Matiu 2:23 - Fhe Bakɨmen Kaman Kameŋ

²³ Zosep manin ko vera vov, mbe kha zɨn rɨgi ŋgun ki. Mba ŋgu zɨ Nasaret, kha kameŋ ne fhum Fhe Bakɨme kamthooŋ guma suaŋgi kameŋra mɨnan vugi. Mba kameŋ khaŋ nzuai, “Mbe khaŋ ana suanga, Nasaret guma.”

Matiu 2:23 Iomraidhean Croise

Matiu 1:22

Mba bigi maaŋ muuŋgip hɨgɨp, mba Fhe Bakɨme kamthooŋ guma fhum suaŋgi bunira zɨn ŋgɨgɨrga. Fhe Bakɨme kamthooŋ guma fhum khaŋ suaŋgi,

Matiu 21:11

Mba ndai gumgi gu mbigi, mbe khaŋ nzuai, “Ana Zisas ma! Ana Fhe Bakɨmen kamthooŋ guma ma. Ana Garirin ŋgu bisaneŋ Nasaretan kegap ndai.”

Matiu 26:71

Ana ne suaŋgiap, mbara khavgia vov, mba bɨna thɨmkamanin ki phenan vui. Ana vuim, harigi ŋaara mbik ana gangiap, khaŋ maaŋ ki gumgi gu mbigi ga nzuai, “Kha guma, ana vhɨra mba Nasaret guma Zisas phorga kegi.”

Mak Khergi Kaman Vhuuŋ 1:24

Ana nzɨɨv khaŋ nzuai, “Ndu ram nzan muun za mbui, Nasaret guma Zisas? Ndu nzan farfa za zɨgire? Gu ndu kaŋgi. Ndu Fhe Bakɨmen Guma Ŋaar ma!”

Mak Khergi Kaman Vhuuŋ 1:9

Mba tugen, Zisas Garirin ŋgu Nasaretan kegap, Zon han zim, Zon Zordan mbɨn ana ruai.

Ruk Khergi Kaman Vhuuŋ 1:26

Erisabet wo ndava kim, mpora thɨgi kɨni hɨgim, Fhe Bakɨme won enser Gebrier ga sarigi. Fhe Bakɨme Gebrier ga sarav khaŋ ana nzuai, “Ndu Gariri ŋgu bisaneŋ Nasaretan ŋgirɨri. Ndu ŋgirɨv, biptara kama mbe, ana fhum guma the phorga kuigi fhuvara. Mbe guma mbe nzuav ana ndi fagim, ana ki. Mba guma zɨ khare, Zosep. Ana Devitan nzɨk ma. Mbe mba fagi biptara kama zɨ khare, Maria.”

Ruk Khergi Kaman Vhuuŋ 18:37

Ana mba nzambaran mbe mbuim, mbe khaŋ ana nzuai, “Nasaret guma Zisas mbur zi.”

Ruk Khergi Kaman Vhuuŋ 2:39

Mba tugen Maria gu Zosep mba Fhe Bakɨme phena bɨna vhen vhergap, mani mba Guma Bakɨme muun za suaŋgi tɨvi, mani za mba tɨvi ga muuŋgi. Mani mba tɨvi ga muuŋgiap, mbaram mba Fhe Bakɨme Phena thav, wani taagiap, mbe Garirin wo ŋgu bisaneŋ Nasaretan vergi.

Zon Khergi Kaman Vhuuŋ 18:5

Mbe ana ŋgarkarav khaŋ nzuai, “Nza Nasaret guma Zisas ndi gari.” Zisas mbara khaŋ mbe nzuai, “Gura khare.” Zudas, ana ndi mbe farve ga sui guma, ana mbe phorga thɨgap ki.

Zon Khergi Kaman Vhuuŋ 18:7

Zisas mbara taagia mben nzarigi, “Nde the ndi gari?” Mbe khaŋ nzuai, “Nasaret guma Zisas.”

Zon Khergi Kaman Vhuuŋ 19:19

Pairat vhɨra mbe nzuaim, mbe kama mueŋ khergiap, Zisasan khanarareŋ ga ntorgi. Mba kameŋ khaŋ nzuai, “Zisas Nasaret guma, Zudain ŋgui vhɨrve gari guman pan.”

Farasegi Gumgi 2:22

“Nde Isreriŋ gumgi, nde khuaran na bunin tɨgɨri. Gu Nasaret guma Zisas bun nde suan za mbui. Fhe Bakɨme ndera nzuav Zisas ga sarigim, ana zergi. Nde nduarira wari wo rɨmgi thugira ana garim, ana nde rɨgar kav, Fhe Bakɨme ŋkasŋkan panan, won farvenira ana ŋaari bakɨvi ga mbuav, mirikori ga muuŋgi. Fhe Bakɨme ana panan maaŋ muuŋrim, nde gangip kaŋgirga, Fhe Bakɨme nduara ana farasarigi.

Farasegi Gumgi 24:5

Nza kha guma garim, ana simtɨgi vhɨrve khavi. Ana za kha nuianan ki Zudaiŋ, ana za mbe phorga ntari khavi guma ma. Ana maaŋ mbuav, ana vhɨra mba nza thav wari shɨrav ki ntɨɨri, mbe kha zɨn mbe rɨgi, Nasaretiŋ. Ana mben guman pan ma.