Khe Por Romiŋ Ndi Khergi Gap 13:6 - Fhe Bakɨmen Kaman Kameŋ

⁶ Nde mba bigɨna nɨɨeŋra nzuav, nde ŋkɨɨa ndi mbe ndɨɨi. Ne khaŋ muuŋgi, ŋgui gari gumgir pani, mbe Fhe Bakɨmen ŋaara gumgi ma. Mbe maaŋ muuŋgiap, mbe tuituigiap Fhe Bakɨme mbe nɨɨŋgi ŋaar, mbe ana mbui.

Khe Por Romiŋ Ndi Khergi Gap 13:6 Iomraidhean Croise

Ruk Khergi Kaman Vhuuŋ 23:2

Mbe zam ana kov Pairat han vugap, ana nzuav nzuav khaŋ nzuai, “Nza kha guma garim, ana nzan gumgi gu mbigir tɨvir tuara mbuim, mbe ana tɨvi zɨn vui. Ana vhɨra nza ŋkɨɨar Sisaran nɨɨnga tuav nza gori. Ana nza thɨvav, ana vhɨra khaŋ nzuai, ‘Gu mba Fhe Bakɨme taagip wo gumgi gu mbigi ndir zav sarigi ŋgui gari guman pan ma.’ ”

Khe Por Romiŋ Ndi Khergi Gap 12:8

Maaŋ muuŋgip, Fhe Bakɨme guma mbe ana wo ŋaara muun zav harigi gumgi ndavi gu ndɨkndɨgi havharɨrga ndɨkndɨga ana nɨɨŋgi, ana guigira mba ŋaarar muuŋv, harigi gumgi ndavi gu ndɨkndɨgi havharɨri. Guma, ana bigi sosuagi gumgi, ana bigɨr mben kurkurigi, ana bigi vhɨrvera mben nɨɨŋri. Guma, ana ŋaara the ganɨv, ana guigira tuituigip mba ŋaara ganɨri. Guma, ana harigi ntɨɨri kora mbuav mben kurkurigi, ana ndikndigɨp mben kurkurari.

Khe Por Romiŋ Ndi Khergi Gap 13:5

Maaŋ muuŋgiap, nza ŋgui gari gumgir pani, nza mben piin kɨrga. Nza mba Fhe Bakɨmen ndav shirɨ bakɨme gum vheza mbatɨgira rivgip, mbe nzuai buni mbarararga fhu. Fhuvara. Nza wari wo ndavi vherir, nza khueŋ kaŋgirga, ne tɨvar vhuuŋ ma. Nza maaŋ muuŋgiap mba tɨva zɨn vui.

Khe Por Romiŋ Ndi Khergi Gap 13:7

Nde ŋgui gari gumgir panin nɨɨnga bigi, nde ntan mben nɨɨŋri. Nde mbarkɨrga ŋkɨɨa gu bigi, nde ntan mba ŋkɨɨa ndia rui gumgi, nde ntan mben nɨɨŋri. Nde maaŋ muunga, nde mba gumgi piin ki. Nde mbe buni mbararav, tɨvar vhuun mbe khɨvɨri. Guma, ana zɨ bakɨme ki, nde zɨ bakɨmen anan nɨɨŋri.