Vhagi Buni 21:3 - Fhe Bakɨmen Kaman Kameŋ

³ Gu ŋgui vhɨrve gari guman pan pigi mpirmpirɨgar han, gu mbararagim, guma mbe kamthooŋ khɨrɨp kaav, khaŋ nzuai, “Ganɨ, ntigem Fhe Bakɨmen Phen gumgi gu mbigi phorga ki. Ana mben rɨgar kɨrga, mbe anan gumgi gu mbigi kɨrga. Ahaŋ, Fhe Bakɨme, ana nduara mbe phorgɨ kɨv, ana nduara mben Fhe Bakɨme kɨrga.

Vhagi Buni 21:3 Iomraidhean Croise

Zon Khergi Kaman Vhuuŋ 1:14

Fhe Bakɨmen Kameŋ, ne guma guara gegap, zerav, nzan rɨgar ki. Fhe Bakɨme mba tara bavira ki. Anan tɨvir vhuuiŋ guarira gum ŋkasŋka bakɨme anan ki. Nza vhɨra ana tɨvir vhuuiŋ guarira gum ana ŋkasŋka bakɨme gangi. Anan tɨvir vhuuiŋ guarira gum kora muumbara bakɨme guigira anan ki. Ana vhɨra guigira Fhe Bakɨmen nza khɨvigi.

Zon Khergi Kaman Vhuuŋ 14:23

Zisas ana buneŋ ŋgarkarav khaŋ ana nzuai, “Guma, ana guigira won ndavara na nɨɨŋgi, ana tuituigip na buni zɨn ŋgɨrga. Nan Ndia won ndavar mba guman nɨɨnga. Ŋka vhɨra mba guman han zɨv ana phorgɨ kɨrga.

2 Korin 6:16

Nza ram muuŋgip Fhe Bakɨmen Phena ndiv mbarɨvi gu tori phena phorgɨrie? Nde nduarira khueŋ kaŋgi, nza nduarira mbara muuŋgiap ki Fhe Bakɨmen Phen ma. Fhe Bakɨme fhum mba kameŋ suaŋgi. Ana khaŋ nzuai, “Gu mbe phorgɨ kɨv, mbe rɨgar kɨv, mbe phorgɨp rurga. Gu vhɨra mben Fhe Bakɨme kɨrga, mbe nan gumgi gu mbigi kɨrga.”

2 Korin 6:18

Gu nde ndigip, gu nden ndia kɨrga, nde nan ŋkaa gu ŋkaar mbigi kɨrga.’ Guma Bakɨme, ana za mba ŋkasŋkagi ki Fhe Bakɨme ma, ana maaŋ nzuai.”

1 Tesaronaika 3:11

Nza khueŋ vuzvugi, nzan Ndia Fhe Bakɨme gum nza Bakɨme Zisas, mani na suaŋv tuavar muuŋgirim, nza nden han ŋgɨrga.

Hibru 11:16

Mbe wari won nuiana vura ndɨkndɨgi fhuvara. Zakɨra fhuvara! Mbe guigira harigi nuiana ndirgane vuzvugi. Mba nuian, ana guigira nzerigi, ana mben nuiana vura kambarigi. Mba nuian, ana Hevenan ki. Mba gumgi khaŋ Fhe Bakɨme nzuai, “Ndu nzan Fhe Bakɨme ma.” Mbe maaŋ nzuaim, Fhe Bakɨme mba kamen mberi fhu. Ne khaŋ muuŋgi, ana mbe kɨrga ŋgu bakɨme, ana ana bevahegim, ana mbur ki.

Hibru 8:10

Gu zumgum suanga kaman kameŋ, gu Isreriŋ gumgi gu mbigi phorgɨ suanga kameŋ khaŋ muuŋgirga. Gu, Guma Bakɨme, gu zumgum won tɨvir mbe ndɨkndɨgir tɨgɨrga. Gu vhɨra wo tɨvir mbe ndavi vheri khergirga. Gu maaŋ muuŋgip, gu mben Fhe Bakɨme kɨrga, mbe nan gumgi gu mbigi kɨrga.

Hibru 8:2

Ana Hevenan Fhe Bakɨme rotu gari guman pan ki. Ana guigira Fhe Bakɨme Phen ma. Mba phen, gumgi wari won farir muuŋgi phen fhuvara. Guma Bakɨme nduara mba phena muuŋgi, ana thɨgi.

Vhagi Buni 10:4

Mba harathɨgi buivi phɨreregim, gu mbe suaŋgi buni kherɨr za mbui. Gu nta kherɨr za mbuav, gu wom mbararagim, guma kamthooŋ mbe Hevenan kav khaŋ nzuai, “Ndu mba harathɨgi buivi suaŋgi buni, ndu ndɨkndɨgar nta suirav kɨri. Ndu nta kherɨ thari.”

Vhagi Buni 10:8

Gu mba fhum mbararagi guman kamthooŋ Hevenan kav wom khaŋ na nzuai, “Ndu ŋgɨp mba mbasɨk gum nuiana thɨgi enser, ana mba gava fhogap, ana suirav ki. Ndu ŋgɨp, ana han ana ndigɨri.”

Vhagi Buni 12:10

Gu mbararagim, guma kamthooŋ mbe Hevenan kav, khɨrɨv kaav, khaŋ nzuai, “Nza Fhe Bakɨme ntigem taagia nza ndigi. Ana ŋkasŋka, ana ntigem za kɨrar hɨgi. Ana ntigem nzan ŋgui vhɨrve gari guman pan ki. Ana taagip wo gumgi gu mbigi ndir zav kha guman farasarigi. Ana won zɨ bakɨme gum ŋkasŋka bakɨme ndi khɨvigi. Ne khaŋ muuŋgi, mba nza phorgɨp guigira Zisas khothɨgi gumgi gu mbigi bunin mbe sav, mbe nzuav nzuai guma, ana Fhe Bakɨme nɨman, ana ra gu maan buni mbe sav, mbe nzuai. Ana ntigem Fhe Bakɨmen enseri ana fega nɨɨŋ khɨngi.

Vhagi Buni 21:7

Guma maaŋ muuŋgip ntarar muuŋv, ana ŋkasŋkagip, mba ntara kambararga, gu mba bigir ana nɨɨŋgip, gu ana Fhe Bakɨme kɨrim, ana nan kam kɨrga.

Vhagi Buni 22:3

Fhe Bakɨme mba ana buni daasui gumgi gu tɨvi mbatɨgi, ana nta thɨvigi, nta mba ŋgu bakɨmen kegɨrga tuktɨgi fhuvara. Fhe Bakɨme gum Sipsiva Ŋguk, mani ŋgui vhɨrve gari guman pan pigi mpirmpirɨk ana nduara mba ŋgu bakɨmen kɨrga. Fhe Bakɨmen ŋaari gumgi ana rotur muunga.

Vhagi Buni 7:15

Mbe maaŋ muuŋgiap, ra gu maan, mbe Fhe Bakɨme nɨman ana phena vhen, ana won ŋgui vhɨrve gari mpirmpirɨga perigim, mbe ana rotu mbui. Mba ŋgui vhɨrve gari guman pan pigi mpirmpirɨga perigi guma, ana mbe phorgɨ kɨv mbe ganɨnga.