Hibru 7:8 - Fhe Bakɨmen Kaman Kameŋ

⁸ Rivaiiŋ, mbe Isrerin bigi ndi phogi ga vhuav, phok mbevi, mbe anan mbe ndɨɨi. Mbe Rivaiiŋ, mbe vhɨzi gumgi ma. Merkisedek, Abraham wo bigi shɨrav phok mben anan nɨɨŋgi. Ana ŋamra kav mba phok ndigi. Fhe Bakɨme buni vhuuiŋ ki gap, ana Merkisedek rimgi ne bun nzuai kameŋ ki fhu.

Hibru 7:8 Iomraidhean Croise

Zon Khergi Kaman Vhuuŋ 14:19

Tuga bisanera kha nuianan ki gumgi gu mbigi wom na gangirga tuktɨgi fhuvara. Nde na ganɨnga. Gu rimgip, taagi khavgip, zazera mbara muuŋgip kɨrga. Maaŋ muuŋgiap, nde vhɨra zazera mbara muuŋgip kɨrga.

Zon Khergi Kaman Vhuuŋ 14:6

Zisas mbaram khaŋ ana nzuai, “Gu nduara mba tuav ma. Gu vhɨra nduara buni guarir nɨɨŋge ma. Gu vhɨra nduara zazera mbara muuŋgip ki bɨɨŋbɨɨŋ nɨɨŋge ma. Guma the Dara han ŋgɨr saŋv, ana harigi tuav then, ana han ŋgɨgɨrga tuktɨgi fhu. Zakɨra fhuvara! Gu nduara mba tuav ma.

Hibru 3:16

Theiŋ fhum Fhe Bakɨme kamthooŋ mbararagiap, ana rɨɨŋrɨɨŋgiap, ana buni daasuegi? Mba gumgi gu mbigi Moses Idzɨvar kegap, mbe ndigi zegi. Mbera mba tɨva muuŋgi.

Hibru 5:6

Mba harigi ŋana muen Fhe Bakɨme vhɨra khaŋ nzuai, “Ndu na rotu gari guma kɨv, ndu zazera mbara muuŋgip kɨrga. Ndu Merkisedek Fhe Bakɨme rotu gari guma kegi farar muuŋgirga.”

Hibru 6:20

Zisas nzan kurkurar zav fharav mba ŋanen vergi. Ne khaŋ muuŋgi, ana Merkisedek fara muuŋgiap, Fhe Bakɨmen rotu gari guman pan ki. Ana Fhe Bakɨmen rotu gari guman pan kɨv, ana zazera mbara muuŋgip kɨrga.

Hibru 7:23

Fhum gumgi vhɨrve, mbe Fhe Bakɨme rotu gari gumgi kegi. Ne khaŋ muuŋgi, mbe vhɨzi gumgi ma. Mbe zazera mbara muuŋgip kɨv Fhe Bakɨmen rotu gari gumgi kegɨrga tuktɨgi fhuvara.

Hibru 7:7

Nza guigira khueŋ kaŋgi, guma ana ŋgɨrkama vhuuin harigi guma ga ndɨɨi, ana guman rum ma. Ana mba ŋgɨrkama vhuun nɨɨŋgi guma, ana ana piin ki.

Hibru 7:9

Nza khaŋ suanga tuktɨgi, Rivai, ana Abrahaman nzɨk ma. Rivai, ana vhɨra Abraham phorgap mba phogar Merkisedek ga nɨɨŋgi. Rivaiiŋ Isreriŋ mba phogir mbe ndɨɨi ntɨɨri ma.

Hibru 9:27

Kha nuianan ki gumgi gu mbigi, mbe zam rɨmrɨm bueŋra muuŋgirga. Mbe vhɨzgip, mbe zumgum Fhe Bakɨme nɨma thivgirim, ana mbe muuŋgi tɨvi mbatɨgi ga suaŋv mbe suaŋgirga.

Vhagi Buni 1:18

Gu vhɨra Zazera Mbara Muuŋgiap Ki Guma ma. Gu fhum rimgi. Ndu ntige na ganɨ, gu ntigem zazera mbara muuŋgip kɨrga. Ndu ganɨ, gu Vhɨzi Tɨvar kii suirap, gu vhɨra mba Vhɨzgi Gumgi Ki Ŋgun kii suirigi.