Khe Por Romiŋ Ndi Khergi Gap 12:5 - Fhe Bakɨmen Kaman Kameŋ

⁵ Mba tɨvara, nza gumgi gu mbigi vhɨrve ma. Nza Krais phorgap, nza za wari tɨgap guma kharɨga bavira ki fara muuŋgi.

Khe Por Romiŋ Ndi Khergi Gap 12:5 Iomraidhean Croise

Zon Khergi Kaman Vhuuŋ 17:11

“Gu ntigem ndun han ndai, gu wom kha nuianan kɨrga fhu. Mbe kha nuianan kɨrga. Dara, ndu guigira ŋgarigi, guma the ndu fara muuŋgi fhuvara. Ndu wo zɨn ŋkasŋkar panan mbe ganɨri. Ndu mba zɨ bakɨmen na nɨɨŋgi. Maaŋ muuŋgiap, mbe wari tɨgɨp ndava bavira kɨrga. Mbe ŋkara farar muuŋgiri, ŋka wani tɨgap ndava bavira ki.

Khe Por Romiŋ Ndi Khergi Gap 12:4

Nza khueŋ kaŋgi, guma kharɨga bavira, ana fɨgi vhɨrve ki. Mba fɨgiveŋ, nta za ŋaari wari heeŋgiap ki.

1 Korin 10:17

Nza pi viktuma bavira ki, nza za mba viktumara pi. Nza maaŋ muuŋgiap, nza gumgi gu mbigi vhɨrve, nza za wari tɨgap kharɨga bavira ki.

1 Korin 10:33

Gu vhɨra, gu kha gumgi za vuzvugirga tɨvi, gu nta mbui. Gu wora kurkurigi ŋaari, gu nta mbui fhuvara. Gu harigi gumgir kurkurarim, Fhe Bakɨme taagip mbe ndirga ŋaari, gu ntara mbui.

1 Korin 12:20

Guma fhav, ana mba fara muuŋgi fhuvara. Zakɨra fhuvara! Guma fhav, ana fɨgir vhɨrve ki. Mba fɨgiveiŋ, nta za wari tɨgap, guma ki.

1 Korin 6:15

Ee, nde khueŋ kaŋgi fhuv thi? Nde fhavi nta Kraisan fhavir fɨgiveiŋ ma? Maaŋ muuŋgip, gu Kraisan fhava thueŋ ndigip nen ruarir gumgi ndi mbigar fhava phorgɨrga, ne tɨvar vhuuŋ ee? Zakɨra fhuvara!

Efesus 1:23

Sios vhen ki gumgi gu mbigi, mbe Kraisan kharɨga fara muuŋgi. Krais, ana mba kharɨgar pan ma. Nza siosan vhen ki gumgi gu mbigi, nza bevbevira ana kharɨgar fɨgi ma. Krais gum, ana ŋkasŋka gum, ana muun za mbui tɨvi, nta siosan ki, nta za tugɨratɨgi. Krais, mba Heven gu nuianan ki bigi, ana za nta mbuim, nta vhɨra za tugɨratɨgi.

Efesus 4:12

Krais nza Fhe Bakɨmen gumgi gu mbigi, ana nzan kurkurar zav fhura mba ndɨkndɨgi vhuuin mbe nɨɨŋgi. Mbe nzan kurkurarga, nza maaŋ muuŋgip ana ŋaarar vhuun muunga. Mbe mba ŋaarar muunga, nza guigira Krais khothɨgi gumgi gu mbigi, nza khaŋ tɨgɨp havhargip guma kharɨk ŋkasŋkagiap, vhuuv, nzerara ki farar muuŋgip kɨrga.

Efesus 4:25

Maaŋ muuŋgiap, nde guiguigi tɨvi thari. Nde buni guarira mba guigira Zisas khothɨgi gumgi gu mbigi ga suaŋri. Ne khaŋ muuŋgi, nza zam Krais ntɨɨri ma, nza Ndia bavira nza tegi.

Efesus 5:23

Ne khaŋ muuŋgi, guma ana won muun pan ma. Krais mba tɨvara muuŋgi, Krais, ana siosan pan ma. Guma won kharɨga vuzvugi tɨvara, Krais won siosa vuzvugi. Krais ana taagiap ana ndigap, ana tuituigira ana gari.

Efesus 5:30

Ne khaŋ muuŋgi, nza Kraisan kharɨgar fɨgiveiŋ ma. Nza anan suira gu hari gum ana rɨmgi ma.

Korosi 1:24

Gu ntigem, nden kurkurav zaa ndi ne nzuav ndikndigi. Krais won siosan kurkurav ndigi zaagi vhɨzgi fhuvara. Sios, ana Krais kharɨk ma. Ntigem, Kraisan sios mba zaagi ndirga. Gu Kraisan sios fɨga mueŋ ma. Gu ana siosan kurkurav won fhavara mba zaagi mbari ndi.

Korosi 2:19

Mbe maaŋ mbuav, mbe guigira nza won guman pan Krais, mbe ana suira havhargi fhuvara. Mba pan, ana za mban won kharɨga ndɨɨim, ana ŋkɨriiŋ thɨvi, nta ana fhava phorgap nzerara ki. Maaŋ muuŋgiap, ana kharɨk, ana Fhe Bakɨmen ŋkasŋkar, ana vuzvugar, ana vhuuva kɨvi.