Vhagi Buni 22:21 - Fhe Bakɨmen Kaman Kameŋ

²¹ Guma Bakɨme Zisas, ana fhura kora mbui korar muumbar Fhe Bakɨme za kha gumgi gu mbigi phorgɨ kɨri.

Vhagi Buni 22:21 Iomraidhean Croise

Khe Por Romiŋ Ndi Khergi Gap 1:7

Nde Roman guigira Zisas khothɨgi gumgi gu mbigi, Fhe Bakɨme won ndavar nde nɨɨŋgiap, nden kamgim, nde anan gumgi gu mbigi kim, gu kha gava khergiap mba bunin za nde ndi mbai. Nzan Ndia Fhe Bakɨme gum nzan Bakɨme Zisas Krais, mani fhura nden korar muuŋv, nden ndavir muuŋgirim, nde ndavi mbɨrav kɨri.

Khe Por Romiŋ Ndi Khergi Gap 16:20

Nde tuga tɨvaneŋra kegɨrga, Fhe Bakɨme, ana mpirmpirɨga vhuuŋ gu ndava mɨɨtɨgar nɨɨŋge ma, ana ŋkasŋkar nden nɨɨŋrim, nde Satan mbevav, nde Satan pana pɨɨŋgip, ana kambararga. Nza Bakɨme Zisasan fhura kora mbui kora muumbar nde phorgɨ kɨri.

Khe Por Romiŋ Ndi Khergi Gap 16:23

Gaius, ana won raar vhuun nde ndɨɨi. Ana na ndi wo phena tɨgap, ana gangana vhuuŋra na mbui. Ana na garav, ana vhɨra mba guigira Zisas khothɨgap ana zɨn vui gumgi, ana vhɨra mbe gari. Erastus, ana kha ŋgu bakɨme gari guman pana ŋkɨɨa gari guma gum nzan fek Kuartus, mani wani won raar vhuun nde ndi mbai.

2 Tesaronaika 3:18

Nza Bakɨme Zisas Kraisan kora muumbar nde phorgɨ kɨri.

Vhagi Buni 1:2

Gu Zon, gu mba bigi gangiap, gu Zisas Krais Fhe Bakɨme bunin na suaŋgim, gu nta bun nzuai. Gu nta bun nzuav, gu khaŋ nzuai, mba buni, nta guigira buni guari ma.

Vhagi Buni 1:4

Gu Zon, gu kha gava khergiap, nde mba Esia ŋgu bakɨme fhain ki harathɨgi siosir ki gumgi gu mbigi, gu anan nde ndi mbai. Ntige khar ki Fhe Bakɨme, ana fhum guarara ki Fhe Bakɨme ma. Ana vhɨra zumgum taagi zirɨrga. Ana fhura nden korar muuŋv, nden ndavir muuŋrim, nde ndavi mbɨrav wari kɨri. Mba harathɨgi ŋiniŋgi, mbe Fhe Bakɨmen ŋgui vhɨrve gari guman pan pigi mpirmpirɨga nɨma thivgiap ki. Mbe vhɨra fhura nden korar muuŋv, nden ndavir muuŋrim, nde ndavi mbɨrav wari kɨri.

Vhagi Buni 22:7

Zisas khaŋ nzuai, “Mbarara! Gu vhemkora nden han zirɨrga.” Kha Fhe Bakɨme suaŋgi buni, ana kamthooŋ guma nta bun suaŋgi, nta kha gavar ki. Mba buni zɨn vui gumgi gu mbigi, mbe ndikndigɨri.