Khe Por Romiŋ Ndi Khergi Gap 3:9 - Fhe Bakɨmen Kaman Kameŋ

⁹ Maaŋgi, nza ram suaŋrie? Nza Zudaiŋ, nza mba harigi fhaiŋ ŋgui gumgi kambarigire? Zakɨra fhuvara! Nza suaŋgi, tɨva mbatɨk, za nza Zudaiŋ gu harigi fhaiŋ ki gumgi, ana za nza vharigi.

Khe Por Romiŋ Ndi Khergi Gap 3:9 Iomraidhean Croise

Ruk Khergi Kaman Vhuuŋ 7:39

Mba mbik maaŋ mbuim, mba Zisasan kamgim, ana zav ana phenan zɨgi Fherasi guma, ana mba mbik mbui tɨva gangiap kha ndɨkndɨga mbui, “Ai, kha guma, ana guigira Fhe Bakɨme kamthooŋ guma guar kake, ana khar anan suigi mbik, ana ana kaŋge. Ana vhɨra ana mbui tɨvi mbatɨgi, ana vhɨra nta kaŋge. Kha mbik, ana guigira tɨvi mbatɨgi ga mbui mbik ma.”

Khe Por Romiŋ Ndi Khergi Gap 1:18

Nza kaŋgi, Fhe Bakɨme Hevenan kav, ana guigira won ndav shirɨ ndiv kɨra khɨngi. Ana mba kɨr ana segap tɨvi mbatɨgi ga mbui gumgi, ana mbe mbui tɨvi mbatɨgi, ana guigira vhega mbatɨgar ntan muuŋgirga. Mbe mba tɨvi mbatɨgi ga mbuav, mbe Fhe Bakɨme bun nzuai buni guari, mbe nta mbevigi.

Khe Por Romiŋ Ndi Khergi Gap 11:32

Fhe Bakɨme ana fhura kha nuianan ki gumgi garim, mbe za ana buni daasuim, mba tɨv mbe kegim, mbe ana bɨnan ki. Ne khaŋ muuŋgi, ana won kora muumbarar za kha nuianan ki gumgi khɨvɨr zav, ana maaŋ mbui.

Khe Por Romiŋ Ndi Khergi Gap 11:7

Maaŋ muuŋgiap, nza ram suaŋrie? Mbe Isreriŋ, Fhe Bakɨme nɨman ana tɨvir vhuuiaŋ mbui gumgir mben kamɨn zav, mbe ne nzuav ŋaara mbatɨga muuŋgi. Ana tɨvir vhuuiaŋ mbui gumgir mben kamgi fhuvara. Fhe Bakɨme mben gumgi gu mbigi mbarira farasegap tɨvir vhuuiaŋ mbui gumgi mben kamgi. Fhe Bakɨme mba harigi ntɨɨri ga muuŋgim, mbe ndavi havhargi.

Khe Por Romiŋ Ndi Khergi Gap 2:1

Maaŋ muuŋgiap, nde gumgi zam, nde fhura bunin harigi gumgi ga sav mbe nzuai. Gu za nde fhɨgira phɨrav nde nzuai, nde the khaŋ suaŋ thari, “Gu tɨva mbatɨga thueŋ muuŋgi fhuvara.” Nde mbarara. Nde maaŋ mbuav, bunin harigi gumgi ga sav, nde vhɨra mba bunin warira si. Ne khaŋ muuŋgi, nde vhɨra mba khesharigi tɨvara mbui ntɨɨri ma.

Khe Por Romiŋ Ndi Khergi Gap 3:1

Maaŋ muuŋgip, mba fooi tɨv, ana fhura fhava ndera mbui bigeŋ ma. Maaŋ muuŋgirga, mba Zudaiŋ mbe ram muuŋgip harigi fhaiŋ ŋgui gumgi kambararie? Mbe warir fooi, thagɨna bigɨna vhuuŋ mbe warir fooi ne suaŋv mben hɨgɨrie?

Khe Por Romiŋ Ndi Khergi Gap 3:19

Nza khueŋ kaŋgi, Fhe Bakɨme Moses ga nɨɨŋgi tɨvi, nta suaŋgi tɨvi piin ki ntɨɨri, nta mben tɨvi ma. Fhe Bakɨme Moses ga nɨɨŋgi tɨvi khueŋ nzuai ne khaŋ muuŋgi. Nza kha gumgi, nza zam, nzan guma the Fhe Bakɨme ŋgarkarga tuktɨgi fhuvara. Nza kha nuianan ki gumgi, nza zam Fhe Bakɨme nɨma thivgirim, ana nza suaŋv suaŋgirga.

Khe Por Romiŋ Ndi Khergi Gap 3:5

Maaŋgi, nza ram muuŋrie? Nza mbui tɨvi mbatɨgi, Fhe Bakɨmen tɨvir vhuuin muuŋgirim, nta kɨrar hɨgɨrim, nza ram suaŋrie? Maaŋ muuŋgip, Fhe Bakɨme nza muuŋgi tɨvi mbatɨgi ŋgarkarav vheza mbatɨgar nzan nɨɨnga, ana nen nza mbui ne nzerigi fhuve? Zakɨra fhuvara! Mba ndɨkndɨk, ana nza gumgi nduarira ndɨkndɨgi ndɨkndɨk ma. Fhe Bakɨme maaŋ muuŋgip zazera tɨvir vhuuiŋra zɨn ŋgɨrga fhu, ana ram muuŋgip kha gumgi gu mbigi muuŋgi tɨvi mbatɨgi ga suaŋ mbe suaŋgirie?

Khe Por Romiŋ Ndi Khergi Gap 6:15

Nza wom Moses suaŋgi tɨvi, nza nta piin ki fhuvara. Maaŋ muuŋgip, nza ntigem ram muuŋrie? Nza ntigem Fhe Bakɨme fhura nza kora mbui kora muumbarar piin ki. Maaŋ muuŋgip, nza tɨvi mbatɨgir muunga ne nzerarame? Zakɨra fhuvara!

Khe Por Romiŋ Ndi Khergi Gap 7:14

Nza kaŋgi, Fhe Bakɨme nzuai tɨvi, nta Fhe Bakɨmen tɨvi ma, nta anan han kega zergi. Gu ndava vura khɨga kav, gu Fhe Bakɨme vuzvugi zɨn vui fhu. Ne khaŋ muuŋgi, tɨvi mbatɨgi na garim, gu fhura ntan ŋaara guman khɨn ki.

1 Korin 10:19

Nde khuen na ndɨkndɨgi thi, gu khaŋ nzuai. Mba kɨr Fhe Bakɨme segap mbarɨvi gu tori rotu mbuav mbe nzuav ofa mbui mba, nta bigi guari thi? Zakɨra fhuvara! Gu vhɨra khaŋ nzuai fhu, mba gumgi mbarɨvi gu tori rotu mbui bigi, nta guigira bigi guari ma. Zakɨra Fhuvara!

1 Korin 14:15

Maaŋ muuŋgiap, gu ram muuŋrie? Gu khaŋ muunga. Nan vhen ki guma, ana Fhe Bakɨme phorgɨp suanga, gu vhɨra wo ndɨkndɨga Fhe Bakɨme phorgɨp suanga. Nan vhen ki guma, ana Fhe Bakɨme ŋgavar muunga, gu vhɨra wo ndɨkndɨga Fhe Bakɨme ŋgavar muunga.

1 Korin 4:7

Nde, the nde ndi fegim, nde zɨri ki gumgi ki? Nde mba ntigem ndiga ki bigi Fhe Bakɨme nde nɨɨŋgi bigi ma. Maaŋ muuŋgip, ne guigi guarara, nde Fhe Bakɨmen harani panan mba bigi ndigi. Nde thaŋ nzuav wari won ŋkasŋkara mba bigi ndigi fara muuŋgiap, nde wari wo zɨri ndiv vun kuamkuagi?

Garesia 3:10

Mba khueŋ ndɨkndɨgi gumgi gu mbigi, mbe Moses suaŋgi tɨvi zɨn vui, mbe Fhe Bakɨme nɨman tɨvir vhuuiaŋ mbui gumgi gu mbigi ma. Mba ndɨkndɨga mbui gumgi gu mbigi, Fhe Bakɨme khaŋ mbe suaŋgi, “Gu mben farfagirga.” Ne khaŋ muuŋgi, Fhe Bakɨme buni vhuuiŋ ki gap khaŋ nzuai, “Guma za Moses suaŋgi tɨvi ki gavar ki tɨvi, ana za nta zɨn vui fhu, Fhe Bakɨme khaŋ suaŋgi, ‘Gu anan farfagirga.’ ”

Garesia 3:22

Fhe Bakɨme buni vhuuiŋ ki gap khaŋ nzuai, “Tɨvi mbatɨgi za kha nuianan ki gumgi gu mbigi kegi.” Fhe Bakɨme fhura mba tɨva garim, mba tɨv hɨgi. Nza maaŋ muuŋgip guigira Zisas Krais khothɨgi gumgi gu mbigi, nza ana khothɨgi ne suaŋv Fhe Bakɨme mba nɨɨn za suaŋgi bigɨn, ana anan nzan nɨɨnga.

Firipai 1:18

Ne nzerara. Mbe ndɨkndɨgi vhuuiŋ ki o, mbe ndɨkndɨgi mbatɨgi, mba gumgi, mbe za Kraisan buna vhuueŋ bun nzuai. Mbe maaŋ mbuim, na ndava vhee guigira ndikndigi.