Vhagi Buni 13:16 - Fhe Bakɨmen Kaman Kameŋ

¹⁶ Mba zumgum hɨgi ruaŋruaŋgi sɨk khaŋ tɨga nzuaim, mbe anan tum o, zɨ za mba gumgi gu mbigir ŋivkɨrir o, mben guva farve ga rɨgi. Mba guma gu mbiga the thagi fhuvara. Mbe fhura ki gumgi gu mbigi o, mbe zɨri bakɨvi ki gumgi gu mbigi, o, mbe ŋkɨɨa vhɨrve ki gumgi gu mbigi o, mbe bigi sosuagi gumgi gu mbigi o, mbe bɨkbɨɨgi gumgi gu mbigi o, mbe fhura ŋaara khɨna mbui gumgi gu mbigi, mbe za anan tum o zɨ mben ŋivkɨri o mben guva fari kɨrga.

Vhagi Buni 13:16 Iomraidhean Croise

Farasegi Gumgi 26:22

Fhe Bakɨme nduara nan kurkurigim, gu nzerara ka zav, ntige zav khar thɨgi. Maaŋ muuŋgiap, gu ntige khaŋ thɨgap, gu Fhe Bakɨme buni vhuuiŋ bun gumgi khɨni ga nzuav, gu vhɨra zɨ ki gumgir panan ga nzuai. Gu harigi khesharigi buni nzuai fhuvara. Gu mba nzuai buni, gu ntara nzuai. Gu Fhe Bakɨme kamthooŋ gumgi fhum suaŋgi buni gum Moses suaŋgi buni, gu mba bunira bun nzuai.

1 Korin 12:13

Ne khaŋ muuŋgi, Fhe Bakɨmen Ŋina Ŋaara bavira, ana za nza ruagim, nza za wari tɨgap Krais phorgap, nza guma bavira ki. Nza Zudaiŋ, nza Grikiŋ, nza ŋaara gumgi khɨni, nza bɨkbɨɨgiap ki gumgi, nza za Ŋina Ŋaara bavira ndigim, ana nzan ki.

Garesia 3:28

Nde Krais ndigi ntɨɨri, nde Zudaiŋ, nde Grikiŋ, nde ŋaara gumgi, nde fhura kav bɨkbɨɨgi gumgi, nde gumgi, nde mbigi, nde zam Krais Zisasan, nde wari tɨgap Fhe Bakɨme nɨman tuga bavira ki.

Garesia 6:17

Gu guma the harigi simtɨga thueŋ phorgɨv nan nɨɨngeŋ, gu ne thagi. Gumgi mbari, mbe na shogim, mba nzuu pira na fhavar ki. Mba nzuu pira khaŋ muuŋgi, gu guigira Kraisan ŋaara guma guar ma.

Efesus 6:8

Nde ndɨkndɨgɨ. Maaŋ muuŋgip, guma the ŋaara vhuuŋra mbui, Guma Bakɨme vheza vhuuŋra anan nɨɨnga. Mba guma, ana ŋaara khɨna mbui guma o, ana bɨkbɨɨgiap kav ŋgari guma, ana vheza vhuuŋra anan nɨɨnga.

Korosi 3:11

Nza tɨvir ŋkaa zɨn vui gumgi, nza za mba farara muuŋgi. Nza kha ndɨkndɨgar muunga fhu, nza Grikiŋ ma, mbe Zudaiŋ ma, nza warir fooŋgi ntɨɨri ma, kheiŋ warir fooŋgi fhuv ntɨɨri ma, nza harigi khesharigi kaa ntɨɨri ma, nza harigi fhaiŋ ntɨɨri ma, nza fhura ŋaara gumgi khɨni ma, nza bɨkbɨɨgi ntɨɨri ma. Nza maaŋ suanga fhu. Krais, ana nduara za nzan vhen ki.

2 Timoti 3:8

Fhum Zanes gum, Zambres, mani panan Moses ga kegi. Mba tɨvara, tɨvi mbatɨgi ga mbui gumgi, mbe panan buna vhuueŋ ga kegi. Mbe ndɨkndɨgi za ŋangim, mbe guigira Zisas khothɨgi tɨv za mbatɨgi.

Vhagi Buni 11:18

Mba Fhe Bakɨme khothɨgi fhuv gumgi gu mbigi, mbe guigira ndavi shigi. Ndu ntige wo ndav shirɨ bakɨme ndi khɨvɨrga tuk, ana ntige hɨgi. Ntigem, mba vhɨzgi gumgi gu mbigi, mbe ndu nɨma thivgirim, ndu mbe muuŋgi tɨvi ga suaŋv, mbe suanga tuk ma. Ntige vhɨra, ndu vheza vhuun won ŋaara gumgi ndun kamthooŋ gumgi, ndu mben nɨɨnga tuk ma. Ndu mben nɨɨŋv, ndu vhɨra won rɨvi gumgi gu mbigir nɨɨŋv, mba zɨ ki gumgi gu mbigir nɨɨŋv, mba zɨ ki fhu gumgi gu mbigi, ndu vhɨra vhezar mben nɨɨnga. Ndu kha nuiana farfagi gumgi, ndu ntigem, mben farfarga tuk ma.”

Vhagi Buni 15:2

Gu mbaram garav, gu mbasɨga mbe garim, ana gras gu vhava fara muuŋgi. Gu vhɨra garim, mba ntara mbuav, mba ruaŋruaŋgi sɨga phorga shogav, ana mbevav, vhɨra ana tuma kargi bigɨna mbevav, vhɨra ana tum gu zɨ mbevigi gumgi gu mbigi, mbe mba grasa fara muuŋgi mbasɨga taan thivgia ki. Mbe thivgiap, Fhe Bakɨme mbe nɨɨŋgi gitagi suigiap, thivgiap ki.

Vhagi Buni 19:18

Nde zɨv, kha ŋgui vhɨrve gari gumgir panin ŋkuuar mbɨv, mba ntari ga mbui gɨɨtɨvi gari gumgir panin, mba hozir ŋkuuar mbɨv, mbe piga ruigi gumgir ŋkuua, nde vhɨra ntan mbɨrga. Nde vhɨra za mba gumgir ŋkuuar sɨgi tonin mbɨrga. Mba gumgi, mbe bɨkbɨɨgi gumgi gum, mbe fhura ŋaara khɨna mbui gumgi, mba zɨri ki fhuv gumgi gum zɨri ki gumgi, nde za mben sɨgi tonin mbɨrga.”

Vhagi Buni 19:20

Mba hos ga perigi guma, ana mba ruaŋruaŋgi sɨk gum anan guiguigi kamthooŋ guma, ana mani suirap, mani kegi. Mba Fhe Bakɨmen kamthooŋ guman wo shɨkshɨgi guma, ana fhum kha gumgi gu mbigi nɨman mbe guiguigap, mirikori ga muuŋgi. Ana mba ruaŋruaŋgi sɨga nɨman, ana mirikori vhɨrve ga muuŋgi. Ana maaŋ mbuav, mba ruaŋruaŋgi sɨgar tum ndigi gumgi gu mbigi guiguigim, mbe ana tuma kargi bigɨna rotu mbui. Mba ruaŋruaŋgi sɨk gum mba guiguigi kamthooŋ guma, mani ŋamra kim, mbe mani ndi, mba sarfa kɨman vhav mbɨ fara muuŋgiap givigi mbok bakɨme, mbe mani ndi ana khɨngim, mani shiav ki.

Vhagi Buni 19:5

Gu mbara mbararagim, Fhe Bakɨmen ŋgui vhɨrve gari guman pan pigi mpirmpirɨgar han guma mbe kamthooŋ kaav, khaŋ nzuai, “Nde Fhe Bakɨmen ŋaara gumgi, nde Fhe Bakɨmen rɨvav, ana piin ki ntɨɨri ma, nde mba zɨri ki fhuv gumgi gum, zɨri ki gumgi, nde zam Fhe Bakɨme zɨ ndiv vun kuamkuari!”

Vhagi Buni 20:12

Gu mba vhɨzgi gumgi gu mbigi garim, mbe mbari zɨri ki, mbe mbari zɨri ki fhu. Gu mbe garim, mbe mba ŋgui vhɨrve gari guman pan pigi mpirmpirɨga nɨman thivgi. Fhe Bakɨme enseri mba gumgi gu mbigi muuŋgi tɨvi ki gavi fhomsɨgi. Mbe nta fhomsɨgiap, mbe vhɨra harigi gava fhogi. Mba gap, ana zazera mbara muuŋgiap ki bɨɨŋbɨɨŋ ndi ndɨɨi gumgi gu mbigi zɨri ki gap ma. Mbe nta fhomsɨgim, mba ŋgui vhɨrve gari guman pan pigi mpirmpirɨga perigi guma mba gavir ki buni garav, mba vhɨzgi gumgi muuŋgi tɨvi garav, mbe phorga nzuav, mbe heei.

Vhagi Buni 20:4

Gu mbaram garav, gu ŋgui vhɨrve gari gumgir pani piigi mpirmpirɨgi mbari garim, nta Hevenan ki. Gu gumgir ntuu mbari garim, mbe nta piigiap ki. Mba gumgi, mbe vhɨra guigira Zisas khothɨgap ana nzuai buni guari bun nzuav, khaŋ tɨgap havhargiap, Fhe Bakɨme buni vhuuiŋ bun nzuaim, mben pana gumgi ne nzuav mbe fhɨri gorgim, mbe vhɨzgi gumgi gu mbigi ma. Mbe vhɨra mba ruaŋruaŋgi sɨga rotu muuŋgi fhu. Mbe vhɨra anan tuma kargi bigɨna rotu muuŋgi fhu. Mbe vhɨra anan tum gum anan zɨ mben ŋivkɨri gu farir ki fhuv gumgi gu mbigi ma. Mbe taagia khavgiap, zazera mbara muuŋgiap ki bɨɨŋbɨɨŋ ndigi. Fhe Bakɨme kha nuianan ki gumgi gu mbigi muuŋgi tɨvi mbatɨgi ga suaŋv mbe suanga ŋkasŋka gum ŋaarar mbe nɨɨŋgim, mbe mba ŋaara mbui. Mbe vhɨra Krais phorgɨp ŋgui vhɨrve gari gumgir pani kɨv kɨrim, mba 1,000 mpari vhɨzgirga.

Vhagi Buni 6:15

Kha nuianan ki ŋgui vhɨrve gari gumgir pani gum, mba ŋgui vhɨrve gari gumgir pani, mba ntari ga mbui gumgir pani, mba shɨk kav, ŋkɨɨa vhɨrve ki gumgi, mba zɨri ki gumgi, mba ŋaara khɨna mbui gumgi, mba bɨkbɨɨgiap ki gumgi gu mbigi, mbe za wari tɨgɨp, rɨv, ŋgɨp, mba ŋkɨɨ bakɨvi thoorir ŋgirɨp, zomzorɨv ŋgɨp, mba mbɨkshɨɨr ki ŋkɨɨ bakɨvi piin ŋgɨp, zomzorgirga.

Vhagi Buni 7:3

Ana mben kaav, khaŋ mbe nzuai, “Nde fhumra mba bɨɨŋbɨɨiŋ ganɨrim, nta nuian gu mbasɨk gu khirar farfa thari. Nza fhara wari won Fhe Bakɨmen ruun anan ŋaari gumgi gu mbigi ga suv, ana zɨn mbe ŋivi phogirga.”