Vhagi Buni 19:8 - Fhe Bakɨmen Kaman Kameŋ

⁸ Fhe Bakɨme rinenan muuŋgi shaa hura vhuuŋra mba mbiga nɨɨŋgi. Mba shaa, ana nzaŋnzaŋ anan ki fhu, ana vhɨra guigira ŋgara garav vhekvhegi.” Mba rinenan muuŋgi shaar hurar vhuuŋra, ana Fhe Bakɨmen gumgi gu mbigi mbui tɨvir vhuuiŋ ga nzuai.

Vhagi Buni 19:8 Iomraidhean Croise

Matiu 17:2

Mbe kav, mbe Zisas garim, ana fhav harigi khesharav hɨgi. Mbe ana khoma garim, ana khom guigira ŋgarav, ra ndav sharigi fara muuŋgim, ana sharigi shagi, nta guigira hurgiap, ŋgara gari.

Matiu 22:12

Mba ŋgui vhɨrve gari guman pan ana gangiap, ana nzarigi, ‘Ai, kɨvntok, ndu ram muuŋgiap shaar vhuuŋ sharav vhen zergi fhu?’ Mba guma buna thuen ana famsɨgi fhuvara.

Mak Khergi Kaman Vhuuŋ 9:3

Mbe ana garim, ana mba shargi shagi guigira hurgiap ŋaara gari. Ana shagi fhum guma the kha nuianan ruagi shagi ŋgara gari gangana muuŋgi fhuvara. Nta guigira ŋaara gari.

Ruk Khergi Kaman Vhuuŋ 24:4

Mbe ana gangia thav kha ndɨkndɨga mbui, “Zisas khum maaŋ ki?” Mbe mba ndɨkndɨga mbuav garavra thav, guma phunini garim, mani hanera mbe han mbar thɨgi. Mba gumani, mani shagi guigira hurgiap ŋgara gari.

Farasegi Gumgi 1:10

Zisas ndagim, mbe ana nzuav khozrɨgia buiva garav kim, guma phunini, mani shagi huri shargi, mani fhura hav mbe gaar mbar thɨgi.

Khe Por Romiŋ Ndi Khergi Gap 13:14

Nde guigira Guma Bakɨme Zisas Krais ndigɨp, nde shagi shari farar muuŋgip ana sharav, anan tɨvira muuŋri. Nde wari won ndavir vurir tɨvi mbatɨgi, nde nta zɨn ŋgɨrgeŋ ndɨkndɨgɨ thari.

Khe Por Romiŋ Ndi Khergi Gap 3:22

Mba tɨv khaŋ muuŋgi, mba guigira Zisas Krais khothɨgi gumgi gu mbigi, Fhe Bakɨme za tɨvir vhuuiaŋ mbui gumgi gu mbigir mben kaai. Mbe Zudaiŋ gum mba harigi fhaiŋ ŋgui gumgi, mbe zam, Fhe Bakɨme tɨva bavira mben muunga.

Vhagi Buni 15:4

Guma Bakɨme, ndu nduara, ndu za ŋgaravra ki. Maaŋ muuŋgiap, kha gumgi gu mbigi, mbe za ndun rɨvɨri. Mbe ndun rɨvɨv, ndu zɨ ndiv vun kuamkuari. Kha nuianan ki gumgi gu mbigi za zɨv, ndun rotur muuŋri. Ne khaŋ muuŋgi, ndun tɨvir vhuuiŋ za kɨrar hɨgi.”

Vhagi Buni 15:6

Gu garav, gu harathɨgi enseri garim, mbe guigira kha nuianan ki gumgi gu mbigir farfarga, harathɨgi bigi mbatɨgi guarira suigiap, Fhe Bakɨme Sher Phenan kegap kɨrar hi. Mbe rinenan muuŋgi shagi vhuuiŋ guarira, nta guigira ŋgara garav, guigira vhekvhegi, mbe nta shargi. Mbe nta shargiap, mbe gorar muuŋgi reri mparavi bakɨvi rɨgi, nta mbe fheeŋphugi vhagi.

Vhagi Buni 19:14

Mba Hevenan ntari ga mbui gɨɨtɨvi, hozi huri ga piigiap, ana zɨn vui. Mbe nzaŋnzaŋ ki fhu rinenan muuŋgi shagi huri vhuuiŋ guarira shargi.

Vhagi Buni 3:18

Maaŋ muuŋgiap, gu mba ndɨkndɨgar nden nɨɨn za mbui. Nan gor, vhav za ana tuav, anan vhen ki bigi mbatɨgi, ana za nta vhɨzgi. Maaŋ muuŋgiap, nde nan gor ga vhezɨri. Nde ana vhezgirga, nde guigira ŋkɨɨa vhɨrve guarira kɨrga. Nde vhɨra shagi huri ga vhezgip, nta shargirim, nta nde fhava vharari. Maaŋ muuŋgirga, mba gumgi nde ganɨnga, nde mbugumra ki ne suaŋv mberɨrga fhu. Nde vhɨra won rɨmanin vhorga marasin ga vhezgip, won rɨmanin vhuigirim, nden rɨmani nzerarim, nde tuituigip ganɨnga.