Matiu 18:10 - Fhe Bakɨmen Kaman Kameŋ

^10-11 “Nde tuituigira wari ganɨri. Nde khueŋ ndɨkndɨgɨ thari, nde rɨgar kha tarire, mbe fhura ki tarire ma. Fhuvara. Gu nde nzuai, Hevenan Fhe Bakɨme enseri, mbe gari enseri ki, mbe zazera mbe nzuav Hevenan na Dara nɨma thivi.”

Matiu 18:10 Iomraidhean Croise

Hibru 1:14

Fhe Bakɨme enseri, mbe ŋiniŋgi ma. Mbe Fhe Bakɨmen ŋaara mbui ntɨɨri ma. Fhe Bakɨme mba taagia ndir za mbui gumgi, ana mbe sasarigi, mbe vov mben kurkurigi.

Ruk Khergi Kaman Vhuuŋ 16:22

“Mba guma mbatɨk maaŋ mbuav kim, ana rɨmɨnga tuk hɨgim, ana rimgim, Fhe Bakɨme enseri, mbe zav ana ndiga vov, Abraham han ŋgun vhuun fagim, ana ana han perav kav, ana phorga pi. Ana rimgim, zumgum mba ŋkɨɨa kɨvgi guma, ana rimgi. Ana rimgim, mbe ana ndi mboga tɨgi.

Matiu 24:31

Ana zirɨrga buiva mbarɨp guigira kɨvgip sɨmɨnga, ana won enseri ga sararim, mbe za kha nuianan ŋgɨp, ana mba farasegi gumgi gu mbigi, mbe mbe fukfugɨrga. Mba Fhe Bakɨme enseri mbe za mba gumgi fukfugɨp, ŋgɨp za kha nuian vhɨzi tɨvara ŋgɨgɨp, mbe ndi ana han zɨrga.”

Ruk Khergi Kaman Vhuuŋ 1:19

Sekaraia mba nzambaran ana mbuim, mba Fhe Bakɨmen enser ana ŋgarkarav khaŋ ana nzuai, “Ndu na kaŋgire? Gu Gabrier ma. Gu zazera Fhe Bakɨme han Hevenan ana nɨman ki enser ma. Gu ana han kim, ana kha kama vhuuen na nɨɨŋgiap, na sarigim, gu mba kama vhuuen ndu suan zav zergi.

Matiu 18:14

Mba tɨvara nden Ndia mbu Hevenan ki, ana fhura kha tara thaneŋ ganɨrim, ana ŋgɨp mbar rɨrgeŋ vuzvugi fhu.”

Matiu 18:6

Zisas mba bunin mbe nzua vov wom khaŋ mbe nzuai, “Guma the maaŋ muuŋgip kha na khothɨgi tara bisaŋ thanen muuŋgirim, ana rɨgɨp tɨva mbatɨga thueŋ muuŋgirim, nde kɨma bakɨ the ndigip ana fhɨra thɨrav, ana fegɨp mbasɨga rɨgɨra khɨngiri. Nde maaŋ muuŋgi, ne nzerara.

Matiu 2:19

Zosep gu Maria mba tara ndigap Idzɨvra kim, Herot rimgim, Fhe Bakɨme enser, ana wom zav rɨman Zosep kharigi.

Matiu 2:13

Mba ra ndai fhain kega zegi gumgi, mbe taagia vegim, Guma Bakɨme maan rɨman Zosep kharigi. Ana wo enser mbe sarigim, ana zav khaŋ Zosep ga nzuai, “Ndu khavgip, kha tara ndigip, ana niamuun kov nde rɨɨv Idzɨvan ŋgegɨri. Ndu ŋgɨgɨp, Idzɨvra kɨri, ne khaŋ muuŋgi, ŋgui vhɨrve gari guman pan Herot mba tara ndiv ganɨv, ana shogirim, ana rɨmɨn za mbui.”

Matiu 1:20

Zosep ana thamthar zav wo ndav vhera mba ndɨkndɨga mbuav ki. Ana mba ndɨkndɨga mbuav kim, maan Fhe Bakɨme enser mbe rɨman ana kharigi. Ana rɨman ana kharav khaŋ ana nzuai, “Zosep, Devitan nzɨk, ndu Marian rɨgɨrgen rɨvɨ thari. Ndu mbarara! Maria ndavar ki tar, Fhe Bakɨmen Ŋina Ŋaar nduara mba tarar ana ndava vhee sarigi.

1 Tesaronaika 4:8

Maaŋ muuŋgiap, guma ana kha kameŋ daaŋgia khɨngi, ana guma suaŋgi kameŋra daai fhuvara. Ana Fhe Bakɨme suaŋgi kameŋ daasui. Mba Fhe Bakɨme, ana won Ŋina Ŋaarar nde ndɨɨi.

1 Korin 11:22

Ee, nde ram khaŋ muuŋgi? Nde pheni ki fhuve? Nde ntan mba gum mbɨn mbɨrga fhuve? Nde khueŋ ndɨkndɨgi thi? Fhe Bakɨme sios, ana fhura ki bigɨn ma? Nde maaŋ muuŋgiap, anan zegap, nde phorgap guigira Zisas khothɨgi gumgi mbari, mbe mba ki fhu. Nde mbe mbuim, mbe mberi. Gu ram nde suaŋrie? Gu nde mbui tɨvar ndikndigɨp nden zɨri ndi vun kuamkuarie? Gu mba khesharigi tɨva suaŋv, gu nden ndikndigirga tuktɨgi fhuvara. Zakɨra fhuvara!

1 Korin 16:11

Nde thari ana ganɨv, kha ndɨkndɨgar ana muunga, ana guma khɨn ma. Fhuvara! Ana nde tha zɨr saŋ muuŋrim, nde ana kurkurav ndava mɨɨtɨgar ana nɨɨŋrim, ana taagip nan han zɨri. Gu ana rargi, ana mba guigira Zisas khothɨgi gumgi phorgɨv zɨri.

Khe Por Romiŋ Ndi Khergi Gap 14:10

Maaŋ muuŋgiap, ndu thaŋ nzuav wo phorgap guigira Zisas khothɨgi guma mbui tɨvi garav, buni mbatɨgir ana nzuai? Ndu thaŋ nzuav wo phorgap guigira Zisas khothɨgi guma mbevav ana nzuai? Ndu khueŋ kaŋgi, nza zam Fhe Bakɨme nɨma thivgirim, ana nza muuŋgi tɨvi ga suaŋv nza suanga.

Farasegi Gumgi 27:23

Gu Fhe Bakɨme ŋaara mbui guma ma. Gu vhɨra ana guma ma. Gu gurum ŋkoran Fhe Bakɨme enser mbe garim, ana nan hɨgap, na han thɨgi.

Farasegi Gumgi 12:23

Mbe maaŋ nzuaim, Herot mba kameŋ mbararagiap, khaŋ mbe suaŋ thagi, “Nde Fhe Bakɨme zɨ ndi vun kuamkuari”. Ana maaŋ muuŋ thagim, Fhe Bakɨme enser mbe zav ana shogi. Ana ana shogim, rɨmrɨm mbatɨk mbe ana hɨgim, faari ana ndava vhee pim, ana rimgi.

Farasegi Gumgi 12:15

Ana maaŋ mbe nzuaim, mbe khaŋ ana nzuai, “Ndu ŋanŋani o?” Mbe maaŋ ana nzuaim, ana khaŋ tɨgap havhargiap khaŋ mbe nzuai, “Fhuvara. Ana guigi guarara mbu thɨmkamanin.” Mbe thav khaŋ ana nzuai, “Mbar, anan ŋina ndu mbui.”

Farasegi Gumgi 10:3

Ana raa mben ra vera vov ŋkotugur phuni khegene ndim, ana rɨma kui fara muuŋgiap, bigɨn mbe gari.

Farasegi Gumgi 5:19

Mbe mbe ndim bɨna suegim, mba maan Fhe Bakɨmen enser mbe zav, mbe nzuav mba phena tɨvaneŋ thɨma fhɨrgiap, mben kov kɨrar hegi.

1 Timoti 4:12

Mbe ndu garim, ndu maneŋ guman kamara ki. Mbe khuen ndu ndɨkndɨgɨ thari, ndu guma khɨn ma. Fhuvara. Ndu tɨvir vhuuiŋra muuŋrim, mba Fhe Bakɨme zɨn panan ruagi gumgi gu mbigi ndun tɨvi ganɨv, nta zɨn ŋgɨri. Ndu nzuai buni, ndu tɨvir vhuuiŋra mbui buni suaŋv, ruru vhuuŋra muuŋv, guigira wo ndavar harigi ntɨɨri nɨɨŋri, guigira Zisas khothɨgɨp, Fhe Bakɨme vuzvugi tɨvir mbe khɨvɨv, mbe suaŋri.

1 Korin 9:22

Guigira Zisas khothɨgi ndɨkndɨk havhargi fhuv gumgi, gu mbe rɨmgi nɨman, gu guigira Zisas khothɨgi ndɨkndɨk havhargi fhuv guma fara muuŋgiap rui. Gu maaŋ muuŋv, gu mbe ndigirga. Gu za kha gumgi mbui tɨvi ga mbui. Ne khaŋ muuŋgi, gu za thari ndigir zav, gu za mba tuavir mpari.

Khe Por Romiŋ Ndi Khergi Gap 15:1

Nza khaŋ tɨga havhargiap Zisas Krais khothɨgi ndɨkndɨgi havhargi gumgi, nza ŋaar ki. Nza mba Krais khothɨgi ndɨkndɨk havhargi fhuv gumgi, nza mbarara mben kurkurav, mbe Krais khothɨgi ndɨkndɨk suirav, mbe havhargip thɨgɨrga. Nza kha ndɨkndɨgar muunga fhuvara, nza wari wo vuzvugi zɨn ŋgɨrga.

Khe Por Romiŋ Ndi Khergi Gap 14:21

Ndu maaŋ muuŋgip sɨga the mbegɨrga o, ndu wainan mbegɨrga o, ndu harigi bigɨn thueŋ muuŋgirim, mba bigeŋ guigira Zisas khothɨgi guma o mbiga then muuŋgirim, ana rɨgɨrga, khueŋ nzerigi, ndu mba tɨvi thari.

Vhagi Buni 8:2

Gu zumgum garim, Fhe Bakɨme zɨ ki harathɨgi enseri, mbe Fhe Bakɨme nɨma thivgim, mbe harathɨgi mbarɨvir mbe ndɨɨi.

Garesia 6:1

Nde na phorgap guigira Zisas khothɨgap ana zɨn vui gumgi, nde maaŋ muuŋgip guma the ganɨrim, ana tɨva mbatɨk thueŋ muuŋgirim, nde Fhe Bakɨmen Ŋina Ŋaar nde garim, nde ana vuzvuga zɨn vui gumgi, nde mbarara mba guma phorgɨv suaŋv, ana mbui tɨva mbatɨgeŋ ndi thɨgar mbarari. Nde maaŋ muuŋv, nde vhɨra tuituigira wari ganɨri. Nde muuŋv kɨrim, Satan nden mpararim, nde vhɨra regɨp, tɨvi mbatɨgir muuŋgirga.

2 Korin 10:10

Gumgi mbari khaŋ nzuai, “Por kheri gavi, nta mbarkɨrga buni havhari ntan ki. Ana nduara zav nzan han zav, nza phorga nzuaim, nza ana gari, ana guigira ŋkasŋka ki fhu. Ana vhɨra Fhe Bakɨme buni vhuuiŋ bun nzuai tɨv nzerigi fhu.”

2 Korin 10:1

Gu Por, gu khaŋ nzuai. Gumgi mbari, mbe fhura shɨshɨgap buni na sav, khaŋ nzuai, “Por, ana nzan han kav, ana guigira wo mbevav nzan han ki. Ana nza thav vov samra kav, ana kama havharara nza nzuai.” Mbe mba kamen na suaŋgim, gu Por, gu ntigem khaŋ tɨgap nde nzuai. Nde Krais Zisas, ana guigira wo mbevav, mbarara gumgi ga mbui tɨvi, nde nta ndɨkndɨgɨp, gu ntigem nde nzuai, nde tuituigira gu ntigem nde suan za mbui kameŋ, nde ne ndɨkndɨgɨri.

Ruk Khergi Kaman Vhuuŋ 10:16

Zisas kha bunin mbe nzua vov khaŋ mba wo farasegi 72 ŋaara gumgi ga nzuai, “Guma nde nzuai buni mbararagi, ana na buni mbararagi. Guma nde nzuai buni ana kɨr nta segi, ana kɨr na buni ga segi. Mba guma kɨr na buni ga segi, ana kɨr nara segi fhuvara, ana vhɨra kɨr Fhe Bakɨme segi. Fhe Bakɨme nduara na sarigi gu zɨgi.”

Matiu 12:20

Ne khaŋ muuŋgi, vurun mbɨrav phɨrɨ za mbuim, ana za ana phɨrgirga tuktɨgi fhuvara. Ana vhɨra tuituigiap shi fhuv ram, ana ana ŋguigirga fhu. Ana ŋgarɨv kɨv, ana guigira tɨvar vhuuŋ guarara ndi kɨra khɨngirga.

Hibru 9:24

Nza kaŋgi, Krais ana gumgi wari won farir Fhe Bakɨme Phen tuma panpana vhuav muuŋgi Phena vhen vergi fhuvara. Zakɨra fhuvara! Ana nduara Hevenra vergi. Ana nza nzuav Hevenan Fhe Bakɨme nɨman vergi. Ana ntigem Fhe Bakɨme han Hevenan kav, ana ntigem nzan kurkurigi.