Hibru 8:2 - Fhe Bakɨmen Kaman Kameŋ

² Ana Hevenan Fhe Bakɨme rotu gari guman pan ki. Ana guigira Fhe Bakɨme Phen ma. Mba phen, gumgi wari won farir muuŋgi phen fhuvara. Guma Bakɨme nduara mba phena muuŋgi, ana thɨgi.

Hibru 8:2 Iomraidhean Croise

Ruk Khergi Kaman Vhuuŋ 24:44

Ana khaŋ mbe nzuai, “Gu fhum nde phorgara kav, gu khaŋ nde suaŋgi, mbe mba na nzuav khergi buni, nta mba Moses suaŋgi tɨvi ki gavar ki, nta vhɨra mba Fhe Bakɨmen kamthooŋ gumgi suaŋgi buni ki gavar ki. Nta vhɨra ŋgavi ki gavar ki, mba buni, nta za guigira mba tegɨrga.”

Khe Por Romiŋ Ndi Khergi Gap 15:8

Gu khaŋ nde nzuai, Krais, ana Zudain ŋaara guma kɨr zav zɨgap, ana mben kurkurigi. Ana maaŋ mbuav, ana Fhe Bakɨme suaŋgi kamen mbe khɨvim, mba kameŋ, ne guigira kameŋ ma. Ana mba mbe mbui tɨv, ana mba Fhe Bakɨme fhum mben farigi nzɨgi ga suaŋgi kameŋ zɨra vugi.

2 Korin 5:1

Nza khueŋ kaŋgi, nza ntige kha nuianan ki fhavi, nta sher phena fara muuŋgi. Nta maaŋ muuŋgip mbatɨgirga, Fhe Bakɨme vhɨra harigi phena nza ndɨɨi farar muuŋgip harigi fhavir nzan nɨɨŋgirga. Mba fhavi, nta guma wo farve suirav muuŋgi phena fara muuŋgi fhuvara. Mba fhavi, nta Hevenan ki phen fara muuŋgi fhavi ma, nta zazera mbara muuŋgip kɨrga.

Korosi 2:11

Nde ana phorga kav, nde guigira warir fooi tɨva ndigi. Mba tɨv, ana nde fhura wari wo fhavi ga mbui tɨv fhuvara. Zakɨra fhuvara! Nza Krais tɨvi zɨn vov, nza wari won ndava vura tɨvi, nza nta vharigim, nta nza thav sagi. Mba tɨv, ana guigira fooi tɨva guar ma.

Hibru 10:11

Fhe Bakɨme rotu gari gumgi, mbe za rari tugɨra tɨgap wari won ŋaari ga mbui. Mbe mba khesharigi ofari, mbe tugi tugɨra tɨgap zazera nta muuŋgi. Mba ofari, nta gumgi gu mbigi muuŋgi tɨvi mbatɨgi vhɨzgirga tuktɨgi fhuvara.

Hibru 10:21

Nza Hevenan Fhe Bakɨme rotu gari guman pan ki. Ana za kha Fhe Bakɨmen gumgi gu mbigi gari.

Hibru 11:10

Abraham zazera Fhe Bakɨme khothɨgap, ana mba ŋgu bakɨme ganɨrim, ana havhargip, zazera mbara muuŋgip kɨrga, ana anan rarga ki. Mba ŋgu bakɨme, Fhe Bakɨme, ana nduara, ana muungeŋ ndɨrɨgap, ana nduara ana muuŋgi.

Hibru 9:1

Mba fhara suaŋgi kameŋ, ne rotu ga mbui tɨvi nen ki. Fhe Bakɨme rotu ga mbui phen vhɨra kha nuianan ki.

Vhagi Buni 21:3

Gu ŋgui vhɨrve gari guman pan pigi mpirmpirɨgar han, gu mbararagim, guma mbe kamthooŋ khɨrɨp kaav, khaŋ nzuai, “Ganɨ, ntigem Fhe Bakɨmen Phen gumgi gu mbigi phorga ki. Ana mben rɨgar kɨrga, mbe anan gumgi gu mbigi kɨrga. Ahaŋ, Fhe Bakɨme, ana nduara mbe phorgɨ kɨv, ana nduara mben Fhe Bakɨme kɨrga.