Matiu 17:2 - Fhe Bakɨmen Kaman Kameŋ

² Mbe kav, mbe Zisas garim, ana fhav harigi khesharav hɨgi. Mbe ana khoma garim, ana khom guigira ŋgarav, ra ndav sharigi fara muuŋgim, ana sharigi shagi, nta guigira hurgiap, ŋgara gari.

Matiu 17:2 Iomraidhean Croise

Matiu 17:1

Zisas mba bunin mbe suaŋgiap, zumgum mporathɨgi rari vhɨzgim, ana mbaram Pita gu Zems, anan ŋguga Zon, ana mben kov, mbe vo guigira vun mbar ndagi mbɨkshɨma bakɨ mben ndagi. Ana mben kov ndav, mbe nduarira ki.

Matiu 17:3

Mbe ana garim, Moses gu Iraiza za zav ana han thɨgap, ana phorga nzuai.

Matiu 28:3

Ana khom guigira ŋgara garav, buip vhekvhegi vhava ŋaara hura fara muuŋgi. Ana shagi hurgiap, buiva hura gari fara muuŋgi.

Mak Khergi Kaman Vhuuŋ 9:3

Mbe ana garim, ana mba shargi shagi guigira hurgiap ŋaara gari. Ana shagi fhum guma the kha nuianan ruagi shagi ŋgara gari gangana muuŋgi fhuvara. Nta guigira ŋaara gari.

Ruk Khergi Kaman Vhuuŋ 9:29

Ana mbe kov ndav kav, Fhe Bakɨme phorga nzuai. Ana ana phorga nzuav kim, ana khom harigi khesharav hɨgim, ana mba sharigi shagi, nta guigira hurgiap ŋgara gari.

Zon Khergi Kaman Vhuuŋ 1:14

Fhe Bakɨmen Kameŋ, ne guma guara gegap, zerav, nzan rɨgar ki. Fhe Bakɨme mba tara bavira ki. Anan tɨvir vhuuiŋ guarira gum ŋkasŋka bakɨme anan ki. Nza vhɨra ana tɨvir vhuuiŋ guarira gum ana ŋkasŋka bakɨme gangi. Anan tɨvir vhuuiŋ guarira gum kora muumbara bakɨme guigira anan ki. Ana vhɨra guigira Fhe Bakɨmen nza khɨvigi.

Zon Khergi Kaman Vhuuŋ 17:24

“Dara, gu khueŋ vuzvugi, ndu na nɨɨŋgi gumgi gu mbigi, mbe na phorgɨp gu ki ŋgun kɨrga. Gu khueŋ vuzvugi, mbe nan ŋkasŋka bakɨme gum nan zɨ bakɨme ganɨnga. Kha nuian zumgum hɨgi, ndu fhum guarara wo ndavar na nɨɨŋgiap, ndu mba ŋkasŋka bakɨme gum zɨ bakɨmen na nɨɨŋgi.

Khe Por Romiŋ Ndi Khergi Gap 12:2

Nde kha nuiana gumgi gu mbigi rui rurur muuŋ thari. Fhuvara! Nde kha nuiana gumgi gu mbigi ndɨkndɨgi ndɨkndɨgi farar muuŋ thari. Nde fhura Fhe Bakɨme ganɨrim, ana nde ndɨkndɨgir muuŋrim, nde ndɨkndɨgi ŋkaar muuŋv, nde vhɨra tɨvir ŋkaar muuŋri. Nde maaŋ muunga, nde guigira Fhe Bakɨme vuzvugi kaŋgirga. Nde nta kaŋgip, nde mbaram vhɨra tɨvir vhuuiŋ kaŋgip, nde Fhe Bakɨme guigira vuzvugi tɨvi, nde nta kaŋgip, nde tɨvir vhuuiŋ guarira kaŋgirga.

Vhagi Buni 10:1

Gu mbara wom garav, gu Fhe Bakɨme enser ŋkasŋka mbe garim, ana Hevenan kegap zeri. Ana buiva hurar wo ndogiap, shaar wo sharigi fara muuŋgim, vhuisha ana panan ki. Ana khom ŋgarav, ran fara muuŋgi. Ana suani vhavir khua gari gangana mbui.

Vhagi Buni 20:11

Gu mbaram, ŋgui vhɨrve gari guman pan pigi mpirmpirɨga hura gari, ana ki. Gu mba mpirmpirɨga pigi guma gari, ana vhɨra ki. Gu gari, buip gu nuian ana thav, ra vugap, ni wom ki fhu.