Khe Por Romiŋ Ndi Khergi Gap 13:11 - Fhe Bakɨmen Kaman Kameŋ

¹¹ Gu kha tɨvir muun zav nde nzuai, ne khaŋ muuŋgi, nde ntige kha tuge kaŋgi. Nde ntigem ŋkuu thav khavɨrga tuk ma. Nde kaŋgi, nde fharav guigira Krais khothɨgim, Fhe Bakɨme taagip nde ndirga tuk han mbarigi fhu. Mba tuk, ana ntigem hara zɨgi.

Khe Por Romiŋ Ndi Khergi Gap 13:11 Iomraidhean Croise

Matiu 16:3

Nde vhɨra manera buiva garim, ana phɨgiav hɨvgim, nde khaŋ nzuai, ‘Mbok gu bɨɨŋbɨɨŋ ntigem zɨrga.’ Ahaŋ, nde nzerara buiva garav, mba bigi hehegi, ne nzerara. Nde ntige, kha tugen hi bigi garav, nta hehegi fhu.

Ruk Khergi Kaman Vhuuŋ 21:28

Nde mba tugen mba bigi ganɨrim, nta hɨrga, nde khavɨv thivgip pani ragirga, ne khaŋ muuŋgi, Fhe Bakɨme taagi nde ndirga tuk han mbarigi.”

1 Korin 10:11

Mba mben hegi bigi, nta harigi gumgi ganɨv, kaŋgir zav, mbe khɨvi bigi ma. Mba bigi neŋgap, ntan Fhe Bakɨme buni vhuuiŋ ki gavar nta khergi. Mbe nta kherav, nza ntige kha tugen ki gumgi, mbe ndɨkndɨgar nza ndɨɨi. Nza kha nuian vhɨzɨrga tuga han mbarav ki.

1 Korin 15:34

Nde mba pham ndɨkndɨgi ndɨkndɨgi mbatɨgi, nde nta thav, ndɨkndɨgi vhuuiŋra muuŋri. Nde wom tɨvi mbatɨgir muuŋ thari. Nde mbarara. Nden mbari, mbe tuituigiap Fhe Bakɨme kaŋgi fhuvara. Gu ne nzuav khaŋ nzuai, nde wari wo mbui tɨvir mberɨri.

Efesus 5:14

Mba vhava ŋaar, ana bigɨn the ndi kɨra khɨngirga, mba bigɨn vhava ŋaara farar muuŋgip kɨrga. Maaŋ muuŋgiap, mba kameŋ ki, “Ndu ntigem kui guma, ndu khavgiri. Ndu mbok thav khavgirim, Krais ndun muuŋgirim, ndu vhava ŋaarar kɨrga.”

Zems 5:8

Nde vhɨra mba tɨvar muuŋgiri, nde wari won ndavi havhargip mbarara kɨv mba nden hi simtɨgi ndiri. Guma Bakɨme taagi zirɨrga tuk guigira han mbarigi.

1 Pita 4:7

Kha bigi za vhɨzɨrga tuk han mbarigi. Maaŋ muuŋgiap, nde tuituigip ndɨkndɨgɨp, tuituigip wari wo mbui tɨvi ganɨv, nde tuituigip Fhe Bakɨme phorgɨ suanga.

2 Pita 3:11

Maaŋ muuŋgip, nde ndɨkndɨgɨ, kha bigi mba tɨvara muuŋgip vhɨzgirga. Nde ram muuŋgi ndɨkndɨga mbui? Nde ram muuŋgi tɨva zɨn ŋgɨrie? Nde wari won ruru tɨvi gu bigi ndiv, Fhe Bakɨme farve khɨngip, nde ana nɨman tɨvir ŋaarira zɨn ŋgɨp, nde Fhe Bakɨmen tɨvi, nde zam nta zɨn ŋgɨri.

2 Pita 3:9

Gumgi mbari khaŋ nzuai, Guma Bakɨme wo suaŋgi bigi, ana mbarara nta mbui. Gumgi mbari maaŋ nzuai. Zakɨra fhuvara! Guma Bakɨme ana wo suaŋgi bigi, ana mbarara nta mbui fhuvara. Ana guma the fhɨrgirɨgɨp ŋgu mbatɨgar ŋgɨrgane thagi. Ana khueŋ vuzvugi, kha nuianan ki gumgi gu mbigi za ndavi dorgɨrga. Ana maaŋ muuŋgiap, mbarara nde mbuav, nden rarga khar ki.

1 Zon 2:18

Nde nan tari, Zisas taagi zirɨrga tuk han mbarigi. Nde fhum Krais pana guma zɨrga kameŋ mbararagi. Ntigem anan pana gumgi vhɨrve hegi. Nza ntigem maaŋ muuŋgiap gangiap, nza kaŋgi, ntige Zisas zirɨrga tuk han mbarigi.

Vhagi Buni 1:3

Kha kameŋ, ne Fhe Bakɨme nduara won kamthooŋ guma nzuai mbugum suaŋgi kameŋ ma. Kha kameŋ garim, harigi gumgi gu mbigi mba kameŋ mbararagi, mba guma, ana ndikndigɨri. Gu Fhe Bakɨme kameŋ khergim, mba kameŋ mbararagiap, ne zɨn vui gumgi gu mbigi, mbe vhɨra ndikndigɨri. Ne khaŋ muuŋgi, tuk ntige hɨr za mbui. Fhe Bakɨme mba muun za suaŋgi bigi, ana ntige mba bigir muunga.

Vhagi Buni 22:10

Ana maaŋ na nzuav, wom khaŋ nzuai, “Kha Fhe Bakɨmen kamthooŋ guma suaŋgi buneŋ kha gavar ki, ndu ne vhaa thari. Zakɨra fhuvara! Ne khaŋ muuŋgi. Fhe Bakɨme mba bigir muunga tuk za han mbarigi.

Vhagi Buni 22:12

Zisas khaŋ nzuai, “Mbarara! Gu vhemkora nden han zirɨrga. Gu vhezar za kha gumgi gu mbigir nɨɨnga. Gu vhezar za mba gumgi gu mbigi bevbevira mbe muuŋgi tɨv ga suaŋv mben nɨɨnga.

Vhagi Buni 22:20

Mba guma ana za mba bigi bun nzuav, ana khaŋ nzuai, “Guigi guarara, gu vhemkora zirɨrga.” Ne guigira, Guma Bakɨme Zisas, ndu zirɨ.