Khe Por Romiŋ Ndi Khergi Gap 3:2 - Fhe Bakɨmen Kaman Kameŋ

² Nza Zudaiŋ kɨr za mbui ne nɨɨeŋ khaŋ muuŋgi. Fhe Bakɨme Zudain kurkurarga bigir vhuuiŋ vhɨrvera ki. Ana fharav, nduara won buni vhuuin Zudaiŋ ga nɨɨŋgi, mbe nta ganɨnga.

Khe Por Romiŋ Ndi Khergi Gap 3:2 Iomraidhean Croise

Zon Khergi Kaman Vhuuŋ 5:39

“Nde kha ndɨkndɨga mbui, Fhe Bakɨme buni vhuuiŋ ki gavar ki buni, nta zazera mbara muuŋgiap ki bɨɨŋbɨɨn nde ndɨɨi. Maaŋ muuŋgiap, nde zazera Fhe Bakɨmen buni vhuuiŋ ki gap, nde tuituigiap ana gari. Fhe Bakɨme buni vhuuiŋ ki gavara na bun nzuai.

Farasegi Gumgi 7:38

Mba Mosesra nzan nzɨgir kov vov mba gumgi ki fhuv ŋanen vugap, mbe phorga kegi. Ana mben kov vov maaŋ kav, ana vov Sainai mbɨkshɨman ndagim, Fhe Bakɨme enseri Fhe Bakɨme bunin vhuuin ana suaŋgi. Mba Fhe Bakɨmen enser, ana zazera mbara muuŋgip kɨrga buni vhuuin ana suaŋgim, ana mba bunin nza suaŋgi.

Khe Por Romiŋ Ndi Khergi Gap 1:2

Fhum Fhe Bakɨme kha buna vhuueŋ suaŋgi, ana kamthooŋ gumgi ana buneŋ khergim, mba buneŋ ana gavar ŋaarar ki.

Khe Por Romiŋ Ndi Khergi Gap 2:18

Nde Fhe Bakɨme vuzvuk kaŋgi. Nde vhɨra Fhe Bakɨmen tɨvi, mbe ntan nde khɨvigi. Nde maaŋ muuŋgiap tɨvir vhuuiŋ kaŋgiap, nde nta garav, nta heei.

Khe Por Romiŋ Ndi Khergi Gap 3:1

Maaŋ muuŋgip, mba fooi tɨv, ana fhura fhava ndera mbui bigeŋ ma. Maaŋ muuŋgirga, mba Zudaiŋ mbe ram muuŋgip harigi fhaiŋ ŋgui gumgi kambararie? Mbe warir fooi, thagɨna bigɨna vhuuŋ mbe warir fooi ne suaŋv mben hɨgɨrie?

Khe Por Romiŋ Ndi Khergi Gap 3:3

Mbe guigira, mbe mbari, mbe Fhe Bakɨme khothɨgap, mbe ana buni vhuuiŋ zɨn vui fhuvara. Maaŋ muuŋgip, ram muuŋgirie? Mbe ana khothɨgap, ana buni vhuuiŋ zɨn vui fhu, mba tɨv Fhe Bakɨme muuŋgirim, ana mba suaŋgi kameŋ, ana ne zɨn ŋgɨgɨrga fhuve?

Khe Por Romiŋ Ndi Khergi Gap 9:4

Mbe Isreriŋ, Fhe Bakɨme mben won kaman fagim, mbe anan tari ma. Mbe vhɨra Fhe Bakɨme phorgap ana zɨ bakɨme vhen kav, vhɨra ana ŋkasŋka gangi. Fhe Bakɨme mbe phorga suaŋgiap ana won tɨvir mbe nɨɨŋgi. Ana vhɨra won rotur muunga tɨvar mbe khɨvigi. Ana vhɨra wo muunga bigi, ana ntan mbe phorga suaŋgi kameŋ, ana za ntan mbe suaŋgi.

1 Korin 9:17

Gu maaŋ muuŋgip wo vuzvugara mba ŋaarar muunga, gu ne suaŋv vheza ndirga. Fhuvara. Khe Fhe Bakɨme nan kamgiap, na nɨɨŋgi ŋaar ma, gu mba ŋaarar muunga.

2 Korin 5:19

Nza nzuai buni khare. Fhe Bakɨme, ana Krais phorga kav, mba gumgi ga mbuim, mbe panan ana kɨ thav, ana phorgap ndava bavira ki. Ana mbe muuŋgi tɨvi mbatɨgi, ana wom nta ndɨkndɨgɨrga fhu. Ana mba ŋaarar muuŋv won pana gumgi phorgɨ suanga buni, ana ntan nza suaŋgi. Nza mba bunin mbe suanga, mbe ana phorgɨp ndava bavira kɨrga.

Garesia 2:7

Zakɨra fhuvara! Mbe na garim, gu Fhe Bakɨme kha ŋaarar na nɨɨŋgim, gu harigi fhaiŋ gumgi gu mbigi, gu Fhe Bakɨme buna vhuueŋ bun mbe nzuai. Ana mba ŋaarara Pita ga nɨɨŋgim, ana Fhe Bakɨme buna vhuueŋ bun Zudaiŋ ga nzuai.

1 Timoti 6:20

O, Timoti, ndu mba Fhe Bakɨme ndu nɨɨŋgi ŋaar, ndu tuituigip ana ganɨri. Ndu mbe fhura tamtam nzuai buni, mba Fhe Bakɨme ndɨkndɨgi zɨn vui buni fhu, ndu kɨr nta segɨri. Ndu kɨr nta segɨp, ndu kha ndɨkndɨga mbui gumgi, nza za kha bigi kaŋgi. Mbe mba suambara mbuav, mbe nzuai buni, nta Fhe Bakɨme ndɨkndɨgi ga sarigi. Ndu mba khesharigi gumgi, ndu mbe thav samra kɨri.

Hibru 5:12

Nde fhum Zisas zɨn panan ruagiap, nde kim, mpari vhɨrve vhɨzgi. Nde Fhe Bakɨme buni vhuuin harigi gumgi gu mbigi khɨvɨv, mbe suanga tuktɨgi. Nde maaŋ muunga tuktɨgi fhu. Nden ndɨkndɨgi guigira tivgim, harigi gumgi mbe fharav Fhe Bakɨme buni vhuuin harigi gumgi khɨvav, mbe nzuai bunin taagi nde suanga. Nde mban havhara ndirga tuktɨgi fhuvara. Zakɨra fhuvara! Nde ta pavra ki.

1 Pita 4:11

Maaŋ muuŋgip, guma the Fhe Bakɨme buna vhuueŋ bun suanga ndɨkndɨga vhuuŋ ndigi, ana guigira Fhe Bakɨmen buna vhuueŋra bun suaŋri. Guma gumgir kurkurigi, ana Fhe Bakɨme ana ndɨɨi ŋkasŋkar, ana khaŋ tɨgɨp havhargip, mba ŋaarar muuŋri. Nde maaŋ muuŋrim, harigi gumgi nde mbui bigi ganɨnga. Mbe nde ganɨv, Zisas Kraisan zɨn panan mbe Fhe Bakɨme zɨ ndiv vun kuamkuarga. Ana zɨ bakɨme gum ŋkasŋka bakɨme zazera mbara muuŋgiap ki. Ne guigi guarara.

Vhagi Buni 19:10

Gu mbara wo thɨpanani phɨrgiap, mba enser nɨman fav, gu ana rotur muun za mbui. Ana mbara khaŋ na nzuai, “Ndu maaŋ muuŋ thari! Gu ndu phorgap guigira Zisas khothɨgi gumgi gu mbigi, gu vhɨra nde phorga Fhe Bakɨmen ŋgari guma mbe ma. Nde Zisas nzuai buni guari, nde guigira nta khothɨgi ntɨɨri ma. Nde Fhe Bakɨmera rotur muuŋri. Nza kaŋgi, Zisas nzuai buni guari, ntara gumgi ndavi vheri khavav, ŋkasŋka mbe nɨɨŋgim, mbe Fhe Bakɨme buni bun nzuai.”

Vhagi Buni 22:6

Mba enser khaŋ na nzuai, “Kha bunai, nai guigi guarara. Kha nuianan ki gumgi gu mbigi, za ne khothɨgɨrga, ne nzerara. Fhe Bakɨme, ana Guma Bakɨme ma. Ana nduara won Ŋina Ŋaar ana won kamthooŋ gumgir ga ndɨɨv, ana won enser ga sarigim, ana zɨv, za mba vhemkora hɨgɨrga bigi ana ŋaari gumgi khɨvɨrga.”