Zems 2:11 - Fhe Bakɨmen Kaman Kameŋ

¹¹ Nza kaŋgi, Fhe Bakɨme khaŋ suaŋgi, “Nde mani gu muuiŋ ga rɨgi gumgi gu mbigi, nde ruarir wari kɨmɨv wari ndi thari.” Ana ne nzuav vhɨra khaŋ suaŋgi, “Nde guma shogirim, ana rɨmɨ thari.” Nde maaŋ muuŋgip ruarir gumgi gu mbigi wari kɨɨv wari ndi fhu, nde guma shogirim, ana rimgirga, nde Fhe Bakɨme Moses ga nɨɨŋgi tɨvi phɨri gumgi ma.

Zems 2:11 Iomraidhean Croise

Matiu 19:18

Zisas maaŋ ana nzuaim, mba guma kha nzambaran Zisas ga muuŋgi, “Ndu ram mbui khesharigi tɨvi, ndu nta nzuai?” Zisas mbara khaŋ ana nzuai, “Mba Fhe Bakɨme nzuai tɨvi, nta khaŋ nzuai, ‘Nde harigi gumgi gu mbigi shogɨrim, mbe vhɨzɨ thari. Nde mani gu mburi ga rɨgi gumgi gu mbigi, nde ruarin harigi gumgi gu mbigi ndi thari. Ne kɨmɨ thari. Nde fhura guiguigip harigi gumgi gu mbigi ga suaŋv suaŋ thari.

Mak Khergi Kaman Vhuuŋ 10:19

Ndu Fhe Bakɨme Moses ga nɨɨŋgi tɨvi kaŋgi. Ndu guma shogiri ana rɨmɨ thari, ndu hara guma muuŋ ruarir ana ndi thari, ndu kɨmɨ thari. Ndu bigi shɨshɨgɨ thari, ndu fhura gumgi nɨfhɨ sɨv mbe bigi ndi thari. Ndu wo ndia gu niamuuŋ piin kɨv mani buni mbararari.”

Ruk Khergi Kaman Vhuuŋ 18:20

Ndu Fhe Bakɨme Moses ga suaŋgi tɨvi, ndu nta kaŋgi, ‘Nde mani gu mburi wari ga rɨgi gumgi gu mbigi, nde ruarin gumgi gu mbigi ndi thari. Nde harigi gumgi gu mbigi shogɨrim, mbe vhɨzɨ thari. Nde kɨmɨ thari. Nde fhura harigi gumgi gu mbigi ga shɨshɨgɨp fhura mbe suaŋv suaŋ thari. Nde wari wo ndegi gu ndegmbori piin kɨv, mbe nzuai buni mbararav nta zɨn ŋgɨri.’ ”

Khe Por Romiŋ Ndi Khergi Gap 13:9

Nza kaŋgi, Fhe Bakɨme suaŋgi tɨvi khaŋ nzuai, “Nde mani gu mburi ga rɨgi gumgi gu mbigi, nde ruarir harigi gumgi gu mbigi ndi thari. Nde harigi gumgi gu mbigi shogɨrim, mbe vhɨzɨ thari. Nde kɨmɨ thari. Nde harigi gumgi bigi ganɨv, nta niihɨ thari.” Kha tɨvi, harigi tɨvi nta vhɨra ki. Mba tɨvi, nta zam kha buna bueŋra vhen ki. Mba buneŋ khare, “Ndu wora vuzvugi tɨvara, ndu guigira wo ndavar harigi gumgi gu mbigi nɨɨŋri.”