurarga. Mba tɨvi ntige nza khar ki kɨrɨ tɨvir nzan kurarga. Mba tɨvi vhɨra, zumgum nza Fhe Bakɨme han kɨrga kɨrɨ tɨvir nzan kurarga.

Taitus 1:16

Mben kaathoorin khaŋ nzuai, “Nza Fhe Bakɨme kaŋgi.” Mben tɨvi khaŋ nzuai, mbe kɨr ana segi. Fhe Bakɨme guigira mbe vuzvugi fhu. Mbe buni daasui gumgi ma. Mbe tɨvar vhuuŋ thuen muuŋgirga tuktɨgi fhuvara.

Taitus 3:8

Kha kameŋ ne guigi guarara. Gu khueŋ vuzvugi, ndu khaŋ tɨgɨ havhargip mba kameŋ bun suaŋrim, mba gumgi gu mbigi, mbe guigira Fhe Bakɨme khothɨgɨp, mbe khaŋ tɨgɨp havhargip tɨvir vhuuin muunga. Mba khesharigi tɨvi nta guigira gumgi gu mbigir kurkurigi. Nta guigira bigir vhuuiŋ guari ma.

Hibru 11:17

Fhe Bakɨme kha suambarar Abrahama ga muuŋgi. Ana khaŋ ana suaŋgi, “Ndu Aisakan panan ndun nzɨgi gu nzɨkmbigi hegɨrga.” Fhe Bakɨme mbara Abrahaman mparav khaŋ ana nzuai, “Ndu mba kama bavira, ndu ana shogip, nan ofar muuŋri.” Ana maaŋ nzuaim, Abraham Fhe Bakɨme mba suaŋgi bigi ndir za farasarigi guma, ana Fhe Bakɨme khothɨgap, ana Aisakan Fhe Bakɨme nɨɨn za mbui.

Hibru 13:9

Maaŋ muuŋgiap, nde mbarkɨrga bunin ŋkaa nde ndavi khavɨv, nde ndɨkndɨgi ŋgɨ thari. Mba buni vhɨra nden muuŋrim, nde Fhe Bakɨmen tuav thamtha thari. Nza fhura Fhe Bakɨme fhura nza kora muuŋgi kora muumbara ganɨrim, ana nzan ndavi havharɨri. Mba tɨv, ana nzerara. Nzan ndavi, nta mba pi tɨvi zɨn vui ne suaŋv Fhe Bakɨme nɨman havhargirga tuktɨgi fhuvara. Nza mba pi mba, nta fhura ki mba ma.

Zems 1:16

Nde na phorgap guigira Zisas khothɨgi gumgi gu mbigi, nde muuŋv kɨv fhura mba ndɨkndɨgi ganɨrim, nta nde guigirga.

Zems 2:18

Maaŋ muuŋgip guma the khaŋ suanga, “Ndu Zisas khothɨgi, gu tɨvir vhuuiaŋ mbui. Gu ram muuŋgip, ndu guigira Zisas khothɨgi tɨva kaŋgirie? Gu, gu tɨvar vhuun muunga, nan tɨvar vhuuŋ, ana gu guigira Zisas khothɨgi tɨvar ndu khɨvarga.”

Zems 2:26

Nza khueŋ kaŋgi, guma, ana vhen ki guma ana thav vugi, mba guma rimgi. Mba tɨvara, guma guigira Zisas khothɨgi tɨv, tɨvar vhuuŋ mba tɨva phorga kav hi fhu, mba guma, ana guigira Zisas khothɨgi tɨv ana fhura ki tɨv ma.

2 Pita 1:5

Ana maaŋ muuŋgim, nde mba bigi ga ndɨkndɨgɨp, nde khaŋ tɨgɨp havhargip, guigira Zisas khothɨgɨri. Nde ana khothɨgi tɨvara, nde tɨvir vhuuin muuŋri. Nde tɨvir vhuuiaŋ mbui tɨvara, nde Fhe Bakɨme kaŋgiri. Nde ana kaŋgi tɨvara, nde tuituigip wari wo vuzvugi ganɨri.