Vhagi Buni 22:14 - Fhe Bakɨmen Kaman Kameŋ

¹⁴ “Mba za wari won shagi ruagi gumgi gu mbigi, mbe ndikndigɨri. Mbe maaŋ muuŋgip, mbe mba zazera mbara muuŋgiap ki bɨɨŋbɨɨŋ ndi ndɨɨi khan vhɨgar mbegɨrga. Mbe vhɨra mba ŋgu bakɨmen thɨmkamanin vhen ŋgirgɨrga.

Vhagi Buni 22:14 Iomraidhean Croise

Zon Khergi Kaman Vhuuŋ 10:7

Zisas mbara wom khaŋ mbe nzuai, “Gu guigira nde nzuai, gu nduara mba sipsivi bɨna vhen veri thɨmkamani ma.

Zon Khergi Kaman Vhuuŋ 10:9

Gu nduara, gu thɨmkamani ma. Guma the zɨv nan hɨgɨp, ŋgɨp bɨna vhen ŋgɨrgɨrga, Fhe Bakɨme taagip ana ndigɨrga. Ana vhen kɨv kɨrar hɨv, taagi vhen ŋgirɨrga. Ana maaŋ muuŋv mbur ŋgɨp khar zɨv, mba ndirga.

Zon Khergi Kaman Vhuuŋ 14:15

Zisas wom khaŋ mbe nzuai, “Nde guigira wari wo ndavir na nɨɨŋgi, nde tuituigip na tɨvi zɨn ŋgɨrga.

Zon Khergi Kaman Vhuuŋ 14:6

Zisas mbaram khaŋ ana nzuai, “Gu nduara mba tuav ma. Gu vhɨra nduara buni guarir nɨɨŋge ma. Gu vhɨra nduara zazera mbara muuŋgip ki bɨɨŋbɨɨŋ nɨɨŋge ma. Guma the Dara han ŋgɨr saŋv, ana harigi tuav then, ana han ŋgɨgɨrga tuktɨgi fhu. Zakɨra fhuvara! Gu nduara mba tuav ma.

Zon Khergi Kaman Vhuuŋ 4:12

Nzan nzɨk Zekop, ana nza nzuav kha mbok mbɨ korgi. Kha mbok mbɨ, ana nduara won tarir kov, won borombaga gum, sipsivi gu bigi, mbe kha mbok mbɨra mbegi. Ee, ndu Zekop kambarigire?”

1 Korin 7:19

Fooi tɨv, ana fhura ki tɨv ma. Fooi fhuv tɨv, ana vhɨra fhura ki tɨv ma. Fhe Bakɨmen tɨvi zɨn vui tɨv, ana guigira bigɨna guar ma.

1 Korin 8:9

Nde tuituigira wari ganɨri. Nde za mba bigir mbɨr saŋv, nde fhura za ntan mbɨrga. Nde mba tɨvar muunga, nden tɨvi mba tuituigiap bigi kaŋgi fhuv gumgir ndɨkndɨgir muuŋgirim, mbe regɨp, tɨva mbatɨgeŋ muuŋgirga.

1 Korin 9:5

Ahaŋ, gu vhɨra, gu guigira Zisas khothɨgi mbigar tɨgɨp ana ndigi rurga. Gu ana ndigip, Zisas farasarigi ŋaara gumgi mbari gum, nza Bakɨmen ŋgugi, gum Pita muuŋgi, mbe nen na thɨvgire? Zakɨra fhuvara! Gu nen muunga tuktɨgi.

Garesia 5:6

Guma maaŋ muuŋgip, Krais Zisas phorgɨp kɨrga, mba fooi tɨv, ana fhura ki tɨv ma. Mba gumgi warir fooi fhuv ne, ne vhɨra fhura ki ne ma. Kha tɨv, guma guigira Krais khothɨgap, ana guigira won davar harigi gumgi ga ndɨɨi, mba tɨv ana guigira tɨva guar ma.

1 Zon 3:3

Ntigem ana rarga ki gumgi, mbe nduarira wari won kɨrɨ tɨvi garav, mbe zazera Fhe Bakɨme nɨman ŋgaravra wari ki. Mbe ŋgarav, Kraisra fara muuŋgiap wari kɨri.

1 Zon 5:3

Nza guigira warir won ndavir Fhe Bakɨme ga ndɨɨi tɨv khaŋ muuŋgi, nza ana suaŋgi tɨvi zɨn vuim, ana suaŋgi tɨvi simgi fhuvara.

Vhagi Buni 2:7

“ ‘Guma ana khuarani kɨv, ana tuituigip Fhe Bakɨmen Ŋina Ŋaar kha siosi ga nzuai buni mbararari. Guma, ana maaŋ muuŋgip, ntarar muuŋv, ana ŋkasŋkagip, mba ntara kambararga, gu fhura ana ganɨrim, ana zɨv, zazera mbara muuŋgiap ki bɨɨŋbɨɨŋ ndi ndɨɨi khan mba ndigi mbɨrga. Mba kha, ana Hevenan Fhe Bakɨme mɨnan ki.’ ”

Vhagi Buni 21:12

Mba ŋgu bakɨme, anan bɨn guigira kɨvgiap vun mbar ndagi. Anan bɨn, ana 12 thɨgi thɨrkaa kim, 12 thɨgi enseri, mbe bevbevira mba thɨrkaa gari. Mba 12 thɨgi Isrerin nzɨgi, mbe bevbevira mben zɨri khergim, nta mba thɨrkaar ki.

Vhagi Buni 21:27

Mbe mba bigi mbatɨgi gum, tɨvi mbatɨgi gum, mba mbarkɨrga tɨvi mbatɨgi ga mbui gumgi gum, bigi guiguigi gumgi, mbe mba ŋgu bakɨme vhen ŋgirgɨrga tuktɨgi fhuvara. Zakɨra fhuvara! Mba gumgi gu mbigi, mbe zɨri zazera mbara muuŋgiap ki bɨɨŋbɨɨŋ ndi gumgi gu mbigi zɨri ki gavar ki. Mba gap, ana Sipsiva Ŋgugar gap ma. Mbe zɨri mba gavar ki, mbera mba ŋgu bakɨmen vhen ŋgirgɨrga.

Vhagi Buni 22:2

Ana zerav, khuafuav vov, mba ŋgu bakɨmen tuav, ana rɨgɨra ana sharav veri. Mba mbɨ gaar mueŋ ndereŋ, gu khueŋ nderen mba zazera mbara muuŋgiap ki bɨɨŋbɨɨŋ ndi ndɨɨi khira ki. Mba khira mpari tugɨra tɨgap, mbe 12 thɨgi kɨni tugɨra tɨgap vhɨgi mbai. Mba khirar fari, kha nuianan ki gumgi nta farir wari wo rɨmrɨɨ gum nzuua mbuim, nta vhɨzi.

Vhagi Buni 22:7

Zisas khaŋ nzuai, “Mbarara! Gu vhemkora nden han zirɨrga.” Kha Fhe Bakɨme suaŋgi buni, ana kamthooŋ guma nta bun suaŋgi, nta kha gavar ki. Mba buni zɨn vui gumgi gu mbigi, mbe ndikndigɨri.

Vhagi Buni 7:14

Gu ana ŋgarkarav khaŋ nzuai, “Gu kaŋgi fhu, guman rum, ndu mbe kaŋgi.” Ana khaŋ na nzuai, “Mba gumgi, mbe fhum mba simtɨgi gum zaagi mbatɨgi guarira hi tugir, mbe thɨga havhargiap, mbara muuŋgia kegi gumgi ma. Mbe mba Sipsiva Ŋgugar vɨzɨna wari won shagi huri mpeeiŋ ruagim, nta guigira hurgi.