Taitus 2:8 - Fhe Bakɨmen Kaman Kameŋ

⁸ Ndu buni vhuuiŋra suanga, mba gumgi, mbe mba buni vhen tɨva mbatɨga thueŋ gangirga fhu. Nzan pana gumgi, mbe vhɨra, mbe buna mbatɨk thuen nza suaŋgirga fhu. Zakɨra fhuvara! Mbe won ndɨkndɨgi mbatɨgir mbergirga.

Taitus 2:8 Iomraidhean Croise

Mak Khergi Kaman Vhuuŋ 12:17

Zisas thav khaŋ mbe nzuai, “Sisar bigɨn, nde anan Sisar nɨɨŋri. Fhe Bakɨme bigɨn, nde anan Fhe Bakɨmen nɨɨŋri.” Ana ne mbe nzuaim, mbe ne mbararagiap ana nzuav, ŋgava mbatɨga muuŋgi.

Mak Khergi Kaman Vhuuŋ 12:28

Mba Sadusiŋ gumgi mba bunin Zisas phorga nzuav ana dav kim, Zudaiŋ tɨvi vhuuiŋ kaŋgi guma mbe zav, Zisas mbararagim, ana ŋgarkar vhuuŋra mbe buni ga mbuim, ana mbaram, Zisasan nzarigi, “Maaŋgi tɨv, ana za kha tɨvi kambarav fharigi?”

Mak Khergi Kaman Vhuuŋ 12:32

Mba guma ne Zisasan nzarav, wom khaŋ nzuai, “Ne nzerara ndɨkndɨgi vhuuin nza khɨvi guman rum. Ndu nzerara suaŋgi. Fhe Bakɨ bavira ki, harigi Fhe Bakɨ the, ana phorga ki fhuvara.

Mak Khergi Kaman Vhuuŋ 12:34

Zisas ana mbararagim, ana ndɨkndɨga vhuuŋra kav, nzerara ana ŋgarkarigim, Zisas khaŋ ana nzuai, “Ndu Fhe Bakɨme wo gumgi gu mbigi garim, mba ana piin ki ntɨɨri, ndu mbe phorgɨ kɨrga tuavra thɨgi.” Zisas maaŋ ana suaŋgim, mba gumgi gu mbigi harigi bigi ga suaŋv anan nzangen rivgi.

Ruk Khergi Kaman Vhuuŋ 13:17

Ana ne nzuaim, mba panan ana kegi gumgi, mbe ne mbararagiap, guigira memɨra mbatɨga muuŋgi. Mbe nen mberim, mba gumgi gu mbigi za ana mbui bigir vhuuiŋ ga nzuav ndikndigi.

2 Tesaronaika 3:14

Maaŋ muuŋgip, guma the nza kha khergi gavara ki buni, ana zam nta zɨn vui fhu, nde mba guma gangip, ana hiav, nde ana thav, samra kɨri. Nde samra kɨrim, ana nde gangip, ana wo mbui tɨvar mbergirga.

1 Timoti 5:14

Maaŋ muuŋgiap, gu kha ndɨkndɨga mbui. Mani vhɨzgi mbigɨr ŋkara ki, mbe wom harigi manin rɨgip, tari tɨv, wari wo pheni ganɨri. Mbe maaŋ muuŋgirga, nzan pana gumgi, mbe muuŋgi tɨva thueŋ ga suaŋv, buna mbatɨga thuen nza suanga fhu.

1 Timoti 6:3

Nza Bakɨme Zisas Krais bunin vhuuiŋ, nta tuituigiap Fhe Bakɨmen tɨvir vhuuin nza khɨvav, nza nzuai. Maaŋ muuŋgip, guma the mba buni vhuuiŋ thav, ana harigi khesharigi bunin gumgi khɨvi, mba buni Zisas bunin vhuuiŋ fara muuŋgi fhu, nza kaŋgi, mba guma, ana won tɨvira vuzvugiap, ana fhura rɨɨrɨɨi. Ana bigɨn thueŋ kaŋgi fhu. Zakɨra fhuvara! Ana bigi kaadogap, hurar bigi ga mbuav, kambai ndɨkndɨgi ga mbuav bigi bisarire ga nzuav, fhura daai. Kha khesharigi buni, nta gumgi ga mbuim, mbe harigi gumgi ga nzuav ndavi shi. Mbe ndavi shiav, wari daav, wari nzɨɨav, ndɨkndɨgi mbatɨgir harigi gumgi ga mbui.

Taitus 3:14

Nza phorgap guigira Zisas khothɨgi gumgi gu mbigi, mbe bigi sosuagi ntɨɨri, mbe mben kurkurarga ŋaar, mbe tuituigip ana kaŋgiri. Mbe muuŋv kɨv, maaŋ guigira Zisas khothɨgi gumgi gu mbigi, mbe fhura kɨv, mbe Fhe Bakɨme tɨvi zɨn ŋgɨgɨrga fhu.

1 Pita 2:12

Nde kɨr Fhe Bakɨme segi gumgi, nde mben rɨgar nzerara ruri. Mbe maaŋ muuŋgip, buni mbatɨgir nde suanga, mbe zumgum nde mbui tɨvir vhuuiŋ ganɨv, mbe Fhe Bakɨme za kha nuianan ki gumgi gu mbigi muuŋgi tɨvi mbatɨgi ga suaŋv mbe suanga tugar, mbe Fhe Bakɨme zɨ ndiv vun kuamkuarga.

1 Pita 2:15

Fhe Bakɨme khuen nde vuzvugi, nde tɨvir vhuuiŋra muuŋri. Nde tɨvir vhuuin muuŋv, mba pham buni nzuav ndɨkndɨgi vhuuiŋ ki fhuv gumgi, mbe buni mbatɨgir nde nzuai, nde mbe thɨri pɨngirga.

1 Pita 3:16

Nde zazera bunin vhuuiŋra mben buni ŋgarkav, mbarara mbe suaŋri. Nde vhɨra Fhe Bakɨme rɨmani nɨman, nde nzerara wari kɨri. Mbe maaŋ muuŋgip buni mbatɨgir nde suaŋv nde sɨɨnga. Nde Krais tɨvar vhuuŋ zɨn vuim, nde nzɨɨi gumgi, mbe wari wo suaŋgi buni mbatɨgi, mbe ntan mbergirga.