Khe Por Romiŋ Ndi Khergi Gap 10:16 - Fhe Bakɨmen Kaman Kameŋ

¹⁶ Mbe Isreriŋ, mbe za Fhe Bakɨmen buna vhuueŋ ndigi fhuvara. Aisaia khaŋ nzuai, “Guma Bakɨme, the nza nzuai buna vhuueŋ khothɨgi?”

Khe Por Romiŋ Ndi Khergi Gap 10:16 Iomraidhean Croise

Matiu 13:14

Fhe Bakɨme kamthooŋ guma Aisaia mba gumgi gu mbigi muunga tɨvi, ana fhum nta bun suaŋgi. Ana mba suaŋgi buni, nta ntigem mbara muuŋgiap hɨgi. Ana fhum khaŋ suaŋgi, ‘Mbe zazera mba buni mbarararga, mbe nta ndɨriveŋ kaŋgirga fhu. Mbe vhɨra zazera ganɨnga, mbe bigɨn thueŋ kaŋgirga fhu.

Zon Khergi Kaman Vhuuŋ 10:26

Nde na sipsivi fhuvara. Maaŋ muuŋgiap, nde na khothɨgi fhuvara.

Farasegi Gumgi 28:24

Por mba buni suaŋgim, gumgi mbari, mbe kha ndɨkndɨga mbui, Por nzerara nzuai. Mbe mbari, ana buni khothɨgi fhu.

Khe Por Romiŋ Ndi Khergi Gap 1:5

Zisas Krais ŋaarar panan Fhe Bakɨme fhura nzan kora muuŋgiap, ana zɨ kɨvɨr zav Fhe Bakɨme won buna vhuueŋ bun suanga ŋaarar muun zav nzan farasegi. Ana mba tɨvar muuŋgirim, mba harigi fhaiŋ ŋguir ki ntɨɨrir kamɨnga, mbe zam Zisas Krais khothɨgɨp, ana zɨn ŋgɨrga.

Khe Por Romiŋ Ndi Khergi Gap 11:17

Mbe Isreriŋ, mbe oriv khan vhuuŋge fara muuŋgi. Fhe Bakɨme niŋgen ŋgagi mbari harav niŋge khɨrgi. Nde mba harigi ŋgui gumgi, nde mba ruan ki oriv khage fara muuŋgi. Fhe Bakɨme nden ŋgagi ndiga zav, mba oriv kha guarige, ana niŋgen ŋgagi hargiap, nden ntan ŋani ga segi. Nde mba oriv khan vhuuŋge mban nde ndɨɨim, nde ana ŋgagi fara muuŋgiap, nde nzerara ki.

Khe Por Romiŋ Ndi Khergi Gap 16:26

Fhe Bakɨme ntigem nta ndi kɨra khɨngi. Fhe Bakɨmen kamthooŋ gumgi, mbe fhum mba buni khergim, nta ki. Mbe mba kherav suaŋgi buna vhuueŋ ntigem za kɨrar hɨgi. Zazera mbara muuŋgiap ki Fhe Bakɨme nzuaim, nza mba buni bun za kha nuianan ki gumgi gu mbigi ga nzuai. Maaŋ muuŋgiap, mba gumgi gu mbigi, mbe zam mba zorga kegi buni, mbe nta mbararav nta kaŋgi. Fhe Bakɨme maaŋ muungeŋ vuzvugiap, maaŋ muuŋgim, mba gumgi gu mbigi, mbe ana khothɨgɨp, ana vuzvugi tɨvi zɨn ŋgɨrga.

Khe Por Romiŋ Ndi Khergi Gap 2:8

Gumgi mbari, mbe warira ndɨkndɨgi. Mbe warira ndɨkndɨgap, tɨvir vhuuiŋ thav tɨvi mbatɨgi zɨn vui. Fhe Bakɨme mba gumgi gu mbigi ga nzuav guigira ndav shigi, ana ne ŋgarkarav vheza mbatɨga guarara mben nɨɨŋgirga.

Khe Por Romiŋ Ndi Khergi Gap 3:3

Mbe guigira, mbe mbari, mbe Fhe Bakɨme khothɨgap, mbe ana buni vhuuiŋ zɨn vui fhuvara. Maaŋ muuŋgip, ram muuŋgirie? Mbe ana khothɨgap, ana buni vhuuiŋ zɨn vui fhu, mba tɨv Fhe Bakɨme muuŋgirim, ana mba suaŋgi kameŋ, ana ne zɨn ŋgɨgɨrga fhuve?

Khe Por Romiŋ Ndi Khergi Gap 6:17

Khueŋ guigi guarara, nde fhum fhura tɨvi mbatɨgir ŋaara gumgi gu mbigi khɨni kegi. Nde zumgum nde guigira Fhe Bakɨme buni guari khothɨgap, nde nta zɨn vui. Nza ne suaŋv Fhe Bakɨmen ndikndigɨri!

Garesia 3:1

Nde Garesia gumgi, nde ŋanŋangi gumgi ma. Nza Zisas Kraisan nde khɨvigi. Nde wari won rɨmgira ana garim, ana khanarareŋ ga ntorgi fara muuŋgi. The ntigem nden ndɨkndɨgi ŋgɨrgi?

Garesia 5:7

Nde fhum, nde nzerara Krais tuava ruigi. Nde ntigem, the nde tuav mpɨrigim, nde wom mba buni guari, nde nta zɨn vui fhu?

Hibru 11:8

Abraham Fhe Bakɨme khothɨgim, Fhe Bakɨme anan kamgim, Abraham anan kameŋ zɨn vugi. Ana won ŋgu nɨɨŋge thav, ana harigi nuianan vugi. Fhe Bakɨme zumgum mba nuianan anan nɨɨŋgirim, ana mba nuianan won mbuiarga. Abraham mba ŋgɨrga ŋaneŋ kaŋgi fhu. Ana fhura Fhe Bakɨme khothɨgap, ana vugi.

Hibru 4:2

Nza Isreriŋ fhum Fhe Bakɨme vhuksuru buna vhuueŋ mbararagi tɨvara muuŋgiap nza Zisas buna vhuueŋ mbararagi. Mbe fhura ne mbararagiap, mbe Fhe Bakɨmen buneŋ khothɨgi fhu. Maaŋ muuŋgiap, mbe mba mbararagi buna vhuueŋ, ne mben kurigi fhuvara.

Hibru 5:9

Mba tɨv ana muuŋgim, ana guigira fhara guarara buni mbararagi guma ki. Maaŋ muuŋgiap, ana buni zɨn vui gumgi gu mbigi, ana mben kurkurav, taagia mbe ndi. Ana mba ndi gumgi gu mbigi, mbe zazera mbara muuŋgip kɨrga. Maaŋ muuŋgiap, Fhe Bakɨme ana farasarav ana nzuav, khaŋ nzuai, “Ndu Merkisedek Fhe Bakɨme rotu gari guman pan kegi farar muuŋgirga.”

1 Pita 1:22

Nde guigira buna guareŋ zɨn vui. Nde maaŋ mbuav, nde nduarira Fhe Bakɨme rɨmani nɨman ŋgarav ki. Nde maaŋ mbuav, nde wari won ndavir nza phorgɨp guigira Zisas khothɨgi gumgi gu mbigi ga ndɨɨi. Nde maaŋ mbui, nde khaŋ tɨgɨp havhargip, guigira mbe vuzvugɨp, guigira wari won ndavir za mben nɨɨŋri.

1 Pita 2:8

Fhe Bakɨme buni vhuuiŋ ki gap vhɨra khaŋ nzuai, “Mba kɨm, ana vhɨra mben tuav ga ndarigi kɨma fara muuŋgi. Mbe vhɨrvera mba kɨman savkorɨv, rɨv, mbarɨgɨrga.” Mbe Fhe Bakɨme buna vhuueŋ daasui. Mbe maaŋ muuŋgiap, mba kɨman savkorav wari ri. Fhe Bakɨme fhum suaŋgi, mbe mba tɨvar muunga.

1 Pita 3:1

Mba tɨvara, nde mani ga rɨgi mbigi, nde wari wo manin piin kɨri. Nden mani thari, mbe Fhe Bakɨme buna vhuueŋ zɨn vui fhu. Nde mben muuiŋ Fhe Bakɨme piin ki tɨvir vhuuiŋ, mbe nta ganɨp, nde buni tharir mbe suanga fhu, mbe ndavi dorgɨrga.