Vhagi Buni 22:9 - Fhe Bakɨmen Kaman Kameŋ

⁹ Ana mbara khaŋ na nzuai, “Ndu maaŋ muuŋ thari! Gu ndu phorgap vhɨra harigi Fhe Bakɨme kamthooŋ gumgi, gu nde phorga ŋgari ŋaara guma mbe ma. Gu vhɨra kha gavar ki buni zɨn vui gumgi gu mbigi phorga ŋgari ŋaara guma mbe ma. Ndu Fhe Bakɨmera rotur muuŋri.”

Vhagi Buni 22:9 Iomraidhean Croise

Matiu 4:9

Ana ntan Zisas khɨvav khaŋ ana nzuai, “Ndu maaŋ muuŋgip thɨvani phɨrgip na nɨman fav, na rotur muuŋgirga, gu za kha bigir ndun nɨɨŋgirga.”

Ruk Khergi Kaman Vhuuŋ 4:7

Ndu maaŋ muuŋgip ntige thɨpanani phɨrgip na nɨman fav, na zɨ ndiv vun kuamkuav, nan ndikndigɨp, nan piin kɨrga, gu ntige kha nuianan ki bigi, gu za ntan ndun nɨɨŋgirga.”

1 Zon 5:20

Nza kaŋgi, Fhe Bakɨmen Kam, ana kha nuianan zergi. Ana zergap, ndɨkndɨgar nza ndɨɨi, nza guigira Fhe Bakɨme kaŋgi, ana guigira Fhe Bakɨme ma. Nza Fhe Bakɨme guara phorgɨp, vhɨra ana Kam Zisas Krais, nza vhɨra ana phorgɨrga. Zisas Krais, ana vhɨra Fhe Bakɨme ma. Ana zazera mbara muuŋgiap ki bɨɨŋbɨɨŋ nɨɨŋge ma.

Vhagi Buni 1:1

Fhum kha buni zorga kim, Zisas Krais nta ndi hiaŋ tɨgi. Fhe Bakɨme maaŋ muuŋgiap, kha bunin Zisas ga nɨɨŋgim, ana ntan won ŋaara gumgi khɨvɨrga. Mba bigi, nta vhemkora hɨgɨrga. Maaŋ muuŋgiap, Zisas won enser ga sarigim, ana za mba bigi bun, gu Zon anan ŋaara guma, ana nta bun na suaŋgi. Gu mba buni bun ana ŋaara gumgi ga suanga.

Vhagi Buni 1:11

Mba guma khaŋ nzuai, “Ndu khar gari bigi, ndu gavar za nta khergip, nta ndi kha harathɨgi siosi ndi mbarari. Ndu Efesus ŋgu bakɨmen ki sios ndi maaŋv, Smerna gu, Pergamum, Taiataira gu, Sardis, Firaderfia gu Raodisia, ndu za mbe ndi maaŋgiri.”

Vhagi Buni 14:7

Ana khɨrɨv kaav, khaŋ nzuai, “Fhe Bakɨme za kha nuianan ki gumgi gu mbigi muuŋgi tɨvi mbatɨgi ga suaŋv mbe suanga tuk hɨgi. Maaŋ muuŋgiap, nde ana rɨvɨv, ana zɨ ndiv, vun kuamkuari. Nde kha Heven gu nuiana mbuav, mbasɨga mbuav, kha nuianan ki mɨmɨri ga muuŋgi Fhe Bakɨme, nde anan rotur muuŋri.”

Vhagi Buni 15:4

Guma Bakɨme, ndu nduara, ndu za ŋgaravra ki. Maaŋ muuŋgiap, kha gumgi gu mbigi, mbe za ndun rɨvɨri. Mbe ndun rɨvɨv, ndu zɨ ndiv vun kuamkuari. Kha nuianan ki gumgi gu mbigi za zɨv, ndun rotur muuŋri. Ne khaŋ muuŋgi, ndun tɨvir vhuuiŋ za kɨrar hɨgi.”

Vhagi Buni 19:10

Gu mbara wo thɨpanani phɨrgiap, mba enser nɨman fav, gu ana rotur muun za mbui. Ana mbara khaŋ na nzuai, “Ndu maaŋ muuŋ thari! Gu ndu phorgap guigira Zisas khothɨgi gumgi gu mbigi, gu vhɨra nde phorga Fhe Bakɨmen ŋgari guma mbe ma. Nde Zisas nzuai buni guari, nde guigira nta khothɨgi ntɨɨri ma. Nde Fhe Bakɨmera rotur muuŋri. Nza kaŋgi, Zisas nzuai buni guari, ntara gumgi ndavi vheri khavav, ŋkasŋka mbe nɨɨŋgim, mbe Fhe Bakɨme buni bun nzuai.”

Vhagi Buni 22:10

Ana maaŋ na nzuav, wom khaŋ nzuai, “Kha Fhe Bakɨmen kamthooŋ guma suaŋgi buneŋ kha gavar ki, ndu ne vhaa thari. Zakɨra fhuvara! Ne khaŋ muuŋgi. Fhe Bakɨme mba bigir muunga tuk za han mbarigi.

Vhagi Buni 22:18

Fhe Bakɨme zumgum hɨrga bigi bun nzuaim, nta kha gavar kim, nde nta mbararagi gumgi gu mbigi, gu kama havharar nde nzuai. Maaŋ muuŋgip, guma the harigi kama thuen Fhe Bakɨme kamthooŋ guma kha gavar suaŋgi buneŋ ga phevarga, Fhe Bakɨme kha gavar mba hɨr za suaŋgi bigi mbatɨgi, Fhe Bakɨme mba bigi mbatɨgir mba guman hɨrga bigir mbatɨgi ga phevarga.

Vhagi Buni 22:7

Zisas khaŋ nzuai, “Mbarara! Gu vhemkora nden han zirɨrga.” Kha Fhe Bakɨme suaŋgi buni, ana kamthooŋ guma nta bun suaŋgi, nta kha gavar ki. Mba buni zɨn vui gumgi gu mbigi, mbe ndikndigɨri.

Vhagi Buni 4:10

Mbe maaŋ mbui tugar, mba 24 gumgir pani, mbe zazera mba ŋgui vhɨrve gari guman pan pigi mpirmpirɨga pigi guma, mbe ana nɨman thɨvi phɨra fav, ana rotu mbui. Ana zazera mbara muuŋgiap ki guma ma. Mbe zazera wari won gorar muuŋgi khorshɨgi, mbe nta fuav, ana ŋgui vhɨrve gari guman pan pigi mpirmpirɨga nɨma sui. Mbe nta ndi suav khaŋ muuŋgia tɨgap, ŋgava mbui.

Vhagi Buni 9:20

Mba harigi gumgi gu mbigi, mba bigɨna mbatɨga phuni khegene mbe shogim, mbe vhɨzgi fhuv ntɨɨri. Mbe ndavi domdorgiap, kɨr mba gumgi nduarira wari won farir kargiap rotu mbui bigi ga segi fhu ntɨɨri ma. Mbe ŋiniŋgi mbatɨgi rotu mbui tɨvi thagi fhu. Mbe vhɨra mbarɨvi gu tori, gor gu sirvar bras gu ŋkɨɨa khirar kargi bigi ntuu rotur muuŋ thagi fhu. Mba bigi rɨmgi kav, gari fhu, khuari kav, buni mbararagi fhu. Mbe vhɨra rui fhu.