Matiu 19:11 - Fhe Bakɨmen Kaman Kameŋ

¹¹ Mbe ne nzuaim, Zisas khaŋ mbe nzuai, “Kha gumgi, mbe za kha buneŋ zɨn ŋgɨgɨrga tuktɨgi fhuvara. “Fhe Bakɨme mba ndɨkndɨgar nɨɨŋgi gumgi, mbe nduarira kha buneŋ zɨn ŋgɨrga.

Matiu 19:11 Iomraidhean Croise

Matiu 13:11

Mbe ne nzuaim, Zisas mbe ŋgarkarav khaŋ mbe nzuai, “Fhe Bakɨme fhura nde garim, nde ana wo gumgi gu mbigi ana piin kɨv muunga tɨvi nɨɨŋge, ana nta vhagi. Ana fhura nde garim, nde nta kaŋgi. Ana ntan mbu gumgi gu mbigi vhagi.

Matiu 19:10

Zisas ne nzuaim, ana farasegi 12 thɨgi ŋaara gumgi khaŋ ana nzuai, “Maaŋ muuŋgiap, gumgi mba tɨvar muuŋv wari won muuiŋ phorgɨ kɨrga. Mbe thaaŋ nzuav muuiaŋ rɨgi, mbe fhura mbar kɨ.”

Matiu 19:12

Nde mbarara! Mbarkɨrga gumgi vhɨrve ki, mbe mbari, mbe muuiaŋ rɨgi fhu. Mbe mbari, mbe ndegmbori ndavi vherira, mbe fhavi mbatɨgi. Mbe mbari, mbe ŋgui vhɨrve gari gumgi panin phenan ŋgarɨr zav, mbe mbe thuuri ndigim, mbe muuin rɨgɨrga vuzvuk ki fhu. Mbe mbari, mbe Fhe Bakɨme wo gumgi gu mbigi garim, mbe ana piin ki ŋgu ndɨkndɨga ŋgarav, mbe muuiaŋ rɨgɨ thagi. Guma, ana kha buni mbararav, ana nta zɨn ŋgɨr saŋv, ana kha buni ndiri.”

1 Korin 7:17

Nde bevbevira Guma Bakɨme Zisas nzan mbuigi kɨrɨ tɨva zɨn ŋgɨv kɨrga. Nde ram muuŋgi kɨrɨ tɨvar kim, Fhe Bakɨme nden kamgim, nde mba kɨrɨ tɨva kɨrga. Gu kha tɨva zɨn ŋgɨr zav mba tɨvar za kha siosi ga nɨɨŋgi.

1 Korin 7:2

Ne nzerara, ntigem ruarir gumgi gu mbigi wari ndi tɨv guigira kɨvgim, maaŋ muuŋgiap khaŋ muuŋgirga, ne nzerarga. Gumgi bevbevira, mbe won muuŋra hiari. Mbigi vhɨra, mbe bevbevira, mbe won manira hiari.

1 Korin 7:35

Gu nden kurarim, nde nzerara kɨr zav, gu kha buni nzuai. Gu nde thɨvav kha buni nzuai fhuvara. Zakɨra fhuvara! Gu bigi thari nde ndɨkndɨgi ŋgɨrgeŋ vuzvugi fhuvara. Gu khueŋ vuzvugi, nde tɨvir vhuuiŋra zɨn ŋgɨp zazera Guma Bakɨmen ŋaarar muuŋri.