Khe Por Romiŋ Ndi Khergi Gap 6:9 - Fhe Bakɨmen Kaman Kameŋ

⁹ Nza kaŋgi, Krais rimgim, Fhe Bakɨme taagia ana khavgi. Maaŋ muuŋgiap, ana taagip rimgirga tuktɨgi fhuvara. Vhɨzi tɨv, ana wom ana mbevarga ŋkasŋka ki fhuvara.

Khe Por Romiŋ Ndi Khergi Gap 6:9 Iomraidhean Croise

Khe Por Romiŋ Ndi Khergi Gap 5:14

Mba Adam hɨgi tugen, kegap zav Moses hɨgi tuge thɨgi, mba tugen vhɨzi tɨv za kha nuianan ki gumgi gu mbigi mbevigi. Gumgi gu mbigi mbari, mbe Adam muuŋgi tɨva mbatɨgeŋ muuŋgi fhuvara, vhɨzi tɨv vhɨra mbe mbevigi. Adam ana mba zumgum hɨrga guman panpan ma.

Khe Por Romiŋ Ndi Khergi Gap 6:10

Ana vhɨza bueŋra muuŋgi. Ana maaŋ muuŋgiap, ana mba tɨvi mbatɨgi ga mbui ŋkasŋka, ana za anan farfagi. Ana ntigem zazera mbara muuŋgiap ki bɨɨŋbɨɨn ŋkasŋka ndigap, ana Fhe Bakɨme zɨ ndiv vun kuamkuar zav ki.

Khe Por Romiŋ Ndi Khergi Gap 6:14

Tɨvi mbatɨgi wom nde ganɨ thari. Ne khaŋ muuŋgi, nde ntigem Moses suaŋgi tɨvi, nde nta piin ki fhuvara. Nde Fhe Bakɨme fhura nde kora muuŋgi kora muumbara piin ki.

Khe Por Romiŋ Ndi Khergi Gap 6:4

Nza Zisas Kraisan zɨn panan ruagi, ne khaŋ muuŋgi. Nza Krais phorgap rimgim, Fhe Bakɨme nza ndiav ana phorga mboga tɨgi fara muuŋgi. Ana won ŋkasŋka bakɨme, ana wom Krais khavgi. Ana maaŋ muuŋgim, nza vhɨra, nza tɨvar kama ndigi, nza mba tɨva zɨn ŋgɨrga.

Hibru 7:16

Mbe Rivaiiŋ, mbera Fhe Bakɨme rotu gari gumgi ki, ne khaŋ muuŋgi. Fhe Bakɨme Moses ga nɨɨŋgi tɨvi khaŋ nzuai, mbe Rivaiiŋra, mbe nduara Fhe Bakɨme rotu gari gumgi kɨrga. Zisas, ana Rivaiiŋ guma fhuvara. Ana zazera mbara muuŋgiap ki bɨɨŋbɨɨn ŋkasŋkar panan, ana Fhe Bakɨmen rotu gari.

Hibru 7:25

Maaŋ muuŋgiap, ana won zɨn panan, ana ntige gum zumgum, ana zazera kha gumgi gu mbigi taagia mbe ndiav Fhe Bakɨme han zɨrga tuktɨgi. Ne khaŋ muuŋgi, ana zazera mbara muuŋgiap kav, ana mben kurkurar zav, mbe nzuav, Fhe Bakɨme phorga nzuai.

Vhagi Buni 1:18

Gu vhɨra Zazera Mbara Muuŋgiap Ki Guma ma. Gu fhum rimgi. Ndu ntige na ganɨ, gu ntigem zazera mbara muuŋgip kɨrga. Ndu ganɨ, gu Vhɨzi Tɨvar kii suirap, gu vhɨra mba Vhɨzgi Gumgi Ki Ŋgun kii suirigi.