Vhagi Buni 21:4 - Fhe Bakɨmen Kaman Kameŋ

⁴ Ana nduara zɨv, wo farvenin mbe thee phara mbɨrgirga. Mba gumgi gu mbigi mbe wom vhɨzɨrga fhu. Mbe wom simɨnga fhu. Mbe wom nzirga fhu. Mbe vhɨra wom zaahɨrga fhu. Mba fhum mben hi bigi, nta za vhɨzgi.”

Vhagi Buni 21:4 Iomraidhean Croise

Matiu 24:35

Kha buip gu nuian, mani vhɨra za vhɨzgirga. Nan buni vhuuiŋ, nta vhɨzgirga tuktɨgi fhuvara.”

1 Korin 15:26

Ana vhɨzi tɨv, ana mpuur ana vhɨzgirga.

1 Korin 7:31

Kha nuianan bigir ŋgari gumgi, mbe khaŋ muuŋgip kɨri. Kha nuiana bigir ŋgari ŋaari, nta ntigem nza kha ki kɨrɨ tɨvir, nta bigi bakɨvi fhuvara. Nza kaŋgi, kha nuian gum ntige anan ki bigi, nta za vhɨzgirga tuk za han mbarigi.

2 Korin 5:17

Maaŋ muuŋgip, guma the Krais phorgɨp havhargirga, Fhe Bakɨme mba guman muuŋgirga, ana won ndava vura tɨvi thav, ana guman kama gegap, ana Fhe Bakɨmen tɨvi zɨn ŋgɨrga. Nde tuituigip khueŋ mbararari. Ntigem, ndava vura tɨvi za vhɨzgim, nza Fhe Bakɨme tɨvi zɨn vui.

2 Korin 6:17

Maaŋ muuŋgiap, Guma Bakɨme wom nzuav khaŋ nzuai, “ ‘Nde mbe han ŋgɨp, mbe phorgɨ ru thari. Nde kɨv, tuituigira wari ganɨri. Nde na nɨman nzaŋnzaŋgi tuavir ŋgɨ thari. Gu nduara nde ndi guma ma. Nde maaŋ muunga, gu nde ndigirga.

Hibru 12:27

Ana wom taagip tuga then maaŋ muun za suaŋgim, nza kaŋgi, Fhe Bakɨme kha nuian gu buivar muuŋrim, ni ninɨga suirarga. Ana mba muuŋgi bigi, ana nta vhararga, nta wom kɨrga fhu. Ana mba mbuim, nɨɨkuigi fhuv bigi, nta nduarira kɨrga.

2 Pita 3:10

Guma Bakɨme taagi zirɨrga tuk vhemkora hɨgɨrga, ana kɨɨi guma zi tɨvar muuŋgirga. Mba tugar buip furap, khɨkhɨm bakɨme hegɨp, za vhɨzgirga. Fhe Bakɨme kha nuian gu buiva muuŋgi bigi, nta za vhav nta shigirim, nta za vhɨzgirga. Maaŋ muuŋgiap, kha nuian gum mbe ana muuŋgi bigi, nta khar ki, nta wom kegɨrga fhu.

1 Zon 2:17

Kha nuian zumgum vhɨzgirga. Kha nuiana bigi garav, nta nzuav ndavi khavav, rɨmgi phara tui tɨvi, nta vhɨra ana phorgɨp vhɨzgirga. Maaŋ muuŋgiap, Fhe Bakɨme nzuai tɨvi zɨn vui guma, ana kha nuiana phorgɨp vhɨzgirga tuktɨgi fhuvara, ana zazera mbara muuŋgip kɨrga.

Vhagi Buni 20:13

Mbasɨk, anan kav rimgi gumgi, ana mbe ndi mbarigim, mbe vui. Vhɨzi tɨv gum Vhɨzgi Gumgi Ki Ŋgu, manin ki vhɨzgi gumgi, mani mbe sarigim, mbe vui. Mba ŋgui vhɨrve gari guman pan pigi mpirmpirɨga perigi guma, ana mbe bevbevira muuŋgi tɨvi, ana nta gangi. Ana maaŋ muuŋgiap, ana mbe nzuav nzuai.

Vhagi Buni 20:14

Ana maaŋ muuŋgiap, ana zumgum vhɨzi tɨv gum, vhɨzi gumgi gu mbigi ki ŋgu, Hedis, ana mani fegap mba vhava bakɨme mbɨ fara muuŋgiap givigi mbok, ana mani ndim ana khɨngi. Mba vhav ki mbok bakɨme, ana wom phenatɨtɨgap vhɨzi vhɨzeŋ ma.

Vhagi Buni 21:1

Gu mbaram garav, gu buivar kama garav, nuiana kama garim, mani ki. Gu mba fharigi buip gu nuiana garim, mani vov, za vhɨzgi. Gu gari, mbasɨk wom ki fhu.

Vhagi Buni 22:3

Fhe Bakɨme mba ana buni daasui gumgi gu tɨvi mbatɨgi, ana nta thɨvigi, nta mba ŋgu bakɨmen kegɨrga tuktɨgi fhuvara. Fhe Bakɨme gum Sipsiva Ŋguk, mani ŋgui vhɨrve gari guman pan pigi mpirmpirɨk ana nduara mba ŋgu bakɨmen kɨrga. Fhe Bakɨmen ŋaari gumgi ana rotur muunga.

Vhagi Buni 7:17

Ne khaŋ muuŋgi, mba Sipsiva Ŋguk, ana mba ŋgui vhɨrve gari guman pan pigi mpirmpirɨga rɨgɨgera ki, ana mbe gari guman pan kɨrga. Ana mben kov ŋgɨp, mba mɨmɨr kav hi mbogi pharar ŋgɨrga. Mba mbɨ zazera mbara muuŋgiap ki bɨɨŋbɨɨŋ ndi ndɨɨi. Fhe Bakɨme vhɨra za mbe thee phara mbɨrɨrga. Mbe wom nzirga fhu.”