Vhagi Buni 18:1 - Fhe Bakɨmen Kaman Kameŋ

¹ Mba bigi hega thugim, gu garim, harigi enser mbe, ana Heven thav, zeri. Ana guigira ŋkasŋka bakɨme ki. Anan sɨɨŋ kha nuiana muuŋgim, ana fhura guigira ŋgara gari.

Vhagi Buni 18:1 Iomraidhean Croise

Ruk Khergi Kaman Vhuuŋ 17:24

Nde khueŋ kaŋgiri, Fhe Bakɨme Guma Guar, ana zirɨrga tugar, ana tor vhekvhegi vhava ŋaara farar muuŋgip, ana ŋkasŋkan vhava ŋaar za kha buiva shararga. Kha nuianan ki gumgi gu mbigi, mbe zam ana ganɨnga.

2 Tesaronaika 2:8

Mba tugar Fhe Bakɨme suaŋgi tɨvi daai guma za kɨrar hɨgɨrga. Nza Bakɨme Zisas won kamthooŋ bɨɨŋbɨɨŋra ana shogirim, ana rimgirga. Nza Bakɨme vhemkora won vhava ŋaara bakɨme phorgɨp kɨrar hɨgɨrga, ana Fhe Bakɨme suaŋgi tɨvi daai guman farfagirga.

Vhagi Buni 10:1

Gu mbara wom garav, gu Fhe Bakɨme enser ŋkasŋka mbe garim, ana Hevenan kegap zeri. Ana buiva hurar wo ndogiap, shaar wo sharigi fara muuŋgim, vhuisha ana panan ki. Ana khom ŋgarav, ran fara muuŋgi. Ana suani vhavir khua gari gangana mbui.

Vhagi Buni 17:1

Mba harathɨgi enseri harathɨgi thuuri suigi, mben rɨgar enser mbe, ana zerav khaŋ na nzuai, “Ndu zɨ. Mba ruarir gumgi kɨɨv, mbe ndi mbik, ana ŋgu bakɨ mbe ma. Mba ŋgu bakɨme, ana phara vhɨrve gaar ki. Ana won vheza mbatɨga ndirga. Gu ana ndirga vhezar ndu khɨvɨrga.

Vhagi Buni 17:7

Gu ŋgava mbatɨga mbuim, mba enser khaŋ na nzuai, “Ndu thaŋ nzuav ŋgava mbatɨga mbui? Mba mbik, mba ruaŋruaŋgi sɨk, ana mba mbiga ndia rui. Mba ruaŋruaŋgi sɨk, ana harathɨgi pani kav, phɨkthɨgi koo ki. Mani mba bigir ntuu ma. Mba vhunama si bigeŋ ne zorga ki. Gu nen ndu khɨvarga.

Vhagi Buni 21:23

Mba ŋgu bakɨme, ana ra gu kɨni ŋaarar ana ndɨɨi fhuvara. Zakɨra fhuvara! Fhe Bakɨmen vhava ŋaara bakɨme, ana nduara vhava ŋaarar mba ŋgu bakɨme ndɨɨi. Mba Sipsiva Ŋguk, ana mba ŋgu bakɨmen rama fara muuŋgi.