Matiu 17:5 - Fhe Bakɨmen Kaman Kameŋ

⁵ Pita mba bunin ana nzuavra kim, guigira ŋgarav gari buiva hura mbige zav mbe vharigim, guma mbe mba buiva hurige vhen kav khaŋ mbe nzuai, “Khe nan Kam ma, gu guigira ana vuzvugiap, anan ndikndigi. Nde ana buni mbararari!”

Matiu 17:5 Iomraidhean Croise

Matiu 12:18

“Khe nan ŋaara guma ma. Gu nduara ana farasarigi. Gu guigira ana vuzvugiap, nan ndava vhee guigira ana ndikndigi. Gu won Ŋina Ŋaarar ana nɨɨŋgirga. Ana harigi fhain ki gumgi gu mbigi, gu tɨvar vhuun mben muuŋv, taagi mbe ndirga ne bun mbe suanga.

Matiu 17:6

Mba guma maaŋ nzuaim, Zisas phorga rui gumgi mba kameŋ mbararagiap, mbe guigira rivgiap, wari wo thɨvi phɨrgiap, rav fegap, wari khoo ndiv nuiana segi.

Matiu 3:17

Ana ana han zerim, guma mbe kamthooŋ buivar kav khaŋ nzuai, “Khe nan Kam ma. Gu guigira ana vuzvugi. Na ndav vhee ana ndikndigi.”

Mak Khergi Kaman Vhuuŋ 1:11

Fhe Bakɨme Hevenan kav khaŋ ana nzuai, “Ndu nan Kam ma! Gu guigira ndu vuzvugiap, ndu nzuav ndikndigi.”

Mak Khergi Kaman Vhuuŋ 9:7

Pita nen Zisas ga suaŋgim, buiva hur hav, mbe vharigi. Mba buiva hur mbe vharigim, Fhe Bakɨme mba buiva hurigen kav khaŋ mbe nzuai, “Khe nan Kam ma. Gu guigira ana vuzvugi. Nde ana buni mbararari!”

Zon Khergi Kaman Vhuuŋ 3:16

“Fhe Bakɨme, ana Kama bavira ki. Ana guigira wo ndavar kha nuianan ki gumgi gu mbigi ga nɨɨŋgiap, ana ne nzuav mba Kama bavira, ana anan mbe nɨɨŋgi. Ana maaŋ muuŋgim, mba ana khothɨgi gumgi gu mbigi, mbe fhɨrgi rɨgɨp vhɨzgirga tuktɨgi fhu. Zakɨra fhuvara! Mbe zazera mbara muuŋgiap ki bɨɨŋbɨɨŋ ndigirga.

Zon Khergi Kaman Vhuuŋ 3:35

Ndia ana guigira won Kama vuzvugiap, mba bigir za won Kama farve khɨngi.

Zon Khergi Kaman Vhuuŋ 5:37

Ana na sarigim gu zɨgi, ana nduara na bun nzuai. Nde ana kamthooŋ mbararagi fhu. Zakɨra fhuvara! Nde vhɨra ana khoma gangi fhu.

Farasegi Gumgi 1:9

Zisas kha bunin mbe suaŋgia thugim, mbe ana garavra kim, ana mbe thav fhura sigap Hevenan ndai. Ana ndaim, buiva hura mbige za ana vharigim, mbe wom ana gari fhu.

Farasegi Gumgi 7:37

Mba Isreriŋ kov vugi Mosesra, ana khaŋ mbe suaŋgi, ‘Fhe Bakɨme nden rɨgɨra nden ŋguga the ndim farim, ana na farar muuŋgip, Fhe Bakɨme kamthooŋ guma kɨrga.’

Efesus 1:6

Ana mba guigira vuzvugi Kama panan, ana guigira fhura kora muumbara bakɨmen nza muuŋgi. Maaŋ muuŋgiap, ana mba nzan kora muuŋgi kora muumbara bakɨme ndɨkndɨgɨp, nza guigira Fhe Bakɨme zɨ ndiv vun kuamkuarga.

Korosi 1:13

Nza fhum gɨngɨna ŋkasŋkar vhen kim, ana gɨngɨna ŋkasŋka vhen taagia nza ndigap, nza ndim, won Kama zɨn fagi. Mba Kam, ana guigira won ndavar ana nɨɨŋgi.

Hibru 5:9

Mba tɨv ana muuŋgim, ana guigira fhara guarara buni mbararagi guma ki. Maaŋ muuŋgiap, ana buni zɨn vui gumgi gu mbigi, ana mben kurkurav, taagia mbe ndi. Ana mba ndi gumgi gu mbigi, mbe zazera mbara muuŋgip kɨrga. Maaŋ muuŋgiap, Fhe Bakɨme ana farasarav ana nzuav, khaŋ nzuai, “Ndu Merkisedek Fhe Bakɨme rotu gari guman pan kegi farar muuŋgirga.”

Vhagi Buni 1:7

Nde ganɨ! Ana mbu buiva hurivige phorga zeri. Kha gumgi gu mbigi, mbe bevbevira za wari won rɨmgira ana gangirga. Mba fugar ana segi gumgi, mbe bevbevira za ana ganɨnga. Kha nuianan ki gumgi gu mbigi, mbe za ana ndɨkndɨgɨp, ana korar muuŋv, thagir nzir muunga. Ahaŋ, kha bigi guigira hɨrga. Ne guigi guarara.

Vhagi Buni 14:14

Gu mbaram garav, gu buiva hura mbige garim, kha nuianan ki gumgi nza fara muuŋgi guma mbe niŋge perigi. Ana gorar muuŋgi ŋgui vhɨrve gari guman pana khorshɨgar fagi. Ana farver ana guigira bɨrgi kos suirigi.