Matiu 5:4 - Fhe Bakɨmen Kaman Kameŋ

⁴ “Nde ntigem nzi gumgi gu mbigi, nde ndikndigɨri. Fhe Bakɨme nde ndavir muuŋgirim, nta mbɨrarga.

Matiu 5:4 Iomraidhean Croise

Ruk Khergi Kaman Vhuuŋ 16:25

“Ana maaŋ nzuaim, Abraham mbaram khaŋ ana nzuai, ‘Ndu nan kam ma, ndu bigɨn thueŋ ndɨrgɨri. Ndu fhum ŋam kav, ndu kha bigi vhuuiŋve, ndu zam nta ndigi. Ndu Rasarus garim, ana bigi mbatɨgi ndigi. Ndu ntigem ana garim, ana kha ŋgun ana mpirmpirɨga vhuuaŋ muuŋgiap, ndav mbɨrav kim, ndu ntigem zaa mbatɨga ndi.

Ruk Khergi Kaman Vhuuŋ 6:21

Nde ntige thi hi ntɨɨri, nde ndikndigɨri. Nde zumgum bigi tuktɨgɨrga. Nde ntige nzi ntɨɨri, nde ndikndigɨri. Nde zumgum kɨrsaaŋ muunga.

Ruk Khergi Kaman Vhuuŋ 6:25

Nde ntige mba mbatɨga mbuav ndikndigi ntɨɨri, nde warir rɨvɨri. Nde zumgum guigira thir vhɨzɨrga. Nde ntige ndikndigap kɨrsaaŋ ga mbui ntɨɨri, nde warir rɨvɨri. Nde zumgum sɨsɨma mbatɨgar muuŋv nzirga.

Ruk Khergi Kaman Vhuuŋ 7:38

Mba mbik zav Zisas han zɨgap, ana zɨnkɨrar ana suani piiŋ thɨgap nzi. Ana nzim, anan theerphara Zisas ŋkarveni ga ri. Anan theerphara Zisas ŋkarveni ga regim, ana mbaram won pana rɨgira Zisas ŋkarveni mbɨrgiap, Zisas ŋkarveni suirav, ni viavav, ni khoman mpari. Ana mba tɨvar Zisas ŋkarveni ga muuŋgiap, mbaram mba ndɨgar vhuuŋ hi mporiiŋ siav Zisas ŋkarveni ga suav, mba mporiin ana ŋkarveni hɨvi.

Ruk Khergi Kaman Vhuuŋ 7:50

Mba gumgi mba ndɨkndɨga mbuim, Zisas mbaram khaŋ mba mbiga nzuai, “Ndu na khothɨgi, Fhe Bakɨme ntige taagia ndu ndigi. Ndu ntige ndav mbɨrav ŋgɨv, ndava mɨɨtɨgar kɨri.”

Zems 1:12

Guma thɨga havhargiap, anan hi simtɨgi ana nta ndi, ana ndikndigɨri. Ana maaŋ muuŋgip, anan hi simtɨgi, ana nta khɨgɨ tɨgɨrga Fhe Bakɨme zazera mbara muuŋgiap ki bɨɨŋbɨɨn ana nɨɨŋgirga, ana ana vhez ma. Guigira wari won ndavir Fhe Bakɨme nɨɨŋgi gumgi, ana mba vhezar za mben nɨɨn zav suaŋgi.

Vhagi Buni 21:4

Ana nduara zɨv, wo farvenin mbe thee phara mbɨrgirga. Mba gumgi gu mbigi mbe wom vhɨzɨrga fhu. Mbe wom simɨnga fhu. Mbe wom nzirga fhu. Mbe vhɨra wom zaahɨrga fhu. Mba fhum mben hi bigi, nta za vhɨzgi.”