Matiu 14:1 - Fhe Bakɨmen Kaman Kameŋ1-2 Mba tugivigen, ŋgui gari guman pana vhari Herot, ana Zisas mbui bigi kameŋ mbararagiap khaŋ won ŋaara gumgi ga nzuai, “Mbu guma, ana Zon Gumgi Ruai Gumarame? Ana rimgim, mbe ana ndi mboga tɨgim, ana taagia khavgire! Ana maaŋ muuŋgiap, mba ŋkasŋka kav mba mirikori ga mbui.” Faic an caibideil |
Sisar Taiberias Roma gari guman pan kav kim, anan 15 mparive hɨgi. Mba tugen Pontius Pairat, ana Zudia fhaiŋ gari guman pana vhari ki. Herot, ana mba tugen, ana Gariri fhaiŋ gari guman pan ki. Anan ŋguga Firip, ana Ituria gum Trakonitis fhaiŋ gari guman pan ki. Risanias, ana Abirene fhaiŋ gari guman pan ki. Mba tugen Anas gum Kaiafas, mani Fhe Bakɨme rotu gari guman panani ki. Mba tugen Sekaraian kama Zon, ana gumgi ki fhuv ŋanen kim, Fhe Bakɨme wo bunin mba gumgi gu mbigi ga suan za ana suaŋgi.
Zon Gumgi Ruai Guma zumgum harigi tugar, Gariri gari guman pana Herot ga vhegi. Herot tɨvi mbatɨgi vhɨrve ga muuŋgiap, wom hɨgap, won ŋguga tɨn ana muuŋ Herodis ga tɨgi. Zon Gumgi Ruai Guma ne nzuav ana vhegi. Herot hɨgap, harigi bigɨna mbatɨga mueŋ phorga mba bigi tɨkhɨngiap, Zon Gumgi Ruai Guma suirav ana ndim bɨna khɨngi.
Khe Antiokiŋ neŋgi buni khare. Mben gumgi mbari, mbe Fhe Bakɨme buni vhuuiŋ bun nzuai. Mben gumgi mbari, mbe Fhe Bakɨme vuzvugi tɨvir mba Zisas zɨn vui gumgi gu mbigi khɨvi. Mba ŋaara mbui gumgi zɨri khare, Barnabas gum, Simeon, ana zɨ mbe Niger, Rusius, Sairini ŋgu bakɨme guma, Sor gum, Manain. Manain, ana mba ŋgui gari guman vhari Herotan khurkhum ma.