Khe Por Romiŋ Ndi Khergi Gap 1:3 - Fhe Bakɨmen Kaman Kameŋ

³ Mba buni, anan Kama bun nzuai bunin vhuuiŋ ma. Anan Kam, ana guma guara gegi. Ana kha nuianan ŋgui vhɨrve gari guman pan Devit shɨgar mbiga mbe ana tegim, ana anan nzɨk ki.

Khe Por Romiŋ Ndi Khergi Gap 1:3 Iomraidhean Croise

Matiu 1:1

Khe Zisas Krais nzɨgi bun nzuai buni khare. Zisas ana Devitan nzɨk ma. Devit ana Abrahaman nzɨk ma.

Matiu 1:16

Zekop Zosep tegi. Zosep Maria man ma. Maria, ana Zisas tegi. Zisas mbe vhɨra kha zɨn ana kaai, Krais, ana Fhe Bakɨme taagip kha nuianan ki gumgi gu mbigi ndir zav farasarigi guma ma.

Matiu 1:6

Zesi Devit tegi. Ana Devit tegim, ana ŋgui vhɨrve gari guman pan kegi. Devit, ana Soromon tegi. Soromon tegi niamuuŋ, ana fhum Uria ga tɨga kegi.

Matiu 12:23

Zisas maaŋ mba guma ga muuŋgim, mba gumgi gu mbigi ne gangiap, ŋgava mbatɨga muuŋgiap khaŋ nzuai, “Ana Devitan kam fhuve?”

Matiu 15:22

Ana Taia gu Saidon fhain vugim, Kenanan mbiga mbe zav kaav khaŋ ana nzuai, “Guman Rum, ndu Devitan kam ma, ndu nan korar muuŋ. Ŋina mbatɨga mbe guigira nan kambigar farfagi.”

Matiu 26:63

Ana maaŋ Zisas ga nzuaim, Zisas buna thueŋ nzuai fhuvara. Ana fhura kim, Fhe Bakɨme rotu gari guman pan khaŋ ana nzuai, “Gu zazera mbara muuŋgiap ki Fhe Bakɨme zɨ zitav ndu nzuai, ndu ntigem khaŋ suaŋri, kha vun ki guma na kaŋgi guigira. Ndu Fhe Bakɨme taagia wo gumgi gu mbigi ndir zav suaŋgiap sarigi gumaeŋ? Ndu Fhe Bakɨmen Kam o, fhu?”

Matiu 27:43

Ana Fhe Bakɨme khothɨgap khaŋ nzuai, ‘Gu Fhe Bakɨmen Kam ma.’ Fhe Bakɨme maaŋ muuŋgip ana vuzvugirga, ana ntigem ana kurarga.”

Matiu 3:17

Ana ana han zerim, guma mbe kamthooŋ buivar kav khaŋ nzuai, “Khe nan Kam ma. Gu guigira ana vuzvugi. Na ndav vhee ana ndikndigi.”

Matiu 9:27

Zisas mba ŋgun kegap mba ŋgu tav khavgia vui. Ana vuim, rɨmani mbatɨgi guma phunini ana zɨn vov, ana kaav nzɨɨv, khaŋ ana nzuai, “Devitan Kam, ndu ŋkan korar muuŋ.”

Ruk Khergi Kaman Vhuuŋ 1:35

Maria ne nzuaim, mba Fhe Bakɨme enser ana ŋgarkarav khaŋ ana nzuai, “Ndu mbarara! Fhe Bakɨme Ŋina Ŋaar ndun han zirgɨrga. Ndu ganɨnga za kha bigi kharav vu guarara ki Fhe Bakɨme won ŋkasŋka bakɨmen ndu vhararga. Fhe Bakɨme maaŋ muuŋgirga. Ndu mba ruagirga tara ŋaar, Fhe Bakɨme kha zɨn anan kamɨnga, nan Kam ma.

Zon Khergi Kaman Vhuuŋ 1:14

Fhe Bakɨmen Kameŋ, ne guma guara gegap, zerav, nzan rɨgar ki. Fhe Bakɨme mba tara bavira ki. Anan tɨvir vhuuiŋ guarira gum ŋkasŋka bakɨme anan ki. Nza vhɨra ana tɨvir vhuuiŋ guarira gum ana ŋkasŋka bakɨme gangi. Anan tɨvir vhuuiŋ guarira gum kora muumbara bakɨme guigira anan ki. Ana vhɨra guigira Fhe Bakɨmen nza khɨvigi.

Zon Khergi Kaman Vhuuŋ 1:34

Gu ana gangiap, gu kha kameŋ bun nzuai, khe Fhe Bakɨmen Kam ma.”

Zon Khergi Kaman Vhuuŋ 1:49

Natanier mba kameŋ mbararagiap khaŋ nzuai, “Guman Rum, ndu Fhe Bakɨmen Kam ma. Ndu Isrerin ŋgui vhɨrve gari guman pan ma.”

Zon Khergi Kaman Vhuuŋ 10:30

Gu won Ndiar kov, ŋka wani tɨgap ŋka bavira ki.”

Zon Khergi Kaman Vhuuŋ 10:36

Gu, Dara nduara na farasarav, na sarigim, gu kha nuianan zergi. Maaŋ muuŋgiap, gu khaŋ nzuai, ‘Gu Fhe Bakɨme Kam ma,’ gu maaŋ nzuaim, nde thaŋ nzuav, khaŋ nzuai, ‘Ndu Fhe Bakɨme zɨn farfav, ana ŋana ndir za mbui’?

Zon Khergi Kaman Vhuuŋ 20:28

Tomas mbara ana ŋgarkarav khaŋ nzuai, “Ndu nan Guma Bakɨme ma. Ndu nan Fhe Bakɨme ma.”

Zon Khergi Kaman Vhuuŋ 20:31

Gu kha mirikori gu bigi khergi, gu ne khergirim, nde guigira Zisas khothɨgɨrga, ana mba Fhe Bakɨme taagip won gumgi gu mbigi ndir zav suaŋgiap farasarigi guma ma. Ana Fhe Bakɨmen Kam ma. Nde maaŋ muuŋgip ana khothɨgɨrga, nde ana zɨn panan, nde zazera mbara muuŋgiap ki bɨɨŋbɨɨŋ ndigirga.

Zon Khergi Kaman Vhuuŋ 5:25

“Gu guigira khar nde nzuai, mba hɨr za mbui tuk, ana ntige khar hɨgi. Mba vhɨzgi fara muuŋgiap ki gumgi gu mbigi, mbe Fhe Bakɨmen Kama kamthooŋ mbarararga. Mba ana mbararagi gumgi gu mbigi, mbe rimgiap, taagia khavgiap bɨɨŋbɨɨŋ ndigi fara muuŋgiap wari ki.

Zon Khergi Kaman Vhuuŋ 7:42

Fhe Bakɨme buni vhuuiŋ ki gap khaŋ suaŋgi, mba guma, ana ŋgui vhɨrve gari guma pan Devitan nzɨga the kɨrga. Ana Devit fhum kegi ŋgu Betreheman hɨgɨrga.”

Farasegi Gumgi 2:30

Nzan nzɨga Devit, ana Fhe Bakɨmen kamthooŋ guma ma. Ana kaŋgi, Fhe Bakɨme guigi guarara taagia wora zitav khaŋ suaŋgi, ‘Gu zumgum ndu shɨgar guma the ndiv farim, ana ndu ŋgui gari guman pan kegi farar muuŋgip, ŋgui gari guman pan kɨrga.’

Farasegi Gumgi 3:13

Abraham gum Aisak, Zekop, nzan nzɨgir, Fhe Bakɨme, ana guigira zɨ bakɨmen won ŋaara guma Zisas ga nɨɨŋgi. Mba gumara, nde anan ana pana gumgi farve khɨngi. Mba tugen Pairat ana fhɨrgirim, ana ŋgɨr za mbuim, nde ana shashagiap, kɨr ana segap, khaŋ Pairat ga nzuai, ‘Pairat ndu ana fhɨrgirim ana ŋgɨ thari.’

Farasegi Gumgi 8:36

Ana mba bunin ana nzuav, mani verav kav, mbɨ mben hɨgi. Mani verav, mbɨn hav, mba Itiopia guma khaŋ Firip ga nzuai, “Ndu khar ganɨ, mbɨra khare. Thagɨn bigɨn na tuav mpɨrari, gu ruarɨ tharie?”

Farasegi Gumgi 9:20

Sor ruagiap, ana rari mbarir ana mba Damaskusan Zisas zɨn vui gumgi phorga Damaskusan kegi. Sor mben han kegap, khavgiap, ana za vov mba Zudaiŋ Fhe Bakɨme buni mbararagi pheni vhen verav za khueŋ bun nzuai, “Zisas ana Fhe Bakɨme Kam ma.”

Khe Por Romiŋ Ndi Khergi Gap 1:9

Gu guigira wo ndavar Fhe Bakɨme nɨɨŋgiap, anan ŋaara mbuav, ana Kaman buna vhuueŋ bun nzuai. Fhe Bakɨme kaŋgi, gu zazera nde ndɨkndɨgap nde nzuav ana phorga nzuai.

Khe Por Romiŋ Ndi Khergi Gap 4:1

Abraham, ana nza Zudaiŋ, ana nzan nzɨk ma. Maaŋ muuŋgip, nza ram ana suaŋrie?

Khe Por Romiŋ Ndi Khergi Gap 9:3

Gu vuzvugi, Fhe Bakɨme taagip na fegi gu ŋgugi ndigɨrga. Mbe Zekovan nzɨgi ma. Maaŋ muuŋgip, Krais na vuzvuga zɨn ŋgɨrga, gu mbe suaŋv ana phorgɨv suaŋv ana suaŋrim, ana na vhararim, gu ana gumgi gu mbigi tharim, nan fegi gu ŋgugi nan ŋana ndirga.

Khe Por Romiŋ Ndi Khergi Gap 9:5

Mben farigi nzɨgi, mbe zɨri bakɨvi kegi. Mben rɨgar mben nzɨga mbera, Krais kha nuianan hɨgap, guma guara gegi. Krais, ana Fhe Bakɨme ma. Ana za kha bigi gari guman pan ma. Nza zazera ana zɨ ndi vun kuamkuarga.

1 Korin 1:9

Fhe Bakɨme, ana won Kam Zisas Krais phorgɨp ndava bavira kɨr zav nden kamgi. Ana nza Bakɨme ma. Fhe Bakɨme mba suaŋgi bigi, ana zam ntan muuŋgirga.

1 Korin 10:18

Nde Isreriŋ muuŋgi tɨva ndɨkndɨgɨ. Mbe mba artarar tui sɨgar nder mueŋ mbe wari tɨgap ne mbegap, mbe za wari tɨgap, mba artar gari Fhe Bakɨme phorgi.

Garesia 4:4

Nza kav kim, Fhe Bakɨme wo sarigi tugara, ana won Kama sarigim, ana zergi. Ana kha nuianan mbik ana tegim, ana Moses suaŋgi tɨvir piin ki.

1 Tesaronaika 1:10

nde vhɨra ana Kam Hevenan kegɨp taagi zirɨrganen rarga ki. Anan Kam rimgim, ana taagia ana khavgi. Ana Zisas ma, ana taagia nza ndi. Nza zumgum Fhe Bakɨmen ndav shirɨ hɨrga tugar, nza nzerara kɨrga.

1 Timoti 2:5

Nza kaŋgi, Fhe Bakɨ bavira ki. Guma bavira, ana rɨgɨgera ki guma ma. Ana Fhe Bakɨme gum gumgi gu mbigi, ana mben rɨgɨgera ki. Mba guma, ana Krais Zisas ma.

1 Timoti 3:16

Nza tuituigiap khueŋ kaŋgi, Fhe Bakɨme mbui tɨvir buna nɨɨeŋ, ne guigira bigɨna bakɨ guareŋ ma. Mba buneŋ, Fhe Bakɨme nen nza khɨvigi, ne khaŋ muuŋgi. Ana guma guarara gegim, kha gumgi gu mbigi ana gangi. Fhe Bakɨmen Ŋina Ŋaar khuen nza khɨvigi, ana wo bun nzuai, ne guigi guarara. Fhe Bakɨme enseri, mbe vhɨra ana gangi. Kha nuianan ki gumgi vov, ana buni vhuuiŋ bun za kha gumgi ga suaŋgi. Za kha nuianan ki gumgi gu mbigi, mbe mbari ana khothɨgi. Fhe Bakɨme ana ndigap, vun ndagim, ana zɨ bakɨme ndigi.

2 Timoti 2:8

Ndu zazera Zisas Krais ga ndɨkndɨgɨri, ana rimgiap taagia khavgi. Ana ŋgui vhɨrve gari guman pana Devitan nzɨga mbe ma. Gu nzuai buna vhuueŋ, ne bun nzuai.

1 Zon 1:3

Nza ana gangiap, ana nzuai buni mbararagiap, nta bun nde nzuai, nde vhɨra nza phorgɨv ndava bavira kɨrga. Nza Fhe Bakɨme phorgap ndava bavira kav, nza vhɨra ana Kam Zisas Krais, phorgap ndava bavira ki.

1 Zon 3:23

Ana nzuai tɨvi khare. Nza ana Kam Zisas Krais khothɨgɨp, ana suaŋgi tɨvi, nza za nta zɨn ŋgɨp, nza guigira wari won ndavir warir nɨɨnga.

1 Zon 3:8

Fhum fhara guarara Fhe Bakɨme kha nuian gu bigi ga muuŋgi, Satan hɨgap, tɨva mbatɨga ndi kha nuiana khɨngiap, zazera tɨvi mbatɨgi ga mbui. Maaŋ muuŋgiap guma tɨvi mbatɨgi ga mbui, ana Satan guma ma. Satan maaŋ mbuim, Fhe Bakɨmen Kam, anan ŋaara farfav, ana vharvhara zav zergi.

1 Zon 4:15

Guma the maaŋ muuŋgip khaŋ suanga, “Zisas, ana Fhe Bakɨmen Kam ma.” Maaŋ nzuai guma, Fhe Bakɨme ana phorga kim, ana Fhe Bakɨme phorga ki.

1 Zon 5:1

Fhe Bakɨme taagip wo gumgi gu mbigi ndir zav suaŋgiap sarigi guma Zisas, guigira ana khothɨgi gumgi, mbe Fhe Bakɨmen tari ma. Mba guigira wari won ndavir ndia bavira nɨɨŋgi gumgi, mbe vhɨra guigira wari won ndavir anan tari ga ndɨɨi.

1 Zon 5:20

Nza kaŋgi, Fhe Bakɨmen Kam, ana kha nuianan zergi. Ana zergap, ndɨkndɨgar nza ndɨɨi, nza guigira Fhe Bakɨme kaŋgi, ana guigira Fhe Bakɨme ma. Nza Fhe Bakɨme guara phorgɨp, vhɨra ana Kam Zisas Krais, nza vhɨra ana phorgɨrga. Zisas Krais, ana vhɨra Fhe Bakɨme ma. Ana zazera mbara muuŋgiap ki bɨɨŋbɨɨŋ nɨɨŋge ma.

1 Zon 5:5

The kha nuiana tɨvi mbatɨgi ŋkasŋka daaŋgia mbur khɨngi? Guma khueŋ khothɨgi, Zisas Krais, ana Fhe Bakɨme Kam ma, mba guma, ana kha nuiana tɨvi mbatɨgi ŋkasŋka daaŋgia mbur khɨngi.

2 Zon 1:7

Nde mbarara, gumgi vhɨrve, mbe nza guiguigi zav, za kha nuiana rui. Mbe Zisas Krais kha nuianan zergap, guma guara gegi, mbe ne khothɨgi fhu. Maaŋ nzuai gumgi, mbe bigi guiguigi gumgi ma, mbe vhɨra Zisasan pana gumgi ma.

Vhagi Buni 2:18

Mba guma mba buni nzua vo wom khaŋ nzuai, “Ndu buni thari khergip, Taiatairan ŋgu bakɨmen ki sios gari enser ndi mbarari. Mba buni khaŋ muuŋgi, ‘Gu Fhe Bakɨmen Kam ma. Nan rɨmani foga shiav, vhav, foga shi fara muuŋgiap, guigira foga shi. Nan ŋkarveni, mbe bras hɨvgim, ana ŋgara gari fara muuŋgi. Gu kha buni ndiv, nde ndi mbai.