Matiu 6:4 - Fhe Bakɨmen Kaman Kameŋ

⁴ Nde maaŋ muunga, nde mba harigi ntɨɨri kora mbuav mbe mbui tɨvi, nta zorgɨ kɨrga. Nde Ndia ana zorga mbui bigi, ana nta kaŋgi, ana ne suaŋv vhezar nden nɨɨnga.”

Matiu 6:4 Iomraidhean Croise

Matiu 10:42

Maaŋ muuŋgip, guma the kha ndɨkndɨgar muunga, ‘Gu Zisas phorga rui gumgir kurkurarga.’ Ana maaŋ suaŋgip, ana fhura mbɨn ŋamtɨŋ thigen thaman tɨgɨp fhura khar na phorga rui guma o mbiga then nɨɨŋgirga. Gu guigira khar nde nzuai, mba guman vhez fhura mbar ŋgɨgɨrga tuktɨgi fhuvara. Mba guma ana won vheza ndigɨrga.”

Matiu 6:18

Nde maaŋ muuŋgirga mba gumgi gu mbigi, mbe nde mba thagi ne kaŋgirga tuktɨgi fhuvara. Nde Ndia, ana zorga ki, ana nduara nde kaŋgirga. Nde Ndia ana zorga ki bigi, ana nta kaŋgi, ana nduara ne suaŋv vhezar nden nɨɨnga.”

Matiu 6:3

Nde bigir bigi sosuagi gumgir kurkurar saŋv, ndun ŋkɨn hareŋ ndun guva hareŋ kaŋgirim, ana mba bigɨnan bigi sosuagi gumgir nɨɨŋ thari.

Matiu 6:6

Nde maaŋ muuŋ thari, nde Fhe Bakɨme phorgɨ suan saŋv, nde ŋgɨp, wari won phena vhen ŋgirgɨp, thɨm puigip, wari wo Fhe Bakɨme phorgɨ suaŋri, ana zorga ki. Nde Ndia, ana zorga mbui bigi, gum zorga ki bigi ana nta gari. Ana ne suaŋv vhezar nden nɨɨnga.

Ruk Khergi Kaman Vhuuŋ 14:14

Ndu maaŋ muuŋgirga, Fhe Bakɨme tɨvar vhuun ndun muunga. Mba khesharigi gumgi, ndu mben kamgi, mbe zumgum ndu shama ŋgarkararga tuktɨgi fhuvara. Ndu zumgum mba tɨvar vhuuaŋ muuŋgi gumgi, mbe vhɨzgi, mbe taagip khavɨrga, Fhe Bakɨme mba tugen ndu shama ŋgarkararga.”

Ruk Khergi Kaman Vhuuŋ 8:17

Gu guigira khar nde nzuai, nde mba vhagi bigi, nta zumgum kɨrar hegɨrga. Nde vhɨra mba zomzora mbui bigi, nta vhɨra zumgum kɨrar hegɨrga.

1 Korin 4:5

Fhe Bakɨme nza khar mbui tɨvi ga suaŋv nza suanga tuk ntigar. Maaŋ muuŋgiap, nde fhumra harigi gumgi mbui tɨvi ga suaŋv mbe suaŋ thari. Nde Guma Bakɨme rargɨri, ana zirɨrga. Ana mba zorga gɨngɨnan ki bigi, ana nta ndiv kɨrar vhava ŋaara khɨngirga. Ana za mba gumgir ndɨkndɨgi ndiv kɨra khɨngirga. Mba tugen nza bevbevira, Fhe Bakɨme nza muuŋgi ŋaari ga suaŋv nzan ndikndigirga.

Hibru 4:13

Fhe Bakɨme muuŋgi bigɨn the, ana nɨman zorgɨrga tuktɨgi fhuvara. Kha bigi za ntarav, ana nɨman za kɨrara ki. Nza nduarira wari wo muuŋgi tɨvi bun Fhe Bakɨme suanga.

Khe Zut Khergi Gap 1:24

Fhe Bakɨme nde ganɨnga, nde rɨgɨrga tuktɨgi fhuvara. Ana vhɨra nde ndigi ŋgɨp, won ŋgun vhuun ŋgɨgɨrim, nde ana nɨman simtɨk thueŋ kegɨrga fhu, nde ana han kɨv, nde guigira ndikndigɨrga.

Vhagi Buni 2:23

Anan tari vhɨra, gu mbe shogɨrim, mbe vhɨzgirga. Gu maaŋ muuŋgirga, mba siosi za kaŋgirga, gu tuituigira gumgi ndavi vheri gum mben ndɨkndɨgi gari. Gu nde bevbevira mba mbui tɨvi tugɨratɨgɨp nta suaŋv vhezar za nden nɨɨŋgirga.