Matiu 2:22 - Fhe Bakɨmen Kaman Kameŋ

²² Mbe verav Zosep mbararagim, Arkeraus won ndia Herot ŋana ndigap, ŋgui vhɨrve gari guman pan kav, Zudia fhaiŋ gari. Maaŋ muuŋgiap, Zosep rivgi. Zosep rivgim, Fhe Bakɨme wom rɨman ana kharav kama havharar ana suaŋgim, ana mbaram maaŋ thav, khavgia vov, Gariri fhain vergi.

Matiu 2:22 Iomraidhean Croise

Matiu 1:20

Zosep ana thamthar zav wo ndav vhera mba ndɨkndɨga mbuav ki. Ana mba ndɨkndɨga mbuav kim, maan Fhe Bakɨme enser mbe rɨman ana kharigi. Ana rɨman ana kharav khaŋ ana nzuai, “Zosep, Devitan nzɨk, ndu Marian rɨgɨrgen rɨvɨ thari. Ndu mbarara! Maria ndavar ki tar, Fhe Bakɨmen Ŋina Ŋaar nduara mba tarar ana ndava vhee sarigi.

Matiu 2:1

Maria Zudia ŋgu bakɨme fhain Betrehem ŋgu bakɨmen Zisas tegi. Maria Zisas tegi tugen, Herot Zudia fhain ki ŋgui vhɨrve gari guman pan ki. Maria Zisas tegim, bigi kaŋgi gumgi mbari, mbe ra ndai fhain kegap, nda zav Zerusareman ndav, tamtam mba gumgir nzav, khaŋ nzambaran mbe mbui.

Matiu 2:19

Zosep gu Maria mba tara ndigap Idzɨvra kim, Herot rimgim, Fhe Bakɨme enser, ana wom zav rɨman Zosep kharigi.

Matiu 2:21

Ana rɨman Zosep kharav, maaŋ ana suaŋgim, Zosep mbaram mba tara ndigap, ana niamuun kov, mbe taagia khavgiap, Isrera fhain veri.

Matiu 3:13

Zon Gumgi Ruai Guma mba gumgi gu mbigi ruai tugivigen, Zisas Gariri kegap, Zordan mbɨn vui. Ana vov, Zon han vugap wo ruar zav Zon Gumgi Ruai Guma ga nzuai.

Ruk Khergi Kaman Vhuuŋ 2:39

Mba tugen Maria gu Zosep mba Fhe Bakɨme phena bɨna vhen vhergap, mani mba Guma Bakɨme muun za suaŋgi tɨvi, mani za mba tɨvi ga muuŋgi. Mani mba tɨvi ga muuŋgiap, mbaram mba Fhe Bakɨme Phena thav, wani taagiap, mbe Garirin wo ŋgu bisaneŋ Nasaretan vergi.

Zon Khergi Kaman Vhuuŋ 7:52

Mbe ana buneŋ ŋgarkarav khaŋ ana nzuai, “Ndu vhɨra, ndu Gariri guma thi? Ndu tuituigip Fhe Bakɨmen buni vhuuiŋ ki gava gangip, ndu khueŋ kaŋgirga. Fhe Bakɨmen kamthooŋ guma the Garirin hɨgɨrga tuktɨgi fhuvara.”