Vhagi Buni 9:1 - Fhe Bakɨmen Kaman Kameŋ

¹ Mba meeŋthɨgi enser wo mbarɨva bim, gu garim, kama mbe buiva thav, rav, nuiana rɨgi. Mbe mbara mba khɨn ki kakagi mbogar thɨma fhɨri kiin ana nɨɨŋgi. Mba mbok khɨn ki mbok fhuvara.

Vhagi Buni 9:1 Iomraidhean Croise

Ruk Khergi Kaman Vhuuŋ 10:18

Mbe ne nzuaim, Zisas mbe ŋgarkarav khaŋ mbe nzuai, “Gu Satan garim, ana Hevenan kegap, tor vhekvhegi fara muuŋgiap kɨgira nɨɨaŋ ndarigi.

Ruk Khergi Kaman Vhuuŋ 8:31

Mba ŋiniŋgi mbatɨgi ne suaŋgiap, mbaram khaŋ tɨgap suambarar mbatɨgar Zisas ga mbuav khaŋ nzuai, “Ndu nza ndim, mbu khɨna gari fhuv mboga su thari.”

Khe Por Romiŋ Ndi Khergi Gap 10:7

Nde vhɨra khaŋ suaŋ thari, “The vhɨzgi gumgi ki ŋgun ŋgirɨrie?” Ne khaŋ muuŋgi, nde Krais ndiga taagia mbogar zi.

Vhagi Buni 1:18

Gu vhɨra Zazera Mbara Muuŋgiap Ki Guma ma. Gu fhum rimgi. Ndu ntige na ganɨ, gu ntigem zazera mbara muuŋgip kɨrga. Ndu ganɨ, gu Vhɨzi Tɨvar kii suirap, gu vhɨra mba Vhɨzgi Gumgi Ki Ŋgun kii suirigi.

Vhagi Buni 1:20

Ndu mba harathɨgi ŋkaa gari, gu won guva haren nta suirigi. Ndu vhɨra mba harathɨgi kɨnivige, mbe gorar nta muuŋgi, mbe raar nta ndai, ndu nta gangi. Nta zorga ki buni ma. Nta nɨɨŋge khaŋ muuŋgi. Mba harathɨgi ŋkaa, nta mba harathɨgi siosi gari enseri ma. Mba harathɨgi kɨnivige, mbe gorar nta muuŋgi, mbe raar nta ndai, nta mba harathɨgi siosi ma.”

Vhagi Buni 11:7

Mani Fhe Bakɨme buni vhuuiŋ bun suanga ŋaarar muuŋgi thugɨrga, mba ruaŋruaŋgi sɨk mba khɨn kɨ kakagi mbok thav, kɨrar hɨrga. Ana kɨrar hɨgɨp, mani phorgɨp shogɨrga. Ana mani phorgɨp shogɨp, mani kambarav, mani shogirim, mani rimgirga.

Vhagi Buni 17:8

Ndu kha gangi ruaŋruaŋgi sɨk, ana fhum kegi. Ana ntige wom ki fhuvara. Ana mba khɨn kɨ kakagi mbogar kegap, naan za mbui. Ana naanga, Krais za anan farfagirga. Kha nuianan ki gumgi gu mbigi, Fhe Bakɨme zumgum kha nuiana muuŋgi, ana fhum ne kaŋgi. Mba nuianara ki gumgi gu mbigi, mbe zɨri mba zazera mbara muuŋgiap ki bɨɨŋbɨɨŋ ndi gumgi gu mbigi zɨri ki gavar ki fhu, mbe mba ruaŋruaŋgi sɨga ganɨv, ŋgava mbatɨgar muunga. Ne khaŋ muuŋgi, ana fhum kegi, ana ntige ki fhu, ana zumgum wom hɨgɨrga.

Vhagi Buni 20:1

Gu mbaram enser mbe garim, ana Heven thav, zeri. Ana zerim, gu ana farver garim, ana mba khɨn kɨ kakagi mbok thɨma fhɨri kii suirigi. Ana vhɨra shen bakɨ mbe phorga suirigi.

Vhagi Buni 20:10

Satan, ana mbe guigi. Mbe maaŋ muuŋgiap, ana fegɨp, mba mbok bakɨme khɨngi. Mba mbok, ana sarfa kɨman vhav mbɨn fara muuŋgiap ana givigi. Mba ruaŋruaŋgi sɨk gum, mba guiguigi kamthooŋ guma, mani mba mbogar ki. Mbe phuni khegene, mbe ra gu maan, mbe mba mbogar kɨv, zazera mbara muuŋgiap ki zaa ndirga.

Vhagi Buni 6:13

Gu garim, kha buivar ki ŋkaa kora nɨɨeŋ ri. Nta bɨɨŋbɨɨŋ fik khage rɨgim, ana vhɨgi ŋamtɨri kora nɨɨeŋ ri fara muuŋgiap, kora nɨɨeŋ ri.

Vhagi Buni 8:10

Mba fharigi enserani thɨgi enser, ana wo mbarɨva berigi. Mba kama mbe, anan vhav guigira nteniver vhavara fara muuŋgi, ana Hevenan kegap, verav, nɨɨeŋ rɨgi. Mbe mba phara, mbe za nta shɨgap, nta ndiv phɨna phuni khegenen mbarigi fara muuŋgi. Mba kam, rav phara mbari ga rav, vhɨra mbogi phara mbari ga regi.

Vhagi Buni 8:12

Mba fethɨgi enser, ana wo mbarɨva berigi. Mbe ra, gu kɨni, ŋkaa, mbe nta shɨgap, nta ndiv, phɨna phuni khegenen mbai fara muuŋgi. Mbe bigɨn mben nta shogim, ran fɨga mueŋ mbe nen farfagiap, mbe kɨnin fɨga muen farfagiap, mbe vhɨra ŋkaar fɨga mueŋ, mbe vhɨra nen farfagi. Mbe maaŋ muuŋgim, mba bigir fɨgi mbariveŋ, nta vhavar ŋaar ki fhu, nta za gɨngɨngi. Maaŋ muuŋgiap, mba ran fɨga mueŋ gu maan fɨga mueŋ, mani vhava ŋaar ki fhu.

Vhagi Buni 8:2

Gu zumgum garim, Fhe Bakɨme zɨ ki harathɨgi enseri, mbe Fhe Bakɨme nɨma thivgim, mbe harathɨgi mbarɨvir mbe ndɨɨi.

Vhagi Buni 9:2

Mba kam mbara mba khɨn kɨ kakagi mbok thɨma fhɨrgim, vhava thuur mba mbogar kega tuga bakɨme shi thuura fara muuŋgiap hi. Mba vhava thuur mba mbogar kega hav, buivar ndaim, ra gu buip za gɨngɨngi.