Matiu 5:8 - Fhe Bakɨmen Kaman Kameŋ

⁸ “Nde ndavi ŋgarav ki gumgi gu mbigi, nde ndikndigɨri. Nde Fhe Bakɨme gangirga.

Matiu 5:8 Iomraidhean Croise

Farasegi Gumgi 15:9

Ana vhɨra, ana tɨva then nza mbuav, ana harigi tɨvar mbe mbui fhuvara. Zakɨra fhuvara! Mbe ana khothɨgim, mba tuavra ana mbe muuŋgim, mbe ana nɨman ŋgarigi.

1 Korin 13:12

Gu ntigem Fhe Bakɨmen bigir fɨgiveiŋra kaŋgi. Nza vhɨra mba bigi garim, nta mbɨ pu sharigi fara muuŋgim, nza tuituigiap nta gari fhuvara. Nza zumgum mba tugar, nza tuituigip mba bigi ganɨnga. Nza ana ganɨv, ana ntigem guigira nza kaŋgi tɨvar muuŋgip, nza guigira ana kaŋgirga.

2 Korin 7:1

Nde na phorgap guigira Zisas khothɨgi gumgi, nza Fhe Bakɨme nza suaŋgi bigi, ana nta nza muuŋgi. Maaŋ muuŋgiap, nza mba nzan fhavi gu ntuu ga mbuim, nta Fhe Bakɨme nɨman nzaŋnzai tɨvi mbatɨgi, nza nta tharga. Nza kɨv rɨvɨv, guigira Fhe Bakɨme piin kɨv, guigira za warir ana nɨɨŋv, zazera tɨvir ŋaarira zɨn ŋgɨrga.

Taitus 1:15

Mba gumgi gu mbigi, mbe nduarira, mbe Fhe Bakɨme nɨman ŋgararga, mbar kɨrga bigi, nta vhɨra ŋgarigim, mbe nta ndi. Mba gumgi gu mbigi, mbe Fhe Bakɨme nɨman maaŋ muuŋgip, tɨvi mbatɨgi zɨn ŋgɨp, mbe Krais khothɨgi fhu, mba bigɨn the ŋgararga tuktɨgi fhu. Ne khaŋ muuŋgi, mben ndɨkndɨgi gum mben ndavi Fhe Bakɨme rɨmani nɨman nzaŋnzaŋgi.

Hibru 10:22

Ana wo vɨzɨn nza ndavi vheri buiŋgi fara muuŋgi. Ana nza muuŋgi tɨvi mbatɨgir simtɨgi vhɨzɨr zav maaŋ nza muuŋgi. Ana maaŋ nzan muuŋgirim, nza kaŋgi, nza Fhe Bakɨme nɨman ŋgarigi. Ana guigira khɨrgia khomara gangi mbɨn nza fhavi ruagi. Maaŋ muuŋgiap, mba nza ndavi vherir ki guiguigi tɨvi, nza za nta vhararim, nta nza thav sari. Nza guigira Fhe Bakɨme khothivɨv, guigira ana hara ŋgɨrga.

Hibru 12:14

Nde khaŋ tɨgɨ havhargip, guigira za kha gumgi phorgɨp, tuituigiap piigiap ki tɨvi zɨn ŋgɨp, za mbe phorgɨp, ndavi mbɨrav wari kɨri. Nde vhɨra khaŋ tɨgɨ havhargip, Fhe Bakɨmen tɨvir ŋaari zɨn ŋgɨri. Guma Fhe Bakɨmen tɨvi ŋaari anan ki fhu, ana Guma Bakɨme gangirga tuktɨgi fhuvara.

Hibru 9:14

Mbe mba mbui tɨv, Zisas vɨzɨn, ana guigi guarara mba tɨva kambarigi. Nta nza fhum muuŋgi tɨvi mbatɨgi vhɨzav, nzan kurkurigi fhu. Krais, ana bigɨn mbatɨga thueŋ muuŋgim, nen simtɨk anan ki fhuvara. Zakɨra fhuvara! Ana mba zazera mbara muuŋgiap ki Ŋina Ŋaara ŋkasŋkar panan, ana wo ndim, Fhe Bakɨme nɨɨŋgiap, ana nza nzuav ofa muuŋgi. Maaŋ muuŋgiap, ana vɨzɨn, nza ndavi vherira mbuim, nta ŋgarigi fhuvara. Zakɨra fhuvara! Ana nza fhum rotu muuŋgi tɨvi, nza wom nta ndɨkndɨgi fhu, nza Fhe Bakɨme nɨman za guigira ŋgarigi. Maaŋ muuŋgiap, nza mba zazera mbara muuŋgiap ki Fhe Bakɨme tɨvi, nza nta zɨn ŋgɨp, anan ŋaarar muunga.

Zems 3:17

Mba Fhe Bakɨme han kega zeri ndɨkndɨgi vhuuiŋ, kha khesharigi tɨvi ga mbui. Fharigi tɨv khare, mbe ndɨkndɨgi ŋaarira zɨn vui. Ara thɨgi ne khare, mbe harigi ntɨɨri phorgap ndava bavira kav, mbarara mbe nzuav, harigi gumgi ga ndɨkndɨgav, harigi gumgi nzuai buni mbararagi. Mbe vhɨra guigira harigi ntɨɨri kora mbuav, tɨvir vhuuiŋra mbe mbui. Mbe mba mbui tɨvara za mba gumgi ga mbui. Mbe vhɨra tɨvir vhuuiŋ zɨn ŋgɨrgen wari guiguigi fhuvara. Zakɨra fhuvara! Mbe guigira tɨvir vhuuiŋ zɨn vui.

Zems 4:8

Nde za guigira Fhe Bakɨme hara ŋgɨgɨrim, ana za nden hara zɨgɨrga. Nde tɨvi mbatɨgi ga mbui gumgi, nde wari wo fari ruagiri. Nde ndɨkndɨk phuni ki gumgi, nde mba ndɨkndɨgi mbatɨgi, nde wari won ndavi vherir nta vharari.

1 Pita 1:22

Nde guigira buna guareŋ zɨn vui. Nde maaŋ mbuav, nde nduarira Fhe Bakɨme rɨmani nɨman ŋgarav ki. Nde maaŋ mbuav, nde wari won ndavir nza phorgɨp guigira Zisas khothɨgi gumgi gu mbigi ga ndɨɨi. Nde maaŋ mbui, nde khaŋ tɨgɨp havhargip, guigira mbe vuzvugɨp, guigira wari won ndavir za mben nɨɨŋri.

Vhagi Buni 22:4

Mbe ana rotur muuŋv ana khoma ganɨnga. Ana wo zɨn mbe ŋivkɨrir kherɨrga.