Khe Por Romiŋ Ndi Khergi Gap 13:1 - Fhe Bakɨmen Kaman Kameŋ

¹ Nza kha nuianan ki gumgi gu mbigi, nza zam ŋgui gari gumgir pani piin kɨrga. Nza kaŋgi, ŋgui gari guman panan ŋkasŋka, ana nduara hɨgi fhuvara. Ŋgui gari guman panan ŋkasŋka, ana Fhe Bakɨmen farven kegap hɨgi. Kha ŋgui gari gumgir pani, Fhe Bakɨme nduara mbe ndi fegim, mbe ki.

Khe Por Romiŋ Ndi Khergi Gap 13:1 Iomraidhean Croise

Matiu 6:13

Ndu fhura nza ganɨrim, nzan panɨnga bigɨn thueŋ nzan hɨ thari, ndu nzan hɨr za mbui bigɨna mbatɨgeŋ, ndu nza tɨn ne ndigiri.’

Zon Khergi Kaman Vhuuŋ 19:11

Zisas mbara ana ŋgarkarav khaŋ nzuai, “Maaŋ muuŋgip, kha vun ki Fhe Bakɨme, ana ŋkasŋkar ndun nɨɨŋgirga fhu, ndu na mbevarga ŋkasŋka kegɨrga tuktɨgi fhu. Maaŋ muuŋgiap, nan ndu farve khɨngi guma, ana muuŋgi tɨva mbatɨgeŋ ndu muuŋgi tɨva mbatɨgeŋ kambarav guigira kɨvgi.”

Farasegi Gumgi 2:41

Pita mba bunin mbe nzuaim, ana buni guigira gumgi gu mbigi vhɨrve thivgim, mbe ndavi domdorav Zisas zɨn panan wari ruai. Mba raan ndavi domdorgiav, Zisas zɨn vui gumgi gu mbigi mben vhɨrve khaŋ muuŋgi 3,000. Mbe zav Zisas khothivav, ana zɨn vui gumgi gu mbigi vhen vergi.

Khe Por Romiŋ Ndi Khergi Gap 12:21

Nde fhura tɨvi mbatɨgi ganɨrim, nta nde mbevɨ thari. Fhuvara. Nde tɨvir vhuuin muunga, mba tɨvir vhuuiŋ, nta mba tɨvi mbatɨgi mbevarim, nta ŋgirgɨrga.

Khe Por Romiŋ Ndi Khergi Gap 13:2

Maaŋ muuŋgiap, mba ŋgui gari gumgir pani buni daasui gumgi, mbe Fhe Bakɨme won ŋaarar nɨɨŋgi gumgi, mbe mben buni daasui. Maaŋ mbui gumgi, mbe gumgir panin muuŋrim, mbe ne suaŋv vheza mbatɨgar mben nɨɨnga.

Efesus 5:21

Nde Krais, nde Bakɨme ki ne ndɨkndɨgɨp, nde bevbevira, nde guigira Zisas khothɨgi gumgi gu mbigi piin kɨri.

1 Timoti 2:2

Mbe vhɨra ŋgui vhɨrve gari gumgir pani gum ŋgui gari gumgir panin kurkurar saŋv ana phorgɨv suaŋri. Nza maaŋ muuŋgip tuituigip piigip, ndavi mbɨrav wari kɨv, Fhe Bakɨme suaŋgi tɨvi, nza nta zɨn ŋgɨrga.

Taitus 3:1

Ndu kha gumgi gu mbigi ga suaŋrim, mbe ŋgui vhɨrve gari gumgir pani gum ŋgui gari gumgir pani, mbe mben piin kɨv, mbe nzuai buni zɨn ŋgɨri. Mbe zazera ŋaari vhuuiŋra muun saŋv kɨri.

Khe Zut Khergi Gap 1:8

Mba zav nden vhen zergi gumgi, mbe nde ndɨkndɨgi ŋgɨr zav zegi. Mbe kha khesharigi tɨvi zɨn vui ntɨɨri ma. Mbe mbarkɨrga rɨɨa kuim, nta mbe ndɨkndɨgi khavim, mbe tɨvi mbatɨgi guarira wari won fhavi ga mbui. Mbe maaŋ mbuav, vhɨra nza Guma Bakɨme ga rɨɨrɨɨv, mbe vhɨra Fhe Bakɨmen enserir, mbe buni mbatɨgir mbe nzuai.

Vhagi Buni 1:5

Zisas Krais, ana za Fhe Bakɨme buni guarira bun nzuai guma ma. Ana za kha gumgi kharav, rimgiap, fhara khavgi guma ma. Ana vhɨra za kha nuianan ki ŋgui vhɨrve gari gumgir panin guma bakɨme ma. Ana vhɨra fhura nden korar muuŋv, nden ndavir muuŋrim, nde ndavi mbɨrav wari kɨri. Ana guigira won ndavar nza nɨɨŋgiap, ana wo vɨzɨnra ana nza muuŋgi tɨvi mbatɨgi, ana nta vhɨzgim, nza bɨkbɨɨgi.

Vhagi Buni 17:14

Mbe za wari tɨgɨp, Sipsiva Ŋguga shogɨrga. Sipsiva Ŋguk, ana guigira mbe kambarav mbe mbevarga. Ne khaŋ muuŋgi, ana Za Ŋkasŋka Ki Ŋgui Vhɨrve Gari Guman Pan gum Za Kha Gumgi Bakɨvi Gari Guma Bakɨme Ma. Mba za ana han ki gumgi gu mbigi, ana mben kamgiap, mben wora mbuigi. Mbe vhɨra guigira ana buni zɨn vui. Mba gumgi gu mbigi, mbe mba Sipsiva Ŋguga phorgɨp, mba ntarar muuŋv, mbe mba ntara kambararga.”

Vhagi Buni 19:16

Ana sharigi shaa mpeeŋ gum anan ruun, mbe khaŋ muuŋgi zɨ khergi, “ZA ŊKASŊKA KI ŊGUI VHƗRVE GARI GUMAN PAN GUM ZA KHA GUMGI BAKƗVI GARI GUMA BAKƗME” ma.