Zems 1:22 - Fhe Bakɨmen Kaman Kameŋ

²² Nde mba ndigi buni, nde nta zɨn ŋgɨri. Nde fhura nta mbarara thari. Zakɨra fhuvara! Nde fhura nta mbarararga, nde fhura warira guiguigi.

Zems 1:22 Iomraidhean Croise

Matiu 12:50

Ne khaŋ muuŋgi, na Ndia kha Hevenan ki, guma o mbik ana nzuai vuzvugi zɨn vui, mba guma gu mbik nan ŋguk, gu bip gum, nan niamuuŋ ma.”

Matiu 28:20

Nde mbe ruav, gu mba nde suaŋgi buni, nde za ntan mbe khɨvɨri. Nde mbarara! Gu rari tugɨra tɨgɨp nde phorgɨ kɨv kɨrim, kha tuk vhɨzgirga.”

Ruk Khergi Kaman Vhuuŋ 11:28

Ana ne nzuaim, Zisas ana ŋgarkarav khaŋ nzuai, “Nza khaŋ nzuai, ne guigira nzerigi, ‘Mba Fhe Bakɨme buni mbararav nta zɨn vui gumgi gu mbigi, Fhe Bakɨme ndɨkndɨga vhuun mben muuŋri.’ ”

Zon Khergi Kaman Vhuuŋ 13:17

Nde ntigem gu mba ndɨkndɨga muuŋgiap muuŋgi bigeŋ, nde ntigem ne nɨɨeŋ kaŋgi. Nde maaŋ muuŋgip tuituigip ne zɨn ŋgɨrga, Fhe Bakɨme tɨvar vhuun nden muunga.

Khe Por Romiŋ Ndi Khergi Gap 2:13

Mba fhura Fhe Bakɨme suaŋgi tɨvi mbararav nta zɨn vui fhuv gumgi, mbe Fhe Bakɨme nɨman tɨvir vhuuiaŋ mbui gumgir mben kaai fhu. Fhe Bakɨme suaŋgi tɨvi zɨn vui gumgi, mba gumgira, Fhe Bakɨme tɨvir vhuuiaŋ mbui gumgir mben kamɨnga.

1 Korin 15:33

Nde mbarara. Nde fhura harigi gumgi ganɨrim, mbe nde guiguigi khaŋ suaŋ thari, “Guma rimgip taagi khavgirga fhu.” Nde mba kameŋ kaŋgi, “Nza khurkhuman mba gumgi mbatɨgi khuarga, mbe nzan tɨvar vhuun farfagirga.”

1 Korin 3:18

Nde nduarira wari guiguigɨ thari. Maaŋ muuŋgip, nde rɨgar guma the kha nuiana bigi, ana zam nta kaŋgip, kha ndɨkndɨgar won muunga, “Gu guigira ndɨkndɨga vhuuŋ ki.” Ana maaŋ nzuaim, ana fharav bigi kakagi guma ga gegɨp, kegɨp, ana guigira bigi kaŋgi guma kɨrga.

1 Korin 6:9

Mba tɨvi mbatɨgi ga mbui gumgi, mbe Fhe Bakɨme wo gumgi garim, mbe ana piin ki ntɨɨri phorgɨ kegɨrga tuktɨgi fhuvara. Nde ne kaŋgi fhuve? Nde nduarira wari won ndavi vheri guiguigi thari. Kha tɨva mbui gumgi, ruarir mbigi gu gumgi wari ndi gumgi, mbarɨvi gu tori rotu mbui gumgi, mani ga rɨgi mbigi phorga tɨvi mbatɨgi ga mbui gumgi, mbarkɨrga mberi tɨvi mbatɨgi gumgi ntan harigi gumgi phorga mbui, kɨɨi gumgi, harigi gumgi bigi garav nta niihi gumgi, zazera phara ŋanŋani pi gumgi, harigi gumgi zɨri mbevi gumgi, harigi gumgi bigi ŋgi gumgi, mba khesharigi gumgi zam, mbe Fhe Bakɨme wo gumgi garim, mbe ana piin ki ntɨɨri phorgɨ kegɨrga tuktɨgi fhuvara.

Garesia 6:3

Nden rɨgar guma the maaŋ muuŋgip khaŋ suanga, “Gu zɨ bakɨme ki guma ma.” Fhuvara, ana zɨ ki guma fhuvara, ana maam wora shɨshɨgi.

Garesia 6:7

Nde muuŋv kɨv, nde warira guiguigip, nde kha ndɨkndɨgar muunga, nza Fhe Bakɨme nɨfhɨ darga. Nde maaŋ muuŋgirga tuktɨgi fhu. Zakɨra fhuvara! Nde ramgi khesharigi mbar pargi, mba mbara nden mɨnin hegɨrga.

Firipai 4:8

Nde na phorgap guigira Zisas khothɨgi gumgi, gu wom buna mueŋ suan za mbui. Nde zazera kha tɨvira ndɨkndɨgɨri, tɨvi guarira ndɨkndɨgɨp, gumgi mbui tɨvir vhuuiaŋ ndɨkndɨgɨp, ŋgarigi tɨvi, guigira nzerigi bigi, za mba tɨvi kharav fharigi tɨvi, bigir vhuuiŋra nza gumgi gari mbe mbui tɨvi nza ntan ndikndigi, nde za mba tɨvira ndɨkndɨgiri.

Korosi 3:17

Nde nzuai buni, nde mbui ŋaari, gum nde mbui bigi zam, nde Guma Bakɨme Zisas zɨn panan za ntan muuŋri. Nde ana zɨn, nde Fhe Bakɨme phorgɨp suaŋv ana ndikndigɨri.

2 Timoti 3:13

Mba gumgi mbatɨgi gum fhura Fhe Bakɨmen zɨn vui nen wari ga shɨshɨgi gumgi, mbe kha gumgi gu mbigi guiguigirga. Satan vhɨra mbe guiguigirga, mben tɨvi guigira za mbatɨgirga.

Taitus 3:3

Ndu kaŋgi, nza fhum mbara muuŋgi, nza ndɨkndɨgi vhuuiŋ ki fhu, nza buni daasui. Satan nza guigim, nza Fhe Bakɨmen tuav zɨn vui fhu. Nza kha tɨva muuŋgi, nza fhura ndavi khavav mbarkɨrga tɨvi mbatɨgir ŋaara gumgi kav, ndavi khavav mbarkɨrga vuzvugi zɨn vui. Nza fhura vhegap, harigi gumgi ga nzuav ndavi mbarɨgi tuav, nza ana zɨn vui. Gumgi panan nza kim, nza bevbevira panan harigi gumgi ga ki.

Zems 1:26

Maaŋ muuŋgip, guma the kha ndɨkndɨgar muunga, “Gu guigira Zisas khothɨgap, gu guigira Fhe Bakɨme rotu mbui guma ma.” Ana maaŋ nzuav, ana tuituigiap wo thɨni gari fhu, ana nduara wora shɨshɨgi. Ana maaŋ mbuav, ana guigira Zisas khothɨgi tɨvi gum, ana rotu mbui bigi, nta fhura ki bigi ma.

Zems 4:11

Nde na phorgap guigira Zisas khothɨgi gumgi, nde buni mbatɨgir wari ga suaŋ thari. Guma ana buni mbatɨgir guigira Zisas khothɨgi gumgi ga nzuav, bunin mbe sav, mbe mbui tɨvi ga nzuav, mbe nzuai. Mba guma, ana buni mbatɨgir Fhe Bakɨme Moses ga nɨɨŋgi tɨvi ga sav nta nzuav, fhura bunin nta nzuai. Nde maaŋ mbuav, nde wom Fhe Bakɨme Moses ga nɨɨŋgi tɨvi piin ki gumgir fara muuŋgi fhuvara. Zakɨra fhuvara! Nde khaŋ muuŋgi, nde Fhe Bakɨme Moses ga nɨɨŋgi tɨvi garav, nta nzuav nzuai gumgi fara muuŋgiap ki.

Zems 4:17

Nde tuituigip khueŋ ndɨkndɨgɨri. Nde maaŋ muuŋgip tɨva vhuuŋ thueŋ kaŋgip, nde ne mbui fhu, nde tɨvi mbatɨgi ga mbui.

2 Pita 2:13

Mbe zaagi gu simtɨgir harigi gumgi ga nɨɨŋgi, Fhe Bakɨme nen ŋkarɨgar muuŋgip, mben muunga. Mbe kha ndɨkndɨga mbui, raan mba kɨvgia pav, phara ŋanŋani kɨvgia pi ne, ne guigira ndikndigi tɨv ma. Mbe nde phorga pav, mbe nde mbuim, nde nzaŋnzaŋgim, mbe nden zɨrir farfagi. Mbe wo guiguigi tɨvi, mbe guigira ntan ndikndigi.

1 Zon 1:8

Nza maaŋ muuŋgip khaŋ suanga, “Nza tɨvi mbatɨgi ga mbui fhu.” Nza maaŋ nzuai, nza nduarira wari ga shɨkshɨgi, buni guari nzan ndavi vherir ki fhuvara.

1 Zon 2:3

Nza Fhe Bakɨme suaŋgi tɨvi, nza nta zɨn ŋgɨrga, nza wari kaŋgi, nza guigira ana kaŋgi.

1 Zon 3:7

Nde nan tari, nde tuituigira wari ganɨv, kɨri. Nde muuŋv kɨrim, guma the zɨv, nde guigip, nde ndi pham tuavar mbararga. Nde mbarara, tɨvir vhuuiaŋ mbui guma, ana Fhe Bakɨme nɨman, ana guman tɨvar vhuuŋ ma. Ana Krais fara muuŋgi, ana guman tɨvar vhuuŋ ma.

3 Zon 1:11

Ndu nan kɨvntogar vhuuŋ, ndu tɨvi mbatɨgi ga mbui gumgi mbui tɨvi zɨn ŋgɨ thari. Ndu tɨvir vhuuiŋra muuŋri. Tɨvir vhuuiaŋ mbui guma, ana Fhe Bakɨme guma ma. Tɨvi mbatɨgi ga mbui guma, ana Fhe Bakɨme gangiap, ana kaŋgi fhuvara.

Vhagi Buni 12:9

Maaŋ muuŋgiap, Fhe Bakɨmen enseri, mbe mba kuruga bakɨme, mbe ana fekhɨngi, ana zergi. Ana mba fhum ki kuruk ma. Mbe kha zɨn ana kaai, Satan. Ana bunin, “Za Kha Nuianan Ki Gumgi Gu Mbigi Ga Si Guma” ma. Ana za kha nuianan ki gumgi gu mbigi guiguigim, mbe tɨvi mbatɨgi ga mbui guma ma. Mbe ana fekhɨngi, ana kha nuianan zergi. Mben ana enseri, mbe vhɨra mbe fuasuim, mbe vhɨra kha nuianan zergi.

Vhagi Buni 22:7

Zisas khaŋ nzuai, “Mbarara! Gu vhemkora nden han zirɨrga.” Kha Fhe Bakɨme suaŋgi buni, ana kamthooŋ guma nta bun suaŋgi, nta kha gavar ki. Mba buni zɨn vui gumgi gu mbigi, mbe ndikndigɨri.