Vhagi Buni 20:2 - Fhe Bakɨmen Kaman Kameŋ

² Ana zerav mba kuruga bakɨme suirigi. Mba kuruk, ana fhum guarara ki kuruk ma. Ana Satan ma. Satan, ana “Bunin Za Kha Nuianan Ki Gumgi Gu Mbigi Ga Si Guma” ma. Mba enser ana suirav, mba shen bakɨmen ana kegɨrga, ana mbara muuŋgip kɨrim, 1,000 mpari vhɨzgirga.

Vhagi Buni 20:2 Iomraidhean Croise

Matiu 19:29

Mba na zɨ ndɨkndɨgap wari wo pheni, gu won fegi gu ŋgugi, meeiŋ gu bivi, ndegi gu ndegmbori, won tari, won mɨni, mba bigi thagi gumgi gu mbigi, mbe guigira bigi vhuuiŋ vhɨrvera ndiv, mbe vhɨra zazera mbara muuŋgiap ki bɨɨŋbɨɨŋ ndigirga.

Matiu 8:29

Mani zav khɨrɨv kaav khaŋ nzuai, “Ndu Fhe Bakɨmen Kam, ndu ram nzan muun za mbui? Tuk ntigar hɨrga, ndu fhumra tɨva mbatɨgar nzan muun zav zi thi?”

Mak Khergi Kaman Vhuuŋ 4:15

Gumgi mbari mba tuap ga regi mban vhɨgi fara muuŋgi. Mbe Fhe Bakɨme buni mbararavra thagim, Satan zav mbe mba mbararagi Fhe Bakɨme buni, ana mbe tɨn nta ndigi.

Mak Khergi Kaman Vhuuŋ 5:7

Zisas khaŋ mba ŋina mbatɨga nzuai, “Ndu Ŋina mbatɨk, ndu mba guma thav kɨrar hɨgɨri.” Zisas nen ana nzuaim, mba guma thav fav, kama bakɨme rugap, khaŋ ana nzuai, “Ndu ram nan muun za mbui, Zisas, za kha bigi kharav vun guarira ki Fhe Bakɨme Kam. Ndu khaŋ na suaŋ, ‘Gu ndu nɨman Fhe Bakɨme zɨ zitarga, gu ndun farfarga fhu.’ ”

Zon Khergi Kaman Vhuuŋ 12:31

Fhe Bakɨme ntigem kha nuianan ki gumgi gu mbigi muuŋgi tɨvi ga suaŋv, mbe suanga tuk ma. Ana ntigem, kha nuiana gari guman pana vhararga.

Zon Khergi Kaman Vhuuŋ 16:11

Fhe Bakɨme kha nuianan ki gumgi gu mbigi, ana mbe muuŋgi tɨvi mbatɨgi ga suaŋv mbe suanga kama nɨɨeŋ, ne khaŋ muuŋgi, kha nuianan gari guman pan, ana fhɨrge rɨgi.

Khe Por Romiŋ Ndi Khergi Gap 16:20

Nde tuga tɨvaneŋra kegɨrga, Fhe Bakɨme, ana mpirmpirɨga vhuuŋ gu ndava mɨɨtɨgar nɨɨŋge ma, ana ŋkasŋkar nden nɨɨŋrim, nde Satan mbevav, nde Satan pana pɨɨŋgip, ana kambararga. Nza Bakɨme Zisasan fhura kora mbui kora muumbar nde phorgɨ kɨri.

Hibru 2:14

Zisas mba nzuai tari, ana kha nuianan ki gumgi gu mbigira nzuai. Maaŋ muuŋgiap, Zisas vhɨra mbera fara muuŋgiap guma guar ki. Ana kɨv rimgirga. Ana mba tɨvar muuŋgip, ana Satanan ŋkasŋka farfagirga. Kha guma Satan, ana kha gumgi gu mbigi ga mbuim, mbe vhɨzi ŋkasŋka ki.

1 Pita 5:8

Nde tuituigira wari ganɨv, anan rargɨ kɨri. Nden pana guma Satan, ana raion bakɨme fara muuŋgiap davav, mbur vov, khar zav ki. Ana zazera gumgi gu mbigir farfa zav mbe nzuav garav ki.

2 Pita 2:4

Nde kaŋgi, fhum Fhe Bakɨme enseri mbari, maaŋ muuŋgiap tɨva mbatɨga mueŋ muuŋgim, Fhe Bakɨme fhura mbe gangi fhuvara. Zakɨra fhuvara! Ana mbe ndim, Herar mba guigira gɨngɨngi mbok khɨngim, mbe anan ki. Mbe mba bɨnan kav, mbe Fhe Bakɨme za kha nuianan ki gumgi gu mbigi muuŋgi tɨvi mbatɨgi ga suaŋv mbe suanga tugar rargap mbur ki.

Khe Zut Khergi Gap 1:6

Nde mba Fhe Bakɨme enseri ga ndɨkndɨgɨ. Mbe Fhe Bakɨme mbe nɨɨŋgi ŋaari, mbe tuituigip ntan kɨ thav, mbe Fhe Bakɨme ŋgu thagi. Maaŋ muuŋgiap, Guma Bakɨme zazera mbara muuŋgiap ki shenin mbe kegap, mbe ndim guigira gɨngɨna mbatɨga muuŋgi ŋgun phena tɨvaneŋ khɨngim, mbe mba ŋgun ki. Mbe kav, Fhe Bakɨme kha nuianan ki gumgi gu mbigi muuŋgi tɨvi mbatɨgi ga suaŋv mbe suanga tuga bakɨmen rarga mbur ki.

Vhagi Buni 12:13

Mba kuruk kaŋgim, mbe ana fega nuiana khɨngim, ana mba tara tegi mbiga zɨtɨgɨr zav, ana ndi gari.

Vhagi Buni 12:15

Mba kuruk mbara won kamthoon mbɨ ndi mbai. Mba mbɨ, ana mbɨ bakɨme fara muuŋgiap, mba mbiga zɨn vui. Mba kuruk khueŋ vuzvugi, mba mbɨ mba mbiga zɨn ŋgɨp, ana ndigi ŋgɨgɨrga.

Vhagi Buni 12:17

Maaŋ muuŋgiap, mba kuruk, ana guigira mba mbiga nzuav ndav shigi. Ana maaŋ muuŋgiap vov, ana mba ki tari gu nzɨgi, ana mbe shogɨr za mbui. Mba gumgi gu mbigi, mbe Fhe Bakɨme nzuai tɨvi zɨn vov, Zisasan buna vhuueŋ bun nzuav, ana zɨn vui.

Vhagi Buni 12:3

Gu wom garav, gu harigi khesharigi bigɨna mbe garim, ana buivar hɨgi. Mba bigɨn khaŋ muuŋgi. Gu kuruga hɨva ruma garim, ana ki. Ana harathɨgi pani kim, phɨkthɨgi koo anan pana bavira ki. Anan panin harathɨgi ŋgui vhɨrve gari guman pan fi khorshɨgi fara muuŋgi khorshɨgi bisaŋrire, anan panin fegi.

Vhagi Buni 12:4

Anan piiŋ mbu buivar ki ŋkaa, ana za nta biav, za nta fov, nuiana sui. Mbe kha buivar ki ŋkaa, mbe nta shɨgap, phɨna phuni khegenen mbarigi fara muuŋgi. Ana phɨna mbe, ana za ana fuav, nuiana suegi. Mba kuruk mba tara tɨr za mbui mbiga nɨma thɨgi. Ana khueŋ nzuav mba mbigar rargi, ana mba tara tɨvara tharim, ana ana thuigirga.

Vhagi Buni 12:9

Maaŋ muuŋgiap, Fhe Bakɨmen enseri, mbe mba kuruga bakɨme, mbe ana fekhɨngi, ana zergi. Ana mba fhum ki kuruk ma. Mbe kha zɨn ana kaai, Satan. Ana bunin, “Za Kha Nuianan Ki Gumgi Gu Mbigi Ga Si Guma” ma. Ana za kha nuianan ki gumgi gu mbigi guiguigim, mbe tɨvi mbatɨgi ga mbui guma ma. Mbe ana fekhɨngi, ana kha nuianan zergi. Mben ana enseri, mbe vhɨra mbe fuasuim, mbe vhɨra kha nuianan zergi.

Vhagi Buni 13:2

Gu mba ntige gari ruaŋruaŋgi sɨk, ana ruaŋruaŋgi pusi bakɨme fara muuŋgi. Mba sɨk, mbe kha zɨn ana rɨgi, repat. Ana ŋkari, bear ŋkari fara muuŋgi. Ana kamthooŋ, raion kamthooŋ fara muuŋgi. Mba kuruk won ŋkasŋkar mba ruaŋruaŋgi sɨga nɨɨŋgi. Ana ana muuŋgim, ana ara fara muuŋgiap, ŋgui vhɨrve gari guman pan kim, ana ŋkasŋka bakɨmen ana nɨɨŋgi.

Vhagi Buni 13:4

Mba kuruga bakɨme won ŋkasŋkar mba ruaŋruaŋgi sɨga nɨɨŋgim, mba gumgi gu mbigi ne nzuav ana rotu mbuav, vhɨra mba ruaŋruaŋgi sɨga rotu mbui. Mbe mani rotu mbuav khaŋ nzuai, “The kha ruaŋruaŋgi sɨga fara muuŋgi? The ana shogirga tuktɨgi?”

Vhagi Buni 20:10

Satan, ana mbe guigi. Mbe maaŋ muuŋgiap, ana fegɨp, mba mbok bakɨme khɨngi. Mba mbok, ana sarfa kɨman vhav mbɨn fara muuŋgiap ana givigi. Mba ruaŋruaŋgi sɨk gum, mba guiguigi kamthooŋ guma, mani mba mbogar ki. Mbe phuni khegene, mbe ra gu maan, mbe mba mbogar kɨv, zazera mbara muuŋgiap ki zaa ndirga.

Vhagi Buni 20:7

Mba 1,000 mpari vhɨzgirga, mbe mba khɨn kɨ kakagi mbok, mbe ana thɨma fhɨrgirga, Satan mba mbok thav, kɨrar hɨgɨrga.

Vhagi Buni 9:11

Mbe ŋgui vhɨrve gari guman pana mbe ki, ana mbe gari. Ana mba khɨnan mbar vergap khɨn ki fhuv mbok gari enser ma. Mbe Hibrur kaman kha zɨn mba enser kaai, Abadon. Mbe Grikin kaman kha zitɨr ana mbui, Aporion.