Khe Por Romiŋ Ndi Khergi Gap 10:6 - Fhe Bakɨmen Kaman Kameŋ

⁶ Guma, ana guigira Fhe Bakɨme khothɨgim, Fhe Bakɨme ne nzuav tɨvir vhuuiaŋ mbui guman anan kaai. Mba tɨv, Fhe Bakɨme buni vhuuiŋ ki gap mba kameŋra nzuai. Nde khaŋ wari ga suaŋ thari, “The Hevenan naaŋrie?” Ne khaŋ muuŋgi, nde nduarira Krais ndigi nɨɨn zirɨ za mbui.

Khe Por Romiŋ Ndi Khergi Gap 10:6 Iomraidhean Croise

Zon Khergi Kaman Vhuuŋ 6:33

Mba Hevenan kegap zeri viktum Fhe Bakɨme anan kha nuianan ki gumgi gu mbigi ga ndɨɨim, ana zazera mbara muuŋgiap ki bɨɨŋbɨɨŋ ndi ndɨɨi guma ma.”

Zon Khergi Kaman Vhuuŋ 6:38

Gu wo vuzvuga zɨn ŋgɨr zav Heven thav zergi fhuvara. Zakɨra fhuvara! Gu na sarigim gu zergi Dara, gu ana vuzvuga zɨn vui.

Zon Khergi Kaman Vhuuŋ 6:58

Khera, ana Hevenan kegap zergi viktum ma. Ana mba nden nzɨgi fhum mbegap vhɨzgi viktuma fara muuŋgi fhuvara. Zakɨra fhuvara! Guma, ana kha viktuman mbegɨrga, ana zazera mbara muuŋgiap ki bɨɨŋbɨɨŋ ndigip kɨrga.”

Khe Por Romiŋ Ndi Khergi Gap 3:22

Mba tɨv khaŋ muuŋgi, mba guigira Zisas Krais khothɨgi gumgi gu mbigi, Fhe Bakɨme za tɨvir vhuuiaŋ mbui gumgi gu mbigir mben kaai. Mbe Zudaiŋ gum mba harigi fhaiŋ ŋgui gumgi, mbe zam, Fhe Bakɨme tɨva bavira mben muunga.

Khe Por Romiŋ Ndi Khergi Gap 3:25

Fhe Bakɨme Zisas farasarigi, ana rimgip won vɨzɨna siasuarga, guigira ana khothɨgi gumgi gu mbigi, ana vɨzɨn mbe muuŋgi tɨvi mbatɨgi ruagiri, nta vhɨzgirga. Ana won tɨvar vhuun nza khɨvɨr zav maaŋ muuŋgi. Fhum, Fhe Bakɨme mbarara kha gumgi gu mbigi ga mbuav, ana mbe muuŋgi tɨvi mbatɨgi ga nzuav vheza mbatɨgar mbe ndɨɨi fhuvara.

Khe Por Romiŋ Ndi Khergi Gap 4:13

Fhe Bakɨme fhum Abrahama nzuav anan nzɨgi ga suaŋgi, ana kha nuianan za mben nɨɨŋgirga. Abraham, ana tɨvi thari zɨn vuim, Fhe Bakɨme mba kamen ana suaŋgi fhuvara. Zakɨra fhuvara! Abraham, ana fhura Fhe Bakɨme suaŋgi kameŋ khothɨgap, ana Fhe Bakɨme nɨman, Fhe Bakɨme tɨvir vhuuiaŋ mbui guman anan kaav mba kamen ana suaŋgi.

Hibru 1:3

Mba Kam, ana Fhe Bakɨme tɨvir vhuuin ŋkasŋka bakɨmen nza khɨvigim, mba tɨvir vhuuin ŋkasŋka bakɨme, nza ana gari. Ana tɨvir vhuuin ŋkasŋka bakɨme, ana Fhe Bakɨme tɨvir vhuuin ŋkasŋka bakɨmera fara muuŋgi. Ana buni ŋkasŋka ki. Ana mba bunin panan, ana za kha bigi ga muuŋgim, nta havhargiap, mbara muuŋgiap ki. Ana won ŋaara mbuav, kha nuianan ki gumgi gu mbigi ga nzuav tuav ga muuŋgim, tɨvi mbatɨgi, ana nta vhɨzgip, mbe muuŋgirim, mbe ŋgararga. Ana mbara vun ndap, za kha bigi kharar vu guarara ki ŋkasŋka ki ŋgui vhɨrve gari guman panan guva haren mpirmpirɨga perigi.

Hibru 11:7

Noa Fhe Bakɨme khothɨgim, Fhe Bakɨme zumgum hɨrga bigen ana gori ruav, ana suaŋgi. Noa mba bigeŋ gangi fhuvara. Ana Fhe Bakɨme kameŋ khothɨgap, ana kema bakɨme muuŋgi. Ana mba kema bakɨme muuŋgiap, ana won muuŋ gu tarir kov, mbe mba keman vergap, mbe nzerara kegi. Ana Fhe Bakɨme khothɨgi tɨv, Noa mba nuianan ki gumgi gu mbigi muuŋgi tɨvi mbatɨgi ndi hiaŋ tɨgi. Noa Fhe Bakɨme khothɨgim, Fhe Bakɨme tɨvir vhuuiaŋ mbui guman anan kamgi.