Vhagi Buni 12:6 - Fhe Bakɨmen Kaman Kameŋ

⁶ Mba mbik, ana ra vov, gumgi ki fhuv ŋanen vugi. Mba ŋaneŋ Fhe Bakɨme ana nzuav bevahegi ŋanen ki. Mbe mba ŋanen, mbe 42 kɨnin, mbe mban anan nɨɨŋv, ana ganɨnga.

Vhagi Buni 12:6 Iomraidhean Croise

Matiu 4:11

Ana maaŋ ana suaŋgim, Satan ana thav vugi. Satan ana thav vugim, Fhe Bakɨme enseri zav ana kurigi.

Vhagi Buni 12:14

Mbe maaŋ muuŋgip baŋga bakɨme vhɨganin mba mbiga sararim, ana gegap, wo ŋaneŋ gumgi ki fhu ŋanen ŋgɨrga. Ana ŋgɨgɨp, mba kuruga thav, samra kɨrga. Ana mba ŋanen kɨrga, mbe tuituigip ana ganɨv, mban ana nɨɨŋv kɨrim, mpari mpuveni khegntɨrive fɨgeŋ phorgɨ vhɨzgirga.

Vhagi Buni 12:4

Anan piiŋ mbu buivar ki ŋkaa, ana za nta biav, za nta fov, nuiana sui. Mbe kha buivar ki ŋkaa, mbe nta shɨgap, phɨna phuni khegenen mbarigi fara muuŋgi. Ana phɨna mbe, ana za ana fuav, nuiana suegi. Mba kuruk mba tara tɨr za mbui mbiga nɨma thɨgi. Ana khueŋ nzuav mba mbigar rargi, ana mba tara tɨvara tharim, ana ana thuigirga.

Vhagi Buni 13:5

Fhe Bakɨme fhura mba ruaŋruaŋgi sɨga garim, ana kama bakɨme nzuav kaav, Fhe Bakɨme nzɨɨv, ana mbevi buni nzuai. Ana 42 kɨnin mba tɨvar muunga, ŋkasŋka kegɨrga.

Vhagi Buni 17:3

Mba enser maaŋ na nzuaim, Fhe Bakɨme Ŋina Ŋaar na rugim, gu garim, mba enser nan kov, gumgi ki fhuv ŋanen vugi. Ana nan kov, mba ŋanen vugim, gu garim, mbiga mbe ruaŋruaŋgi sɨgar hɨva mbe tɨ perav ki. Mba ruaŋruaŋgi sɨk zɨri vhɨrve guarira ana kharɨgar ki. Mba zɨri, nta mbarkɨrga buni, mbe Fhe Bakɨme nzɨɨv, mbe ana nzuai buni mbatɨgi ma. Mba ruaŋruaŋgi sɨk, ana harathɨgi pani kav, phɨkthɨgi koo anan pana mben ki.