Khe Por Romiŋ Ndi Khergi Gap 2:18 - Fhe Bakɨmen Kaman Kameŋ

¹⁸ Nde Fhe Bakɨme vuzvuk kaŋgi. Nde vhɨra Fhe Bakɨmen tɨvi, mbe ntan nde khɨvigi. Nde maaŋ muuŋgiap tɨvir vhuuiŋ kaŋgiap, nde nta garav, nta heei.

Khe Por Romiŋ Ndi Khergi Gap 2:18 Iomraidhean Croise

Ruk Khergi Kaman Vhuuŋ 12:47

“Nde khueŋ mbarara, ŋaara guma, ana wo gari guma bakɨme nzuai buni gum ana ndɨkndɨgi, ana nta kaŋgiap, ana nta zɨn vov, bigi thari ga mbui fhu, ana fhura ki. Mba khesharigi ŋaara guma, ana gari guma bakɨme hor mbatɨgar ana muuŋgirga.

Zon Khergi Kaman Vhuuŋ 13:17

Nde ntigem gu mba ndɨkndɨga muuŋgiap muuŋgi bigeŋ, nde ntigem ne nɨɨeŋ kaŋgi. Nde maaŋ muuŋgip tuituigip ne zɨn ŋgɨrga, Fhe Bakɨme tɨvar vhuun nden muunga.

Khe Por Romiŋ Ndi Khergi Gap 15:4

Mba buni zam, mbe fhum nza khɨvɨ zav nta khergim, nta Fhe Bakɨme buni vhuuiŋ gavar ki. Mba buni, nta nza ndavi havhargirim, nza thɨgɨ havhargip, simtɨgi ndiv, Fhe Bakɨme rargɨ kɨrim, ana zɨv nza ndirga.

Khe Por Romiŋ Ndi Khergi Gap 2:19

Nde kha ndɨkndɨga mbui, “Nza Fhe Bakɨmen tɨvi kaŋgiap, nza tɨvir vhuuiŋ nɨɨŋge kaŋgiap nza vhɨra buni guari, nza vhɨra nta kaŋgi. Nza tuavar mba rɨmgi mbatɨgi gumgi khɨvi gumgi fara muuŋgi. Nza mba gɨngɨnan ki gumgi, nza mben vhava ŋaara fara muuŋgiap ki. Nza maaŋ muuŋgia nza mba tɨvi vhuuiŋ zɨn ŋgɨrga tuktɨgi fhuv gumgi, nza tuavar mbe khɨvɨrga. Nza mba tari bisaŋri mparmparei ma.”

Firipai 1:10

Maaŋ muuŋgirga, nde tuituigip bigi kaŋgip, nta heeŋv, nde tɨvir vhuuiŋ guarira ndigip, nta zɨn ŋgɨrga. Maaŋ muuŋgirga, Krais za kha nuianan ki gumgi gu mbigi muuŋgi tɨvi mbatɨgi ga suaŋv mbe suanga tugar, nde ana nɨman ŋgaravra kɨv, nde bigɨn thueŋ suaŋv simtɨk kɨrga fhu.

1 Tesaronaika 5:21

Nde tuituigip ana nzuai buni mbararav, nta ndɨkndɨgɨri, nta guigira Fhe Bakɨme buni guari o, nta harigi guma ndɨkndɨgar nzuai buni. Nde tɨvir vhuuiŋ, nde nta suirari.

Hibru 5:14

Mban havhari, nta guman rum gu mbigar rum pi mba ma. Mba khesharigi gumgi, mbe tugi vhɨrvera mparav kaŋgi, maaŋgi tɨvi, nta tɨvir vhuuiŋ, maaŋgi tɨvi, nta tɨvi mbatɨgi. Mbe maaŋ muuŋgiap ntige tuituigiap kaŋgiap, mbe ndɨkndɨgi mba tɨvi kaŋgiap wari ki.

Zems 4:17

Nde tuituigip khueŋ ndɨkndɨgɨri. Nde maaŋ muuŋgip tɨva vhuuŋ thueŋ kaŋgip, nde ne mbui fhu, nde tɨvi mbatɨgi ga mbui.