Matiu 14:3 - Fhe Bakɨmen Kaman Kameŋ

^3-4 Herot fhum won ŋguk Firip tɨn ana muuŋ Herodis ga tɨgi. Ana ana tɨgim, Zon Gumgi Ruai Guma khaŋ ana nzuai, “Nza Zudaiŋ nzan tɨv khaŋ nzuai, ndu mba mbiga tɨgi ne nzerigi fhuvara.” Zon Gumgi Ruai Guma ne suaŋgim, Herot ne nzuav ana suirav, shenan ana kegap, ana ndi bɨna khɨngi.

Matiu 14:3 Iomraidhean Croise

Matiu 11:2

Zon bɨnan kav, ana Krais mbui ŋaari gu bigir kameŋ mbararagiap, ana wo phorga rui gumgi ga sarigim, mbe Zisas han vui.

Matiu 14:6

Herot maaŋ muuŋgiap kim, raa mben, ana niamuuŋ ana tegi tuk, ana mba tuga ndɨkndɨgap, gumgi mbarir kamgim, mbe zav ana phorga pi. Mba tugen Herodisan kambik zav mbe nɨman hii. Ana hiim, Herot guigira ana hɨɨ vuzvugi.

Matiu 4:12

Zisas mbararagim, mbe Zon gumgi ruai guma ndi bɨna khɨngim, Zisas vov Garirin fhain hɨgi.

Mak Khergi Kaman Vhuuŋ 6:14

Zisas bigi vhɨrve ga mbuim, ana zɨ hɨgim, gumgi vhɨrve ana kaŋgi. Herot, Gariri gum Peria fhaiŋ gari guman pan ne mbararagi. Mbe mbari khaŋ nzuai, “Zon Gumgi Ruai Guma rimgia taagia khavgi. Ana maaŋ muuŋgiap, ŋkasŋka ndigap, kha mirikori ga mbui.”

Mak Khergi Kaman Vhuuŋ 6:17

Herot khaŋ muuŋgiap ne nzuai. Ana fhum won ŋguga Firip tɨn ana muuŋ Herodis ga tɨgi. Zon khaŋ ana nzuai, “Herot, ndu tɨvar vhuuaŋ muuŋgi fhuvara. Ndu tɨva mbatɨga mbuav, wo ŋguga tɨn anan muuaŋ tɨgi.” Zon ne suaŋgim, Herodis ana nzuav guigira ndav shigi. Ana Zon shogirim, ana rimgirga ne nzuav Herot dama mbui. Herot ana vuzvuga zɨn ŋgɨ thav, gumgi mbari ga nzuaim, mbe Zon suirav, ana ndi bɨna khɨngi. Herot kaŋgi, Zon Fhe Bakɨme guman ŋaar ma. Ana ana nzuai tɨvir vhuuiŋra zɨn vui guma ma. Herot maaŋ muuŋgiap, anan rivgiap, ana ndi ŋgɨrgi. Herot vhɨra Zon nzuai buni mbararav ndɨkndɨgi vhɨrve ga mbuav, ana buni mbararageŋ vuzvugi.

Mak Khergi Kaman Vhuuŋ 6:22

Mbe zegap, mba shama pav kim, Herodis kambik zav mbe mba pi ŋanen vergap, mbe nɨma hii. Ana hiim, Herot gum mba zega ana phorga pi gumgi anan hɨɨ gangiap, guigira anan hɨɨ vuzvugiap, anan ndikndigi. Mbe anan ndikndigap, Herot khaŋ mba biptara nzuai, “Ndu bigɨn the vuzvugip, ndu na nzari. Gu mba bigɨnan ndun nɨɨŋgirga.”

Mak Khergi Kaman Vhuuŋ 8:15

Zisas mbaram mbe goriruap, khaŋ mbe nzuai, “Eke! Nde thukhɨngira mba Fherasiŋ gum Herot is gangiri.”

Ruk Khergi Kaman Vhuuŋ 13:1

Zisas Fhe Bakɨme buni vhuuin mba gumgi gu mbigi ga suaŋgia thugim, gumgi mbari maaŋ kav, mbe Gariri gumgir hɨgi bigen ana neŋgi. Mbe mba bigen ana neŋgap khaŋ ana nzuai, “Gariri gumgi mbari, mbe Fhe Bakɨme nzuav sɨgi shogav shama mbuav kim, Pairat won ntari ga mbui gɨɨtɨvi ga sarigim, mbe vov, mbe shogi, mbe vɨzi siav, mba Fhe Bakɨme nzuav shogi sɨgi vɨzi tɨ suagi.”

Ruk Khergi Kaman Vhuuŋ 13:31

Zisas mba buni nzuai tugera, Fherasiŋ mbari, mbe Zisas han zav khaŋ Zisas ga nzuai, “Ndu ntigera kha ŋgu thav harigi ŋanen ŋgɨri. Herot ndu shogiri ndu rɨmɨn za nzuai.”

Ruk Khergi Kaman Vhuuŋ 23:11

Mbe ana nzuaim, Herot mbaram won ntari ga mbui gɨɨtɨvir kov, mbe buni mbatɨgi guarira ana nzuav ana nzɨɨi. Mbe maaŋ ana mbuav, mbaram shaa vhuuŋra ndiga zav ŋgui gari guman pan nzɨɨi sɨɨŋmbarar ana muuŋgiap, ana sarigim, ana taagia Pairat han vui.

Ruk Khergi Kaman Vhuuŋ 23:7

Ana mba nzambaren mbe muuŋgi, mbe ana suaŋgim, ana kaŋgi, Zisas Herot gari fain kega zɨgi. Ana ne kaŋgiap Zisas ga sarigim, mbe anan kov Herot han vui. Mba tugen Herot vhɨra ndav Zerusareman ki.

Ruk Khergi Kaman Vhuuŋ 3:1

Sisar Taiberias Roma gari guman pan kav kim, anan 15 mparive hɨgi. Mba tugen Pontius Pairat, ana Zudia fhaiŋ gari guman pana vhari ki. Herot, ana mba tugen, ana Gariri fhaiŋ gari guman pan ki. Anan ŋguga Firip, ana Ituria gum Trakonitis fhaiŋ gari guman pan ki. Risanias, ana Abirene fhaiŋ gari guman pan ki. Mba tugen Anas gum Kaiafas, mani Fhe Bakɨme rotu gari guman panani ki. Mba tugen Sekaraian kama Zon, ana gumgi ki fhuv ŋanen kim, Fhe Bakɨme wo bunin mba gumgi gu mbigi ga suan za ana suaŋgi.

Ruk Khergi Kaman Vhuuŋ 8:3

Ana phorga ruigi mbiga mbe Zoana, ana Kuzan muuŋ ma. Anan mana Kuza, ana Herot phena gari guma bakɨme ma. Mbe phorga ruigi mbiga mbe khare, Susana. Mbe mbigi vhɨrvera Zisas phorga ruigi. Mba mbigi, mbe won bigira Zisas gu ana phorga rui gumgir kurkurigi.

Farasegi Gumgi 12:1

Mba tugen, Herot ana ŋgui gari guman pan kav, ana hɨgap, Fhe Bakɨme zɨn vui gumgi gu mbigi mbarir farfa zav nzuaim, mbe mben suigiap, mbe ndim bɨna suegi.

Farasegi Gumgi 4:27

“Kha kameŋ guigi guarara, Herot gum Pontius Pairat, mba harigi ŋgui gumgi gum Isreriŋ, mbe kha ŋgu bakɨmera wari fugap, ndun ŋaara guman ŋaar Zisas, ndu fhum ana farasarigim, mbe ana mbevav ana ndim, nɨɨaŋ mpɨɨav ana muuŋgi.