Khe Por Romiŋ Ndi Khergi Gap 6:3 - Fhe Bakɨmen Kaman Kameŋ

³ Nza Zisas Kraisan zɨn panan ruagiap, nza ana phorgi. Nza mba tɨva muuŋgi, nza vhɨra za ana phorga rimgi. Ee, nde ne kaŋgi fhuve?

Khe Por Romiŋ Ndi Khergi Gap 6:3 Iomraidhean Croise

Matiu 28:19

Maaŋ muuŋgiap, nde ŋgɨp za kha nuianan ki gumgi ga suaŋrim, mbe na khothɨgɨp na zɨn vui gumgi kɨri. Mbe na khothivɨrim, nde Ndia gum, anan Kam, ana Ŋina Ŋaar, nde mben zɨn ŋkasŋkar panan mbe ruari.

Farasegi Gumgi 19:5

Mbe Por buni mbararagiap, mbe Zisas zɨn panan ruagi.

Farasegi Gumgi 2:38

Mbe maaŋ nzuaim, Pita khaŋ mbe nzuai, “Nde za bevbevira ndavi domdorgip, Zisas Krais zɨn panan ruagirim, Fhe Bakɨme nde fhum muuŋgi tɨvi mbatɨgi, ana nta vhɨzgip, nta ndɨkndɨk ŋangirga. Nde maaŋ muuŋgirga, Fhe Bakɨme won Ŋina Ŋaarar nden nɨɨŋgirga.

Farasegi Gumgi 8:16

Mbe Guma Bakɨme Zisas zɨn panan ruagi. Mbe Fhe Bakɨmen Ŋina Ŋaara ndigi fhuvara.

Khe Por Romiŋ Ndi Khergi Gap 6:16

Ee, nde khueŋ kaŋgi fhuve? Nde warir guma mbe nɨɨŋgiap ana nzuai buni zɨn vui, nde fhura anan ŋaara gumgir khɨni ki. Mba tɨvara, nde tɨvi mbatɨgi ga mbuav fhura ntan ŋaara gumgir khɨni ki. Mba tɨv nde mbuim, nde fhura vhɨzi gumgi ma. O, nde Fhe Bakɨme nzuai buni zɨn vui, mba tɨv nde mbuim, nde tɨvir vhuuiaŋ mbui gumgi gu mbigi ma.

Khe Por Romiŋ Ndi Khergi Gap 6:8

Ahaŋ, nza Krais phorgap rimgi, nza maaŋ muuŋgiap, nza guigira ana khothɨgi, nza vhɨra ana phorgɨp zazera mbara muuŋgip kɨrga.

Khe Por Romiŋ Ndi Khergi Gap 7:1

Nde nan phorgap guigira Zisas khothɨgi gumgi gu mbigi, nde tuituigiap Moses suaŋgi tɨvi kaŋgi. Gu maaŋ muuŋgiap kha kamen nde nzuai. Nde khueŋ kaŋgi thi? Guma, ana ŋam kav, ana Moses suaŋgi tɨvi, ana nta piin ki. Ana rimgiap, ana wom Moses suaŋgi tɨvi piin ki fhu.

1 Korin 10:2

Mbe maaŋ muuŋgiap, mba buiva hurige zam mbe ruagim, mbe mba shɨra vegi mbasɨk mbɨ vhɨra mbe ruagim, mbe maaŋ muuŋgiap, Moses piin ki gumgi gu mbigi ki.

1 Korin 12:13

Ne khaŋ muuŋgi, Fhe Bakɨmen Ŋina Ŋaara bavira, ana za nza ruagim, nza za wari tɨgap Krais phorgap, nza guma bavira ki. Nza Zudaiŋ, nza Grikiŋ, nza ŋaara gumgi khɨni, nza bɨkbɨɨgiap ki gumgi, nza za Ŋina Ŋaara bavira ndigim, ana nzan ki.

1 Korin 15:29

Maaŋ muuŋgip, mba vhɨzgi gumgi gu mbigi, mbe taagi khavgirga tuktɨgi fhu, nde thagɨna nɨɨeŋ nzuav gumgi mbari vhɨzgi, gumgi gu mbigir kurkurar zav mbe nzuav Fhe Bakɨme zɨn panan ruai? Mbe taagi khavɨrga fhuv, mbe thaaŋ nzuav fhura shɨshɨgap mben kurkurar zav Fhe Bakɨme zɨn panan ruai?

1 Korin 3:16

Nde Fhe Bakɨme phen ma. Fhe Bakɨme Ŋina Ŋaar nden vhen ki. Nde ne kaŋgi fhuve?

1 Korin 5:6

Nde wari wo zɨri ndiv vun kuamkuagi, ne tɨvar vhuuŋ fhuvara. Ee, ram muuŋgi? Nde khueŋ kaŋgi fhuve? Mba is bisanera, nera za mba viktuman muuŋgirga, ana vhuuŋgip kɨvgirga.

1 Korin 6:19

Ee, nde khueŋ kaŋgi fhuv thi? Ndun fhav, ana Fhe Bakɨmen Ŋina Ŋaarar phen ma. Fhe Bakɨme won Ŋina Ŋaarar nde nɨɨŋgim, ana nden vhen ki. Ndun fhav, ana ndu ne fhuvara.

1 Korin 6:9

Mba tɨvi mbatɨgi ga mbui gumgi, mbe Fhe Bakɨme wo gumgi garim, mbe ana piin ki ntɨɨri phorgɨ kegɨrga tuktɨgi fhuvara. Nde ne kaŋgi fhuve? Nde nduarira wari won ndavi vheri guiguigi thari. Kha tɨva mbui gumgi, ruarir mbigi gu gumgi wari ndi gumgi, mbarɨvi gu tori rotu mbui gumgi, mani ga rɨgi mbigi phorga tɨvi mbatɨgi ga mbui gumgi, mbarkɨrga mberi tɨvi mbatɨgi gumgi ntan harigi gumgi phorga mbui, kɨɨi gumgi, harigi gumgi bigi garav nta niihi gumgi, zazera phara ŋanŋani pi gumgi, harigi gumgi zɨri mbevi gumgi, harigi gumgi bigi ŋgi gumgi, mba khesharigi gumgi zam, mbe Fhe Bakɨme wo gumgi garim, mbe ana piin ki ntɨɨri phorgɨ kegɨrga tuktɨgi fhuvara.

1 Korin 9:13

Fhe Bakɨme rotu gari gumgi, mbe Fhe Bakɨme Phena vhen mba mbari ndia zav, nta pi. Mba artara ofari ga mbui gumgi, mbe artarar ofa mbui, mba mbari ndia zav nta pi. Nde ne kaŋgi fhuve?

1 Korin 9:24

Guma harigi gumgi kambarav bigin the ndir zav, ana khuafui. Gumgi, mbe za khuafui. Mbe za khuafuav, guma bavira ana mba bigɨna ndi. Ee, nde ne kaŋgi fhuve? Nde vhɨra khuafuv, mba khuafɨ kambarav, nde mba bigɨna ndigirga.

2 Korin 13:5

Nde wari wo mbui tɨvira ganɨv, wari wo ndɨkndɨgira ganɨv, warira ndɨkndɨgɨri, nde guigira Zisas khothɨgi ndɨkndɨk havhargi o, fhu? Nde tuituigip wari wo mbui tɨvira ganɨri. Ee, nde kaŋgi fhuv thi? Zisas Krais nden ndavi vherir ki o, fhu? Ana nde phorga ki fhu, nde guigira ana khothɨgi fhu.

Garesia 3:27

Nde guigira Zisas Krais khothɨgap ana zɨn panan ruagi gumgi gu mbigi, nde Krais ndigap, nde Krais mbui tɨvi zɨn vov, nde Kraisra fara muuŋgiap ki.

Zems 4:4

Nde Fhe Bakɨme thav, nde mbik wo mana thav, vov fhura ferferap ruarir harigi gumgi ndi tɨva fara muuŋgi. Guma ana kha nuianan tɨvi vuzvugi, ana panan Fhe Bakɨme kegi. Nde ne kaŋgi fhuve? Maaŋ muuŋgi guma, ana kha nuiana tɨvi khurkhuma muuŋgi, ana Fhe Bakɨmen panan guma ki.

1 Pita 3:21

Mba mbɨ, ana nza ndavi dorgap Fhe Bakɨme zɨn panan ruai, nen panpana rugi. Ne khaŋ muuŋgi, nza Fhe Bakɨme mbɨn panan, ana taagia nza ndigi. Nza ana zɨn panan ruagi ruarɨ, mba ruarɨ, ana nzan fhava nzaŋnzaŋ ruai ruarɨ fhuvara. Zakɨra fhuvara! Mba ruarɨ, nza Fhe Bakɨme phorgap khaŋ nzuai ruarɨ ma. Nza ana rɨmani nɨman ŋgaravra kɨrga. Nza ana zɨn panan ruagi ruarɨ, Fhe Bakɨme taagia nza ndir zav, ne nzuav Zisas Krais rimgim, ana taagia ana khavgi.