Matiu 7:4 - Fhe Bakɨmen Kaman Kameŋ

⁴ Ndu mba khanararaŋ bakɨme ndu rɨma ŋgorgɨp kɨrim, ndu ram muuŋgip ganɨp khaŋ wo ŋguga suaŋrie, ‘Na ŋguk, gu ndu rɨman ki nduigɨna bisaneŋ ndigirga?’

Matiu 7:4 Iomraidhean Croise

Matiu 23:24

Nde rɨmgi mbatɨgi gumgi, nde tuavar harigi gumgi khɨvɨr za mbuire? Nde phukshaaŋ bisaneŋ garim, ne nde mba rɨgim, nde ne ndigi. Nde mba kemor ruma gangi fhuvara. Nde mba pav ana khɨga mbegi.

Matiu 7:3

Ndu thaŋ nzuav mba kha nina bisaneŋ ndun ŋguga rɨman kim, ndu ne gangiap nzuai. Ndu ne gangia nzuav, ndu won rɨman mba khanararaŋ bakɨme gangi fhuve?

Matiu 7:5

Ndu bigi shɨshɨgi guma ma. Ndu fharav mba wo rɨman ki khanararaŋ bakɨme ndigiri. Ndu ne ndigip, ndu tuituigip ganɨv, ndu zumgum won ŋguga tɨn mba kha nina bisaneŋ ndirga.

Ruk Khergi Kaman Vhuuŋ 6:42

Ndu maaŋ muuŋgip ndu ram muuŋgip ganɨv, khaŋ won kɨvntoga suaŋrie? ‘Ena, ndu khar zɨrim, gu ndu rɨmatugar mba ndigɨna bisaneŋ ndigirga.’ Ndu maaŋ ana nzuai, ndu wora gangi fhuvara, khanararaŋ rumeŋ ndu rɨmatuga ŋkorga ki. Ndu bigi shɨshɨgi guma ma. Ndu fharav wo rɨmatugar mba khanararaŋ rumeŋ ndigɨri. Ndu ne ndigɨp, ndu nzerara ganɨv, ndu won kɨvntoga rɨmatuga mba ndigɨna bisaneŋ ndigɨrga.”