Vhagi Buni 5:9 - Fhe Bakɨmen Kaman Kameŋ

⁹ Mbe mbara ŋgavar kama mbe mbui. Mba ŋgav khaŋ nzuai, “Ndu mba gava ndigip, mba kendori vhera daaŋgirga tuktɨgi. Ne khaŋ muuŋgi, mbe ndu shogim, ndu rimgiap, ndu wo vɨzɨnan panan Fhe Bakɨme nzuav kha gumgi gu mbigi ga vhezgi. Ahaŋ, ndu za kha nuianan ki fhavi ki gumgi gu mbigi mbari ga vhezav, za kha nuianan ki kaa mbari ga vhezav, vhɨra za kha ŋguir ki gumgi gu mbigi mbari ga vhezav, vhɨra za kha nuianan ki ŋgui bakɨvir ki gumgi mbari, ndu zam mbe vhezgi.

Vhagi Buni 5:9 Iomraidhean Croise

Matiu 20:28

Mba tɨvara Fhe Bakɨme Guma Guar, ana gumgi ana kurkura zav ana zɨgi fhuvara. Ana mben kurkurav zav zɨgi. Ana mben kurkura, mbe suaŋv won tuma fekhɨngip, rimgip, taagip gumgi gu mbigi vhɨrve ndir zav zergi.”

Matiu 26:28

Khe na vɨzɨn ma. Fhe Bakɨme fhum nde nzuav suaŋgi vɨzɨn ma. Gu gumgi gu mbigi vhɨrve muuŋgi tɨvi mbatɨgi vhɨzɨ zav ana siasuagi.

Farasegi Gumgi 20:28

Nde tuituigira wari ganɨv, vhɨra Fhe Bakɨmen gumgi gu mbigi ganɨri. Ana mba gumgi gu mbigi, ana won kama vɨzɨnra mbe vhezgi. Anan Ŋina Ŋaar mba gumgi gu mbigi ganɨ zav nde farasegi, nde ana sipsivi ganɨri.

1 Korin 6:20

Zakɨra fhuvara! Fhe Bakɨme vheza bakɨ guarara ndu vhezgi. Maaŋ muuŋgiap, ndu wo fhavar mbui bigi, ndu Fhe Bakɨme zɨ ndi vun kuamkuav mba bigir muuŋri.

1 Korin 7:23

Fhe Bakɨme, ana guigira vheza bakɨ guarara nde vhezgi. Maaŋ muuŋgiap, nde fhura harigi gumgir vuzvugi zɨn ŋgɨp mben ŋaari gumgi khɨni kɨ thari.

Efesus 1:7

Fhe Bakɨmen kora muumbar, ana guigira kɨvgi. Krais nza bɨkbɨɨgir zav, ana nza nzuav rimgi. Ana rimgim, ana vɨzɨn nza muuŋgi tɨvi mbatɨgi vhɨzɨ zav sia suagim, Fhe Bakɨme ana vɨzɨna panan nza muuŋgi tɨvi mbatɨgi, ana nta vhɨzgiap, nta ndɨkndɨk ŋangi.

Efesus 5:19

Nde guigira Zisas khothɨgi gumgi gu mbigi, nde wari phorgɨp buni suaŋv, nde Ŋgavi Ki Gavar ŋgavi, gum rotu mbui ŋgavi, gu Fhe Bakɨmen Ŋina Ŋaar nde ndavi khavav nde ndɨɨi ŋgavi, nde mba ŋgavir wari won buni phorgɨp mbe suaŋri. Nde vhɨra Guma Bakɨme suaŋv, nde wari wo kaathoori gum wari won ndavi vherir ana zɨ ndi vun kuamkuav, ana suaŋv ŋgavir muuŋri.

Korosi 1:14

Fhe Bakɨmen Kam, ana taagia nza ndigap, nza muuŋgi tɨvi mbatɨgi, ana nta vhɨzgi.

Korosi 1:23

Nde guigira Zisas khothɨgi tɨva suirav, guigira havhargip thɨgɨri. Nde muuŋv kɨrim, bigɨn thueŋ nde ŋgɨrgɨrim, nde mba mbararagi buna vhuueŋ, nde nen rarga ki, nde ne tharga. Gu Por, gu mba buna vhuueŋ bun nzuai ŋaara guma kav, nza mba buna vhuueŋ bun za kha nuianan ki gumgi gu mbigi ga suaŋgi.

Taitus 2:14

Krais ana taagiap nza ndir zav won tuma fekhɨngip, nza muuŋgim, nza muuŋgi tɨvi mbatɨgi vhɨzgim, nza guigira ŋgarav, nza ana gumgi gu mbigi ki. Nza khaŋ tɨgɨ havhargip anan tɨvir vhuuiŋ zɨn ŋgɨrga.

Hibru 11:14

Nza maaŋ muuŋgip kha gumgi gu mbigi mbarararim, mbe mba khesharigi kameŋ suanga, nza kaŋgi, mbe guigira wari won nuiana guara ndi gari.

2 Pita 2:1

Khueŋ guigi guarara, Fhe Bakɨmen kamthooŋ gumgir wari guiguigi gumgi mbari, mbe Isreriŋ rɨgar hegi. Mba tɨvara fhura Fhe Bakɨmen kamthooŋ gumgir wari ga shɨshɨgi gumgi thari, nde rɨgar hegɨp, fhura Fhe Bakɨmen bigir nde gumgi gu mbigi guiguigip, mbe khɨvɨv nde suanga. Mbe zomzorɨv, nde rɨgar mbarkɨrga tɨvir nde guiguigip, nde suanga. Mba buni nde guigira Zisas khothɨgi ndɨkndɨgir farfagirga. Nza Gari Guma Bakɨme mbe nzuav rimgiap, mbe vhezgi, mbe kɨr ana segɨrga. Mbe mba tɨvar muuŋv, mbe nduarira vhemkora mbatɨgirga.

1 Zon 1:7

Zisas, ana vhava ŋaarar ki. Nza maaŋ muuŋgip vhava ŋaarar kɨrga, nzan tɨvi vhɨra ŋgarav kɨrga, nza vhɨra ana fara muuŋgiap vhava ŋaarar ki. Nza vhɨra Fhe Bakɨme zɨn vui gumgi gu mbigi phorga ndava bavira ki. Nza wari tɨgɨp ndava bavira kɨrga, anan Kama Zisas Krais vɨzɨn, nza mbui tɨvi mbatɨgi ruai, nza ŋgarav ki.

1 Zon 2:2

Ana nduara nzan tɨvi mbatɨgi vhɨzɨrga ŋaara muuŋgi. Ana vhɨra nzara kurkura zav mba ŋaara muuŋgi fhuvara. Ana vhɨra za kha nuianan ki gumgi gu mbigir kurkurav, vhɨra mbe tɨvi mbatɨgi vhɨzɨ zav, mba ŋaara muuŋgi. Ana mba ŋaara mbuav, rimgiap, nza muuŋgi tɨvi mbatɨgi vhɨzgim, nza Fhe Bakɨme phorgap ndava bavira ki.

Vhagi Buni 10:11

Mbe mbara khaŋ na nzuai, “Ndu Fhe Bakɨme kamthooŋ guma nzuai mbugum, ndu taagip zumgum kha gumgi gu mbigi vhɨrve hɨrga bigi bun mbe suaŋgirga. Ndu kha nuianan ki ŋgui bakɨvi, gu mbarkɨrga fhavi, mbarkɨrga kaar nzuai gumgi gu mbigi, gu kha nuianan ŋgui vhɨrve gari gumgir pani zam, ndu mba buni bun mbe suaŋgiri.”

Vhagi Buni 11:9

Mba gumanin khumani maaŋ kɨrga, za kha nuianan ki ŋguir ki gumgi gu mbigi thari, gum za kha nuianan ki fhavi thari, za kha nuianan ki kaa thari, za kha nuianan ki ŋgui bakɨvir ki gumgi gu mbigi, mbe ra phuni khegene fɨgeŋ phorgɨp, mbe mani khumani ganɨnga. Mbe fhura gumgi thari ganɨrim, mbe mani khumani ndi mbogar tɨgɨrga fhu.

Vhagi Buni 13:7

Fhe Bakɨme fhura ana garim, ana anan gumgi gu mbigi phorga shogap, mbe kambarav, mbe mbevigi. Ana mbe mbevav, za kha nuianan ki gumgi gu mbigi ganɨnga ŋkasŋka ndigi. Ana za kha nuianan ki fhavi ganɨv, za kha nuianan ki ŋguir ki gumgi gu mbigi ganɨv, za kha nuianan ki kaa, za kha nuianan ki ŋgui bakɨvir ki gumgi gu mbigi, ana za mbe ganɨnga.

Vhagi Buni 13:8

Fhum guarara Fhe Bakɨme zumgum kha nuiana muuŋgi, Fhe Bakɨme wo gumgi gu mbigir zɨrir mba zazera mbara muuŋgip ki gava khergi. Mba gumgi gu mbigi, mbe zɨri mba zazera mbara muuŋgip ki gavar ki fhuv, mbe mba ruaŋruaŋgi sɨga rotur muunga. Mba gap, ana Sipsiva Ŋgugar gap ma. Mbe fhum mba Sipsiva Ŋguga shogim, ana rimgi.

Vhagi Buni 14:6

Gu mbaram harigi enser mbe garim, ana gegap, vhu guarara rɨgɨra kha buiva shaara khɨngia vui. Ana zazera mbara muuŋgiap ki buna vhuueŋ ki. Ana mba buna vhuueŋ bun kha nuianan ki gumgi gu mbigi ga nzuai. Ana mba buna vhuueŋ bun za kha nuianan ki gumgi gu mbigi ga nzuav, za kha nuianan ki ŋgui bakɨvir ki gumgi gu mbigi ga nzuav, vhɨra za kha nuianan ki fhavi ga nzuav, za kha nuianan ki kaa ga nzuav, za kha nuianan ki ŋguir ki gumgi gu mbigi ga nzuai.

Vhagi Buni 15:3

Mbe kav, Fhe Bakɨmen ŋaara guma Moses gum Sipsiva Ŋguk muuŋgi ŋgava mbui. Mba ŋgav khaŋ muuŋgi, “Guma Bakɨme, ndu Za Ŋkasŋka Ki Fhe Bakɨme ma. Ndu mbarkɨrga ŋaari nta ŋkasŋka ki. Ndu guigira ŋaari bakɨvi, ndu nta mbui. Nza mba ŋaari garav, nza guigira ŋgava mbatɨga mbui. Ndu za kha nuianan ki ŋgui bakɨvir ki gumgi gu mbigi gari, ŋgui vhɨrve gari guman pan ma. Ndu mbui tɨvi, nta za nzerigi.

Vhagi Buni 17:15

Mba enser vhɨra khaŋ na nzuai, “Ndu mba phara vhɨrve mba ruarir gumgi kɨɨv, mbe ndi mbik ntan tɨ perigim, ndu nta gari, nta za kha nuianan ki ŋguir ki gumgi gu mbigi, mbarkɨrga gumgi gu mbigi, kha nuianan ki ŋgui bakɨvir ki gumgi gu mbigi, za kha nuianan ki kaa.

Vhagi Buni 4:11

“Guma Bakɨme, ndu nza Fhe Bakɨme ma. Ndu nduara, ndu vu guarara kim, kha gumgi za ndun ndikndigira tuktɨgi. Mbe zɨ bakɨmen ndun nɨɨŋv, ndun ndikndigɨp ndu zɨ ndiv vun kuamkuav, ndun ŋkasŋkara piin kɨrga. Ne khaŋ muuŋgi, ndu za kha bigi ga muuŋgi. Ndu won vuzvugara ndu za kha bigi ga muuŋgim, nta hɨgap ntige khar ki.”

Vhagi Buni 5:12

Mbe thivgiap, khɨrɨv kaav, khaŋ nzuai, “Mbe mba fhum shogi rimgi Sipsiva Ŋguk, ana guigira ŋkasŋka bakɨme gum, bigir vhuuiŋ gum, ndɨkndɨgir vhuuiŋ gum, ŋkasŋka bakɨme ndigirga. Ana guigira kha gumgi za ana zɨ ndiv vun kuamkuav anan ndikndigɨp, ana phorgɨ suanga tuktɨgi!”

Vhagi Buni 5:6

Gu Sipsiva Ŋguga mbe garim, ana ŋgui vhɨrve gari guman pan pigi mpirmpirɨga gaara thɨgim, mba ŋamki fethɨgi bigi, gum mba gumgir pani piigi mpirmpirɨgi, ana rorgia naaŋgi. Ana mbe fhum ofa muun zav, ana shogim, ana rimgi gangana mbui. Ana harathɨgi koo ki. Ana vhɨra harathɨgi rɨmgi ki, mba harathɨgi rɨmgi, nta Fhe Bakɨmen harathɨgi ŋiniŋgir panpana rugi. Fhe Bakɨme nta sarigim, nta za kha nuianan vegi.