Matiu 7:6 - Fhe Bakɨmen Kaman Kameŋ

⁶ “Nde Fhe Bakɨme won mbuigi bigi, nde nta ndiv fein nɨɨŋ thari. Nde muuŋv kɨrim, mbe dorgɨp taagi ndera segɨrga. Nde vhɨra wari won karigi vhuuiŋ fuv daa ga su thari. Nde maaŋ muuŋgirga, daa fhura nta thiphogirga.”

Matiu 7:6 Iomraidhean Croise

Matiu 15:26

Ana maaŋ nzuaim, Zisas ana ŋgarkarav khaŋ ana nzuai, “Nza tarir mba ndi feiŋ ga sui ne nzerigi fhuvara.”

Matiu 24:10

Mba tugen na khothɨgi gumgi vhɨrve, mbe na khothivɨ tharga. Mbe na khothivɨ thav, mbe nduarira panan warira kegɨp, mbe nduarira warira suaŋv wari won pana gumgi ga suanga.

Matiu 7:5

Ndu bigi shɨshɨgi guma ma. Ndu fharav mba wo rɨman ki khanararaŋ bakɨme ndigiri. Ndu ne ndigip, ndu tuituigip ganɨv, ndu zumgum won ŋguga tɨn mba kha nina bisaneŋ ndirga.

2 Korin 11:26

Gu tugi vhɨrvera, gu saman ki ŋguir vov, gu phara bakɨvi ga rav, gu tuman muun za mbuav, gu vhɨra kɨɨv shogi gumgi, mbe tuav rɨksɨgivigen kav, nan farfar za muuŋgi. Nan kaa gumgira nan farfa za mbuim, vhɨra harigi fhaiŋ ntɨɨri, mbe vhɨra nan farfa za mbui. Gu ŋgui bakɨvir kim, mbe na farfa za mbui. Gu vhɨra mba gumgi vhɨrve ki fhuv ŋanin tuavi rɨksɨgivigen kim, mbe nan farfar za mbui. Gu vhɨra mbasɨga rɨgar, gu vhɨzɨ za muuŋgi. Mba guigira Zisas khothɨgi nen wari ga shɨkshɨgi gumgi, mbe vhɨra na vhɨzɨ za muuŋgi.

Firipai 3:2

Nde tɨvi mbatɨgi ga mbui gumgi rɨvɨri. Mbe ndɨkndɨgi vhuuiŋ ki fara muuŋgi fhuvara. Mbe khaŋ tɨgɨp havhargiap fhavir farfa zav nzuai. Nde mba khesharigi gumgi rɨvɨri.

Hibru 10:29

Maaŋ muuŋgiap, nde ram mbui ndɨkndɨgar kɨr Fhe Bakɨmen Kama segi gumgi gu mbigi ga mbui. Mbe guigira ana thiphogɨp, ana mbuigi fara muuŋgi. Krais vɨzɨn, ana mba Fhe Bakɨme suaŋgi kaman kameŋ, ana ne havhargi. Mba vɨzɨn mba gumgi gu mbigi ga muuŋgim, mbe Fhe Bakɨme gumgi gu mbigi guarira kav, mbe ŋgarav ki. Mba gumgi gu mbigi, mbe ntigem mba vɨzɨna muuŋgim, an fhura ki vɨzɨna fara muuŋgi. Mbe vhɨra buni mbatɨgar fhura gumgir kora mbui Ŋina ga suaŋgi. Mba khesharigi tɨvi ga mbui gumgi gu mbigi, mbe ram muuŋgip wari wo muuŋgi tɨvi mbatɨgi vheza ŋkɨɨav rɨv ŋgegɨrie? Zakɨra fhuvara!

2 Pita 2:22

Mba mben hi tɨvi, nta guigira, mbe ntan vhunama sav khaŋ nzuai, “Fiaŋ ana viagiap, ana wom vov, wo viagi pi.” Mbe nzuai kama mueŋ vhɨra khaŋ nzuai, “Dam ruagiap, wom vov, nonɨga ndogi.”

Vhagi Buni 22:15

Mba feiŋ mbui tɨvi mbatɨgi ga mbui gumgi gu mbigi, mba kugi ga mbui gumgi gum, mba mbarkɨrga tori ga mbuav, ruarir gumgi gu mbigi wari kɨɨv, wari ndi gumgi gu mbigi gum, gumgi gu mbigi shogim, mbe vhɨzi gumgi gum, mba mbarɨvi gu tori rotu mbui gumgi gu bigi, guiguigi gumgi mba guiguigi tɨvi zɨn vui gumgi, mbe Fhe Bakɨmen ŋgu bakɨme vhen ŋgirgɨrga tuktɨgi fhu. Mbe anan ŋgun kɨrar kegɨrga.