Matiu 2:2 - Fhe Bakɨmen Kaman Kameŋ

² “Mba Zudain ŋgui vhɨrve ganɨnga guman pan kɨrga tar, ana niamuuŋ ana tegi, ana maaŋ ki? Nza mba tara bun nzuai kama bakɨme, ana ra ndai fhain hɨgim, nza ana gangiap, mba tara nɨman thɨvi phɨrɨr zav ana ndi garav zi.”

Matiu 2:2 Iomraidhean Croise

Matiu 2:3

Mbe ne nzuaim, ŋgui vhɨrve gari guman pan Herot ne mbararagiap ndɨkndɨgi vhɨrve ga mbui. Ana ndɨkndɨgi vhɨrve ga mbuim, mba Zerusareman ki gumgi gu mbigi, mbe vhɨra ndɨkndɨgi vhɨrve ga mbui.

Matiu 21:5

“Kha kamen Saionan ki ntɨɨri ga suaŋri. ‘Nde ganɨ! Nden ŋgui vhɨrve gari guman pan ntige zi. Ana zɨ ki fhuv guma fara muuŋgiap zi. Ana doŋki mbe tɨ perav zi. Ana doŋki ŋguga mbe tɨ perav zi.’ ”

Matiu 27:11

Mbe Zisas ndiga vov ŋgui gari guman pana vhari Pairat nɨman fagim, ana Pairat nɨman thɨgim, Pairat kha nzambarar ana muuŋgi, “Ndu Zudain ŋgui vhɨrve gari guman pan e?” Ana mba nzambarar Zisas ga muuŋgim, Zisas khaŋ nzuai, “Ndu za mbar ne nzuai.”

Ruk Khergi Kaman Vhuuŋ 19:38

Mbe Fhe Bakɨme zɨ ndi vun kuamkuav khaŋ nzuai, “Fhe Bakɨme ndikndigar vhuun kha ŋgui ganɨnga guman panan muuŋri. Ana Guma Bakɨme zɨ muuŋgi zi. Fhe Bakɨme nza nzuav ndav mbɨrari, nza ne suaŋv Fhe Bakɨme zɨ ndi vun guarara kuamkuarga.”

Ruk Khergi Kaman Vhuuŋ 2:11

Nde na mbarara, ntige kha maan Devit ŋgu bisaneŋ Betreheman, taagi nde ndiv nden kurkurarga guma, ana niamuuŋ ana ruagi. Ana Fhe Bakɨme taagiv kha nuianan ki gumgi gu mbigi ndir zav suaŋgiap farasarav sarigi guma ma, ana Guma Bakɨme ma.

Ruk Khergi Kaman Vhuuŋ 23:3

Mbe ne nzuaim, Pairat Zisasan nzarigi, “Ndu kha Zudaiŋ gari guman pan ee?” Ana ne nzuaim, Zisas mbaram ana ŋgarkarav khaŋ ana nzuai, “Ahaŋ, ndu nduara mbar ne nzuai.”

Ruk Khergi Kaman Vhuuŋ 23:38

Mbe vhɨra kama mueŋ khergiap, ana pana shɨn ana khanarareŋ ga ntorgi. Mba kameŋ khaŋ nzuai, “Kha guma, ana Zudaiŋ gari guman pan ma.”

Zon Khergi Kaman Vhuuŋ 1:49

Natanier mba kameŋ mbararagiap khaŋ nzuai, “Guman Rum, ndu Fhe Bakɨmen Kam ma. Ndu Isrerin ŋgui vhɨrve gari guman pan ma.”

Zon Khergi Kaman Vhuuŋ 12:13

Maaŋ muuŋgiap, mbe tumaraŋ nzari hargiap, anan puav tuavar veri. Mbe verav kaa khaŋ nzuai, “Nza Fhe Bakɨmen ndikndigi. Fhe Bakɨme tɨvir vhuuiŋ kha guman muuŋri. Ana Fhe Bakɨme zɨn panan zi. Fhe Bakɨme tɨvir vhuuiŋ kha guma muuŋri. Ana Isrerin ŋgui vhɨrve gari guman pan kɨrga.”

Zon Khergi Kaman Vhuuŋ 18:37

Pairat thav ana nzarigi, “Maaŋgi, ndu guigira ŋgui vhɨrve gari guma pana the, e?” Zisas mbara ana ŋgarkarav khaŋ nzuai, “Ndu mba ŋgui vhɨrve gari guman pana nzuai kameŋ, ne ndun kameŋra. Nan niamuuŋ na tegi, gu kha nuianan hɨgi, gu ŋaara bavira muun zav hɨgi. Gu buni guarira bun suaŋrim, kha gumgi gu mbigi na buni mbarararga. Mba buni guari mbararav nta zɨn vui gumgi, mbe na buni mbararagi.”

Zon Khergi Kaman Vhuuŋ 19:19

Pairat vhɨra mbe nzuaim, mbe kama mueŋ khergiap, Zisasan khanarareŋ ga ntorgi. Mba kameŋ khaŋ nzuai, “Zisas Nasaret guma, Zudain ŋgui vhɨrve gari guman pan.”

Zon Khergi Kaman Vhuuŋ 20:28

Tomas mbara ana ŋgarkarav khaŋ nzuai, “Ndu nan Guma Bakɨme ma. Ndu nan Fhe Bakɨme ma.”

Zon Khergi Kaman Vhuuŋ 5:23

Maaŋ muuŋgiap, kha gumgi, mbe Ndia zɨ ndiv vun kuamkuagi tɨvara, mbe zam Kama zɨ ndiv vun kuamkuarga. Guma, ana Kama zɨ ndiv vun kuamkuagi fhu, ana vhɨra mba Kama sarigim, ana zɨgi Ndia zɨ ndiv vun kuamkuagi fhu.

Zon Khergi Kaman Vhuuŋ 9:38

Mba guma thav khaŋ nzuai, “Guma Bakɨme, gu khothɨgi.” Ana ne nzuav, wo thɨpanani phɨrgiap fav, za Zisas rotu mbui.

Hibru 1:6

Ana mba fharigi Kama bavira, ana ana sararim, ana kha nuianan zirɨr zav, ana khaŋ nzuai, “Kha na enseri, mbe za ana rotur muuŋv, ana piin kɨri.”

Vhagi Buni 22:16

Gu Zisas, gu won enser ga sarigim, ana nden han zi. Ana zav nde siosan vhen ki gumgi gu mbigi, ana nde nzuai. Gu nduara mba ŋgui vhɨrve gari guman pan Devitan nzɨgir shɨgar hɨgi nzɨk ma. Gu mba Mɨn Gorɨr Zav Mbuim Manera Ndai Kama Ŋaara Bakɨme” ma.