Zems 1:10 - Fhe Bakɨmen Kaman Kameŋ

¹⁰ Guma maaŋ muuŋgip bigi vhɨrve kɨrga, Fhe Bakɨme ana zɨ mbevigi, ana ne suaŋv ndikndigɨri. Ne khaŋ muuŋgi, ana kaŋgi, anan ŋkɨɨa gum anan bigi vhɨrve, nta fhura vhɨzgip, mba vhazɨgi shivi fhura vhɨzav, nzɨɨi fara muuŋgi.

Zems 1:10 Iomraidhean Croise

Matiu 5:3

Ana khaŋ mbe nzuai, “Nde tuituigiap Fhe Bakɨme tɨvi kaŋgir za ana nzuav gari gumgi, nde ndikndigɨri. Nde mba khesharigi gumgi, nde Fhe Bakɨme piin ki ana gari bigi nta Hevenan ki nde za nta ndirga.

Matiu 6:30

Ntige khar ki vhazɨgi, gurmaŋgip guma nta gorɨp nta fuv vhava suegɨrga. Mba khesharigi vhazɨgi, nta fhura ki ntɨɨri ma. Fhe Bakɨme sɨɨn vhuuŋra nta mbui. Maaŋ muuŋgip, nde Fhe Bakɨme khothɨgi ndɨkndɨk bisaneŋ ki gumgi gu mbigi, nde guigira khueŋ kaŋgiri, Fhe Bakɨme vhɨra sɨɨn nden nɨɨnga.

1 Korin 7:31

Kha nuianan bigir ŋgari gumgi, mbe khaŋ muuŋgip kɨri. Kha nuiana bigir ŋgari ŋaari, nta ntigem nza kha ki kɨrɨ tɨvir, nta bigi bakɨvi fhuvara. Nza kaŋgi, kha nuian gum ntige anan ki bigi, nta za vhɨzgirga tuk za han mbarigi.

Firipai 3:8

Gu Zudaiŋ bigira nzuai fhuvara. Zakɨra fhuvara! Gu Krais Zisas kaŋgi, ana na Bakɨme ma. Gu mba ndɨkndɨk gari, ana guigira bigɨna guar ma. Kha nuianan bigir vhuuiŋ, nta za fhura ki bigi mbatɨgi ma. Gu Kraisra zɨn ŋgɨr zav, gu mba harigi bigi, gu nta thagi. Gu nta thav, gu Kraisra suira havhargip, ara phorgɨrga. Gu kha ndɨkndɨga mbui fhu. Gu Fhe Bakɨme Moses ga nɨɨŋgi tɨvi zɨn ŋgɨp, tɨvir vhuuiaŋ mbui guma kɨrga. Zakɨra fhuvara! Gu harigi tuavra gu tɨvir vhuuiaŋ mbui guma kɨr za mbui. Mba tuav khare, gu Krais khothɨgɨrga. Nza Krais khothɨgim, Fhe Bakɨme ana nduara tɨvir vhuuiaŋ mbui gumgi gu mbigir nzan kaai.

1 Timoti 6:17

Ndu kha nuianan ŋkɨɨa vhɨrve gum bigi vhɨrve ki gumgi ga suaŋri, mbe rɨɨrɨɨv, nduarira wari wo zɨri ndiv vun kuamkua thari. Mbe mba vhemkora mbarɨgi bigi, mbe nta khothivɨ thari. Mbe guigira Fhe Bakɨme khothɨgɨri. Fhe Bakɨme, ana nza guigira ndikndigi bigi vhɨrver nza ndɨɨi ne ma.

Zems 4:14

Nde mba khesharigi kameŋ nzuai, nde gurmaŋgip hɨrga bigeŋ kaŋgi fhuvara. Nde ntige khar ndia rui bɨɨŋbɨɨŋ, ana vhava thuura fara muuŋgi. Ana tuga bisanera kegɨp, fhura thugɨp, mbar ŋgɨgɨp, za vhɨzgirga.

1 Pita 1:24

Fhe Bakɨme buni vhuuiŋ ki gap khaŋ nzuai, “Kha gumgi gu mbigi, mbe tuga mpeen kha nuianan kegɨrga tuktɨgi fhuvara. Mbe vhazɨgi fara muuŋgiap vhemkora vhɨzi. Mbe zɨ bakɨvi vhazɨgi shivi fara muuŋgiap fhura koskogav nɨɨeŋri. Vhazɨgi nzɨɨi, ntan shivi koskogav nɨɨeŋri.

1 Zon 2:17

Kha nuian zumgum vhɨzgirga. Kha nuiana bigi garav, nta nzuav ndavi khavav, rɨmgi phara tui tɨvi, nta vhɨra ana phorgɨp vhɨzgirga. Maaŋ muuŋgiap, Fhe Bakɨme nzuai tɨvi zɨn vui guma, ana kha nuiana phorgɨp vhɨzgirga tuktɨgi fhuvara, ana zazera mbara muuŋgip kɨrga.