Khe Por Romiŋ Ndi Khergi Gap 4:6 - Fhe Bakɨmen Kaman Kameŋ

⁶ Devit vhɨra mba khesharigi kameŋ nzuav khaŋ suaŋgi. Guma Fhe Bakɨme ana tɨvir vhuuiaŋ mbui guma anan kaai, mba guma ndikndigɨri. Fhe Bakɨme mba guma muuŋgi ŋaari ga nzuav, tɨvir vhuuiaŋ mbui guman ana kaai fhuvara.

Khe Por Romiŋ Ndi Khergi Gap 4:6 Iomraidhean Croise

Matiu 25:19

“Mbe maaŋ muuŋgiap kim, tuga mpeeŋra vhɨzgim, mben guma bakɨme taagia zɨgi. Ana zɨgap, ana mba mbe nɨɨŋgi ŋkɨɨa suaŋv mbe phorgɨ suaŋ za mbui.

Khe Por Romiŋ Ndi Khergi Gap 1:17

Mba Fhe Bakɨme buna vhuueŋra Fhe Bakɨme won tɨvar vhuun nza mbuav, tɨvir vhuuiaŋ mbui gumgi gu mbigir nzan kaai tuav kɨrar hɨgi. Nza Fhe Bakɨme khothɨgɨrga, ana kha zɨn nzan kamɨnga, nza tɨvir vhuuiaŋ mbui gumgi gu mbigi ma. Ne khaŋ muuŋgi, nza guigira Zisas khothɨgim, Fhe Bakɨme tɨvir vhuuiaŋ mbui gumgi gu mbigir nzan kaai. Ne nza ana khothɨgi tuavra kega vov, mba tuavra vhɨzgi. Fhe Bakɨme buni vhuuiŋ ki gap nera nzuai, “Guigira Zisas khothɨgi gumgi gu mbigi, Fhe Bakɨme kha zɨn mben kaai, mbe tɨvir vhuuiaŋ mbui gumgi gu mbigi ma. Mbe nzerara kɨrga.”

Khe Por Romiŋ Ndi Khergi Gap 3:27

Maaŋ muuŋgiap, the nduara wo zɨ ndi vun kuamkuav khaŋ suangeŋ tuktɨgi, “Gu Fhe Bakɨme nɨman tɨvir vhuuiaŋ mbui guma ma”? Maaŋ suanga guma the ki fhu. Mba tɨv za vhɨzgi. Fhe Bakɨme Moses ga nɨɨŋgi tɨvi zɨn vui tuav, mba tɨva vhɨzgi fhuvara. Nza guigira Zisas khothɨgi tɨvara, mba tɨvara nza wari wo zɨri ndiv vun kuamkuagi tɨva vhɨzgi.

Khe Por Romiŋ Ndi Khergi Gap 4:11

Ana ntigar won foonga, ana fhura kav, ana Fhe Bakɨme khothɨgim, Fhe Bakɨme tɨvir vhuuiaŋ mbui guman anan kamgi. Ana Fhe Bakɨme khothɨgim, Fhe Bakɨme ana nzuaim, ana won fooŋgi. Mba tɨv, ana Fhe Bakɨme khothɨgim, Fhe Bakɨme tɨvir vhuuiaŋ mbui guman anan kamgi. Ana ne nzuav Fhe Bakɨme nɨman ne muuŋgi. Maaŋ muuŋgiap, Abraham, ana won fooŋgi fhuv gumgi, mbe Fhe Bakɨme khothɨgi, ana mben ndia fara muuŋgi. Fhe Bakɨme maaŋ muuŋgip, ana tɨvir vhuuiaŋ mbui gumgir mben kamɨnga.

Khe Por Romiŋ Ndi Khergi Gap 4:24

Ana vhɨra nza nzuav khergi kameŋ ma. Nza vhɨra Fhe Bakɨme khothɨgi. Nza vhɨra Fhe Bakɨme nzan Bakɨme Zisas khavgim, nza ne khothɨgi. Ana nza ana khothɨgi ne suaŋv, nza Fhe Bakɨme nɨman, ana fhura tɨvir vhuuiaŋ mbui gumgi gu mbigir nzan kamɨnga.

Khe Por Romiŋ Ndi Khergi Gap 4:5

Ana khueŋ kaŋgiri, Fhe Bakɨme ana muuŋgi tɨvir vhuuiŋ thari gangiap, tɨvir vhuuiaŋ mbui guman anan kamgi fhuvara. Fhe Bakɨme, ana tɨvi mbatɨgi ga mbui gumgi gu mbigi, mbe guigira Fhe Bakɨme khothɨgɨrga, ana tɨvir vhuuiaŋ mbui gumgi gu mbigir mben kamgirga tuktɨgi. Maaŋ muuŋgip, guma the guigira Fhe Bakɨme khothɨgɨrga, Fhe Bakɨme, ana ana khothɨgi ne suaŋv, ana tɨvir vhuuiaŋ mbui guman anan kamɨnga. Ana kaŋgi, nza Fhe Bakɨme tɨvir vhuuiaŋ mbui gumgi gu mbigir nzan kamɨn saŋv, nza muunga ŋaara the ki fhu.

Khe Por Romiŋ Ndi Khergi Gap 4:7

Devit khaŋ suaŋgi, “Fhe Bakɨme maaŋ muuŋgip, guma the muuŋgi tɨvi mbatɨgi, ana nta vhɨzgip, nta ndɨkndɨk ŋangirim, mba guma ndikndigɨri.

Khe Por Romiŋ Ndi Khergi Gap 4:9

Ee, mba warir fooŋgi gumgi, mbe nduarira ndikndigɨrie? Ee, mba warir fooŋgi fhuv gumgi, mbe vhɨra ndikndigɨrie? Nza thukhɨngip, khueŋ ndɨkndɨgɨri. Nza khaŋ nzuai, Fhe Bakɨme Abraham ana khothɨgi ne nzuav, ana tɨvir vhuuiaŋ mbui guman anan kamgi.

1 Korin 1:30

Fhe Bakɨme nduara nde ndigap Krais Zisas phorgi. Ana Krais ndi tɨgi, ana nzan ndɨkndɨgi vhuuin nɨɨŋge ma. Fhe Bakɨme Kraisan panan, ana nza muuŋgim, nza tɨvir vhuuiaŋ mbui gumgi gu mbigi kav, nza ana vuzvugi tɨvi zɨn vui. Nza Krais muuŋgi ŋaara panan Fhe Bakɨme taagiap nza vhezgiap, nza ndigim, tɨvi mbatɨgi wom nza gari fhu.

2 Korin 5:21

Krais, ana guigira tɨva mbatɨk thueŋ muuŋgi fhuvara. Zakɨra fhuvara! Fhe Bakɨme nzan kurkurar zav, ana nza muuŋgi tɨvi mbatɨgi, ana za nta ndiav, ana kɨrar mbarigim, Krais ana guigira tɨvi mbatɨgi ga mbui guman fara muuŋgi. Fhe Bakɨme maaŋ muuŋgirim, nza Krais phorgɨp kɨv, nza ana ŋkasŋkar panan, nza Fhe Bakɨmen tɨvir vhuuiaŋ mbui gumgi gu mbigir kɨrga.

Garesia 3:14

Fhe Bakɨme ŋgɨrkaman vhuun Abrahama muuŋgiap, khaŋ nzuai, ana tɨvar vhuun za kha harigi fhaiŋ ki gumgi gu mbigir muunga. Ana mba Zisas Krais muuŋgi ŋaara panan, ana taagia nza ndigap, ana ŋgɨrkama vhuun za kha harigi fhain ki gumgi gu mbigi ga muuŋgi. Ana maaŋ muuŋgim, nza guigira Fhe Bakɨme khothivɨv, nza anan Ŋina Ŋaara ndigirga. Fhe Bakɨme fhum mba kameŋ suaŋgim, ne ki.

Garesia 4:15

Nde mba tugar, nde guigira nan ndikndigap tɨvar vhuuŋra na muuŋgi. Mba tɨv ntige maaŋ ki? Gu guigira khar nzuai, nde mba tugar, nde guigira nan kurkurar zav vuzvuk bakɨme kegi. Nde maaŋ muuŋgip wari wo rɨmgi siav, na ndɨɨ kake, nde nta sigap, na nɨɨŋge.

Efesus 1:3

Nza Fhe Bakɨme zɨ ndiv vun kuamkuarga, ana Fhe Bakɨme ma! Ana vhɨra nza Bakɨme Zisas Kraisan Ndia ma. Nza guigira Krais phorga havhargim, ana Kraisan panan, ana nzan ntuun kurkurar zav, ana za Hevenan ki bigir vhuuiŋra nza ndɨɨi.

2 Timoti 1:9

Fhe Bakɨme taagia nza ndigap, nzan kamgim, nza anan gumgi gu mbigi kɨrga. Ana nza mbui tɨvir vhuuiaŋ ndɨrɨgap, nzan kamgi fhuvara. Zakɨra fhuvara! Ana fhum guarara, Fhe Bakɨme zumgum kha nuian gu bigi ga muuŋgi, ana fhum guarara ana wo vuzvugɨra, ana nza kora muuŋgiap, nzan kamgi. Ana Krais Zisasan farve panan, ana nza kora muuŋgim, nza anan gumgi gu mbigi ki.

Zems 2:18

Maaŋ muuŋgip guma the khaŋ suanga, “Ndu Zisas khothɨgi, gu tɨvir vhuuiaŋ mbui. Gu ram muuŋgip, ndu guigira Zisas khothɨgi tɨva kaŋgirie? Gu, gu tɨvar vhuun muunga, nan tɨvar vhuuŋ, ana gu guigira Zisas khothɨgi tɨvar ndu khɨvarga.”

2 Pita 1:1

Gu Saimon Pita, gu Zisas Krais farasarigi 12 thɨgi ŋaara guma mbe ma. Gu vhɨra ana ŋaara guma ma. Ana nza Fhe Bakɨme ma. Ana taagi nza ndi guma ma. Gu kha gava khergiap, nde guigira Zisas khothɨgap, ndɨkndɨga vhuuŋ ndigi gumgi gu mbigi, gu anan nde ndi mbai. Nde Zisas Kraisan tɨvar vhuuŋ, nde guigira ana khothɨgi tɨv, ana guigira nza ana khothɨgi tɨvara fara muuŋgi.